元朗合隆潮州粉麵 (德仁街)

突然網上睇到豬雜， 我當時喺灣仔，即刻上網搵下灣仔邊度有得食。見有人介紹呢一間就即時搵路過去食。行到門口見佢拉左閘，原來側面先食入去食野既門口。有個叔叔見我喺門口望下望下就介紹我入去睇個張點餐紙先知有咩食。叔叔都好nice, 仲教我點樣喺張紙度揀野食。我就叫左個細豬雜唔要麵。湯底好夠胡椒味，豬雜都好乾淨，冇嗰d唔開胃既氣味。佢個辣椒油d渣係好脆口，有焦香但係唔會苦唔澀口。 菜脯都好爽口同夠辣唔會偏咸。有時間一定會番去再食😀…查看更多

米粉食落特別幼滑，能夠完美掛住胡椒湯汁，又唔會過分吸水變糊。最正係佢哋堅持每日新鮮製造，米香特別突出。▼▼ 性價比大檢閱 ▼▼$68一碗嘅雙拼米粉：☑ 四隻黑豚豬餃子☑ 多件厚切牛肉餅☑ 米粉份量足夠成年男士飽肚呢碗雙拼米粉完美融合咗港式粉麵嘅精髓同創新元素。無論係黑豚豬餃子嘅精緻手工、牛肉餅嘅原始風味，定係胡椒湯嘅層次分明，都體現到小店對美食嘅堅持。價錢嚟講非常抵食，下午茶都唔使40 ，呢個價錢真係冇得輸，鍾意食胡椒湯嘅朋友不能夠錯過！…查看更多

港島區一向予人高消費地段，不過近排越來越多本土美食品牌進跓港島開設分店。元朗合隆潮州粉麵素以懷舊潮州粉麵為名、新鮮海鮮配菜、惹味地道食材、 麵低真材實料 。三餸麵必試豬紅、蠔仔、墨魚頭配白胡椒湯底，暖胃一流。佢哋亦有自製涼茶，認真製造。除了供潮州粉麵 , 豬雜外，小店亦有潮式地道小食，如脆門鱔魚皮、冰鎮墨魚頭、花雕醉雞中翼。店內的裝潢如紙皮石牆身、水泥地、圓枱圓凳等，都走懷舊風情。總體價錢合理、地點方便、好喜歡呢啲有人情味嘅小店,作為平民快食 , 可以一試。…查看更多

🚩懷舊風滿滿 人氣粉麵餐廳🚩📍 元朗合隆潮州粉麵如果你有一直留意香港的餐廳，相信不會對這間元朗合隆潮州粉麵感到陌生。憑著口碑和仿懷舊的店舖特色設計，它早已成為很多人追捧打卡的名店。根據寫文此刻Openrice的資料顯示，原來它在香港總共有八間分店，在今時今日這個環境下已是相當了不起。🍴花雕鮮醉雞撈麵先講結論，整個撈麵對我來說比較普通。麵質本身不乎合我的口味，也沒有甚麼味道，撈麵用的醬汁都沒有很香，無法彌補麵條的不足，也導致兩者不太配合。要讚的是，醉雞的花雕味濃而香，只可惜肉質實在一般又不夠滑，有點把這個花雕汁給浪費掉的感覺。另外要了一份聽説是這裡出名的牛舌。牛舌整體上算腍，這點做得不錯，但味道上對我來說就比較不討好。驚喜的卻是隨牛舌附上的胡椒熱湯非常暖胃，胡椒味又夠濃，是今次嘗過的食物裡最令我滿意的一樣。如果你有機會來到就建議主攻胡椒湯底的東西吧。…查看更多

元朗合隆潮州粉麵地址：灣仔德仁街3號A舖電話：2889 1618營業時間：星期一至日10:30am-9pm光顧日期：2019年7月10日和2022年11月10日，分別享用午餐及晚餐。食物：(1)銀針粉夠爽滑；2) 豬天梯：上顎的軟骨，纖維細軟彈牙；3) 粉腸：韌度適中，很咬口，脆爽嫩滑；4) 豬肺：可口，腍；5）湯底：不錯；6）金銀菊花茶清涼解毒少甜。環境：紙皮石牆身、水泥地、圓枱圓凳……很懷舊。…查看更多

