元朗合隆潮州粉麵 (德仁街)

24-10-2023 (Tue)老公生日同佢放假,由於我哋book咗呢晚去中環嘅東歐餐廳(https://www.openrice.com/zh/hongkong/r-%E6%9D%B1%E6%AD%90%E9%A4%90%E5%BB%B3-%E4%B8%AD%E7%92%B0-%E6%9D%B1%E6%AD%90%E8%8F%9C-%E9%85%92-r499161)食晚飯,而我哋又冇咩嘢做,於是不如過咗海食晏先,我就提議去灣仔BakeHouse(https://www.openrice.com/zh/hongkong/r-bakehouse-%E7%81%A3%E4%BB%94-%E8%A5%BF%E5%BC%8F-%E9%BA%B5%E5%8C%85%E5%BA%97-r558300)食,佢就係咁search灣仔美食,就Search到呢間,佢生日就就佢啦.我哋嚟到時啱啱好多人,因為Lunch hour嘛,咁我哋拎定紙仔睇同填定先啦,由於要留肚,所以都唔敢揀太多嘢,我就要自選湯粉麵,清湯底,要豬心同豬肚配銀針粉,盛惠＄45.00,老公就鎖定要豬什豬油撈麵.等咗８分鐘就有位,交咗張表後,嘢食好快到嚟,老公撈好佢嘅麵後,我就食一啖,我覺得冇咩特別,可能我試唔真啦.之後我食我嘅豬心,豬肚銀針粉,豬心大件好粉同有內臟嘅膻味,豬肚同銀針粉都爽口,而個湯,咁重胡椒味嘅?我睇睇張單,原來我剔錯咗白胡椒湯,不過好彩都唔係好辣.3.5分其他:老公攞菜莆嚟試,佢話好辣,我就唔敢食喇.而老闆收嘢時見到老公食晒,就同老公講好辣個喎,我哋自己炒嘅.服務:好好,好nice 同好有禮貌,亦好老實,因為老公剔咗$43.00嘅細豬什湯淨餸同$28.00嘅淨豬油撈麵,老闆娘過嚟問清楚,原$55.00嘅豬什豬油撈麵就係佢想要嘅嘢,佢以為淨豬油撈麵或豬什豬油撈麵係冇豬什同／或湯.環境:好懷舊,但闊落舒適嘅.抵食係 2.8分呢篇食評嘅味道分只計我嘅.…Read More

近日喺灣仔嘅元朗合隆潮洲粉麵.突然之間被網紅起來.這店未被發掘之前.我哋已經食過一次.果次啲食物質素非常之高.由其是豬粉腸好食.腸內起粉.無異味.點點醬油.更勝一籌！今日因應綱紅吹虛.不妨到此懷舊美食回憶.來到合隆門口剛好12點正.見到條排隊人龍由正門排到7仔轉灣.真係誇張.無計因為我哋係山長水遠過嚟.為咗美食等吓都要！在此一等等咗45分鐘.啲人龍並沒有少咗.只係人龍向前行.後面不段有人加插排隊.條隊並沒有縮短.好難才能入座.入到去見到啲侍應好似打仗咁.不停哋追問食乜嘢.見到牆上面掛住個白板.寫著好多食物沽清.點餐如下： 1. 豬什淨食（大）X1 $50元 2. 柱侯牛筋腩 X1 $45元 3. 淨豬油撈麺 X1 $25元今日食評：湯底胡椒唔夠香濃偏鹹.可能係人多關係.豬什比前細件咗.豬油撈麵.豉油偏淡無味.牛筋腩一般係第二度都食得到.整體無突出.食物質素下降.可能係人潮引致！…Read More

下午時段經過灣仔德仁街，目光被一道綠色趟閘吸引過去，招牌寫著「元朗合隆潮州粉麵」，正門的位置是一大片光潔的玻璃，入囗隱在小巷中，設計咁有特色一於入去試試。擁有高樓底店內充斥著一股濃濃豬骨湯香味，室內裝璜樸實無華，營造懷舊氣氛，模式卻與七八十年代冰室無異，餐桌擺設簡單而平民化，備有插得滿滿的筷子桶、豉油碟、辣椒油、魚露，還放上一疊點菜單，所有物品都很潔淨沒有半點油跡，可想言之這小店十分注重衛生。打開餐牌，單是豬雜也有九款，部位齊全，心多多每款也想試，就點個(大)豬什河粉，一大湯碗裡面有: 膶、粉腸、大腸、肺、心、肚、耳、脷、青肉等式式俱備，豬雜灼得剛好，不嚡不韌，胡椒香料湯底撒上唐芹、芫茜、青葱，芽菜做成一碗鮮甜的豬雜河，蘸上魚露辣椒油把內臟的鮮味引發出來。妙極！餐牌上還有很多特色小食，可惜我已經好飽無法再試，唯有下次再會吧！…Read More