年初四拜年日，朋友誠意推介外賣火鍋回家盡興，本來都怕胡椒湯底太辣，又有雞酒，有大有細小朋友未必o岩，為此已作2手準備可能要開多鍋清湯吧⋯⋯結果估不到湯底果然出色，濃濃醉雞湯味，火鍋前每人先來一碗！一個字正呀！雞滑鮮嫩，支竹厚實真材實料！黑豚肉餃真材實料！大人小朋友均喜歡！奉送的辣油香，值得一試！後悔無買多d料加餸，回家自加料火鍋不二之選！價錢公道！掂呀！😋😋😋🤤🤤👍🏻👍🏻👍🏻…查看更多

自2024年年中食後，因我退役，而無再來的一間粉麵店，今日因約左朋友而出灣仔，老公仔又來這邊見牙醫年檢，就因利成便，就約埋老公仔來食個早午餐，來到剛好有二人位入座！落左一大一細的豬什銀針粉，大家都不約而同要左胡椒湯底同銀針粉，但我好似忘記自己是胡椒湯底，加左兩匙羹仔辣蘿蔔，是我至愛！原來咁樣加埋係幾辣，但好和味！又要左冰震墨魚頭（夠彈牙，爽口）同上湯白蘿蔔（當時令，夠甜無渣）！本來都落左魚皮，可惜無來魚皮，無得食，有點兒失望！…查看更多

呢間元朗合興呀就係位於灣仔 撳呢個 愛群道遊泳池附近嘅 雖然佢個名叫元朗合興啦但係我都知道其實元朗呢係冇呢間粉麵店嘅 都唔知點解越叫元朗合興 呢間嘢呢就其實呢最出名呢啲人就係話食佢嘅胡椒豬肚湯嘅湯底啦同埋一啲 豬油撈飯呀豬油撈麵今次我就食呢個豬油撈米粉 都唔錯 都有好香嘅豬油味，加少少豉油呢就令到嗰個香味更加散發到出嚟 今次我要嘅餸啦就冇要到佢最出名嘅胡椒豬肚湯我而家食緊呢個啦就係牛奶豬骨湯嚟嘅加呢個牛肉同埋腐竹咁佢呢個湯都好好飲呀！值得一試除咗佢嘅招牌之外呢個樣嘢都可以試下佢佢呢度嘅環境～就係啲舊式嘅簡單裝修都有啲氣氛嘅企理乾淨嘅啲位闊落埋單我記得都要六七十蚊㗎跟住佢嘢飲呢就係飲嗰啲支裝汽水啦都有啲懷舊嘅感覺嘅不過就唔平…查看更多

懷舊綠色鐵閘，綠磚瓦仔裝修，大旗飄揚，原來已經開到第7、8間分店，就知犀利！一人前晚餐最緊要快靚正，已經8PM唔駛等位，可惜豬肺豬心都賣晒，好在仍夾到我嘅至愛組合：豬油撈針 x 胡椒牛肉餅 x 豬粉腸 x 墨魚頭豬油堅邪惡😈但好好味！銀針粉已經唔常有，仲要咁香滑真係想加底😂（唔知有冇得加）胡椒湯底多香芹，三款餸我都好滿意！冬天仲有驅寒火鍋，暖笠笠聽講仲受歡迎！走嘅時候廚房姐姐出嚟傾偈，歡迎我多啲嚟咁話😂…查看更多

呢間成日都好多人排隊，今日見條隊少人啲就揀咗嚟食佢合隆都係同車仔麵一樣玩法 - 揀湯，揀餸，揀麵同叫小食雙拼粉麵（$48）嚟到合隆必叫一定係白胡椒湯，黑豚肉餃，豬肉青！胡椒湯個種白胡椒嘅辣，真係一試難忘🥰另外豬肉青即喺豬頸肉嘅朋友，食落好爽口，黑豚肉餃就皮薄餡靚，呢個組合真喺開心仔胡椒芫荽牛肉餅（$48）牛肉餅有少少似係壓實咗嘅牛丸，咬落去係唔會爆汁嘅🙈一碗大概10幾舊牛肉餅左右，如果牛肉味重返多少少就Fit! 單叫呢個係唔會飽嘅，真係當小食。胡椒湯就唔洗再講啦，加咗芫荽仲香咗🤤天氣熱嘅時間似胡椒湯就係會成身汗㗎，要扣返啲環境分！如果想試吓嘅話最好帶風扇仔…查看更多

新鮮牛脷配胡椒湯底，比起平時嘅胡椒豬肚更特別！唔需要太多調味啦，牛脷有咬口，啖啖都係肉汁，令人食完仲想再嚐。胡椒湯底唔會太濃，幾好飲，又唔會蓋過牛脷嘅鮮味。加埋少少辣菜脯，三樣夾埋胡椒豬肚湯係俾唔到呢個效果整體黎講，食新鮮牛脷胡椒湯底係一種很特別嘅享受。如果你鍾意爽口嘅湯底同大方嘅牛脷，呢個絕對係一個值得一試嘅餐點！…查看更多

呢一間豬雜粉麵，我已經幫襯過其他分店，呢一間係我第一次幫襯嘅，佢喺律敦治醫院附近，之前去睇醫生嘅時候咁啱第一次食，今日喺附近複診就再去幫襯我最愛佢嘅邪惡豬油撈飯🙈 聽日豬油撈飯份量都非常多，啱晒大食嘅朋友🙈我今日揀咗另外三個唔同嘅餸，分別有牛舌牛肉餅同埋墨魚丸，呢間餐廳嘅墨魚丸非常爽口彈牙，而且成日都好早就會賣晒，咁啱今日竟然可以食到真係非常有驚喜！牛舌亦都係一貫水準，非常juicy, 配飯食真係好正，食完飲埋胡椒湯成身都非常暖！今日就令我飲咗五花茶，喺餐廳是自家製嘅飲品，價錢嚟講都非常實惠，$12支，味道都非常好，鍾意嘅朋友都可以試吓！…查看更多

5點幾見無乜人。諗住隨便一餐，心諗快就得，應該都麻麻地，點解勁難食，之前食過蠔仔泡飯都過得去啦，見佢又話買隻雞帮你切埋，試下啦。$20白飯買2個。$88隻雞(都估一般般了)，又凍一陣味，想換個其他菜，唔肯換，最後換左2隻雞，最後掉了垃圾桶。建議大家都係食個粉面穩陣啲…查看更多

呢間又係冬天就好鍾意嚟食，佢嘅白胡椒湯底飲完好暖胃好滿足。不過lunch time 嚟食就要排隊，好彩食麵啲人都食得快，通常等10分鐘度就有位啦。今次叫咗黑豚肉餃同埋鮮牛肉，配白胡椒湯底。湯底一如以往，夠香胡椒味又夠辣，飲得出無落味精。夏天飲真係流哂汗🤣呢間配料出名嘅係內臟為主，平時都叫開豬潤、豬肚。但今次就試下其他。鮮牛肉食得出唔係急凍貨，無雪藏味，幾新鮮。黑豚肉餃就無咩特別，但都皮薄，無豬燥味。…查看更多

午飯時間見排隊人龍不多（前面只有4 位），一於排隊試試；～ 自選粉麵三併配豬骨清湯豬肚、魚皮餃、枝竹 + 米粉合格～自選撈麵鮮牛肉、牛肉餅、鯪魚球配白胡椒湯 + 豬油撈麵白胡椒湯好好味，鮮牛肉、鯪魚球合格，牛肉餅有點過份爽脆，要挑剔的話撈麵麵質本身有點差，太過淋同無味道。。。。。 ～花鵰鮮醉雞冰鮮雞味道還可以，雞肉生熟程度掌控非常好，加分！～上湯白蘿蔔白蘿蔔炆得夠軟滑入味，要挑剔的話有點過甜，師傅落糖重手咗啲。…查看更多