德美壽司

🇭🇰德美壽司·德美海膽魚生飯$178呢間我之前成日嚟食lunch 今次就夜晚黎食😎😎佢個魚生飯超大兜 而且都幾多刺身😌油甘魚同埋三文魚都超級厚切 不過我就略嫌佢個帶子唔算話好甜🍣·太卷$76 l 牛油果軟殼蟹卷$88之後佢啲卷物都係超大個 兩個我自己就鍾意太卷多啲🤤呢個入邊係有鰻魚 牛蒡 冬菇 青瓜絲 口感好好 而且係真係多料少飯😍😍另外個牛油果軟殼蟹卷 軟殼蟹都係即炸嘅 所以熱辣辣🦀·#rbyeat#rby日本菜 #rby壽司 #rby尖沙咀 #rby紅磡 #rby觀塘 #rby沙田 #rby大埔·📍尖沙咀厚福街8號H8 5樓📍紅磡黃埔新村德民街31號地下1B號舖📍觀塘協和街33號裕民坊YM² 3樓310號舖📍沙田沙田圍路9-11號田園閣地下E舗📍大埔翠和里1號永發樓地下1A舖…Read More

餐廳：德美壽司地點：尖沙咀厚福街菜式：日本菜餐牌：刺身、壽司、卷物、小卷，手卷、丼物，燒物、一品料理、鍋物、串燒、揚物、天婦羅、盛合、飯麵、碗物、丼物、沙律前菜、漬物珍味、飲品、甜品。落單用QR code。牛油果軟殼蟹卷 $88 另加一牛油果軟殼蟹卷一客4件，係飯卷包住紫菜，入面有炸軟殼蟹同青瓜絲，面頭鋪上牛油果，再加上蟹籽同沙律醬。兩件身一件尾，好大件，仲有軟殼蟹腳伴卷物。軟殼蟹好脆口，卷物食落味道清爽，唔會太油膩。伴有酸薑片同日式芥末。燒牛舌 $45 另加一燒牛舌一串5件，口感彈牙爽口，味道鹹香十足，伴有一塊檸檬。雞心串燒 $28 另加一雞心串燒一串5件，口感爽口彈牙，味道剛好。伴有少量沙律菜。洋風鰻魚班戟 $62 另加一呢道菜式係和洋fusion既一品料理。洋風鰻魚班戟一客四件。軟綿綿幾層皮包住鰻魚，牛油果，芒果肉同南瓜，再加上蟹籽同沙律醬，食落係多重口感味道，又甜又鹹，軟綿綿中帶滑溜脆口口感，好正。伴有龍珠果半粒。yummy食完仲有甜品送，係三色糕加芒果醬，又滑又彈牙，椰汁同紅豆味濃，感覺輕盈不膩。總括而言，今餐試左卷物，一品料理同串燒，食物質素都幾好，價錢唔貴，上菜快速。…Read More

夜晚肚仔餓，一直都好中意食日本野。尖沙咀嘅厚福街一向都有好多日本野食。咁岩又係尖沙咀行完街就去即刻嘗試下啦。入到餐廳，見到已經接近滿座。諗住walk-in應該要等好耐啦，結果出乎以料唔洗10分鐘已經有位坐啦！Order既時候，服務態度好好。叫左食物唔洗好耐，已經黎到啦。👍🏻牛油果軟殼蟹卷 ($83)🥑🦀🍣牛油果配軟殼蟹係最佳配搭。有清新的口感，又有豐富的層次感，加上沙律醬，個味道比係出面其他餐廳更好食。燒牛舌 ($43)，大蝦天婦羅 ($86)🍤🍤一向都好中意食牛舌。啲肉質好鮮嫩，味道一流。大蝦天婦羅有蝦同秋葵。黎到既時候仲熱辣辣㗎，啲蝦好大隻，仲炸得好酥脆。😋😋鰻魚朴葉飯($100) 配麵豉湯用木盒裝住，再加塊葉包住d飯。食落唔算好大葉香味。😍鰻魚醬汁濃香又肥美，再加少少蛋絲同醃蘿蔔。食不停口。西京燒銀鱈魚($103)個燒汁唔錯，魚皮都煎得脆，加上個薯蓉。一齊食個味道幾夾，幾特別👍🏻整體黎講，食物既質素好好。價錢唔算太貴，而且份量又多。有好多唔同款既日本料理可以揀。食到最後埋單前仲送甜品，十分滿足！會期待下次再食！👍🏻😋😋…Read More

呢日去左尖沙咀剪頭髮 約埋朋友係附近食晚餐 我又想食日式料理了🍣就搵左樓上呢間日式料理壽司店食晚餐餐廳裝修好有日本感覺 餐廳以黑色為主調仲有好多日本居酒屋擺設 營造係日本🇯🇵既感覺餐廳主打日本菜式 刺身及壽司等 很多選擇📍德美壽司 (尖沙咀)尖沙咀厚福街8號H8 5樓🍲 風味海鮮鍋（$98）海鮮鍋好豐富啊😍配料種類頗多有大隻鮮蝦 蟹柳 豆腐 獅子狗 金菇 三文魚鰭 蔬菜 粉絲等日式湯底味濃 整個鍋都好鮮甜 好美味😋🍣 牛油果軟殼蟹卷 （$83）呢碟卷物賣相好靚🤩牛油果上有蟹籽 再唧上沙律醬牛油果味香又軟滑 入口滑滑又有溶既感覺炸軟殼蟹唔會有油益味 蟹味突出 真係有驚喜👍🏻🍣 芥辣八爪魚軍艦（$33）🍣 蔥拖羅茸 （$49）拖羅茸入口軟綿 口感肥美又嫩滑 好新鮮🔸 芒果奶凍 最後仲有是日甜品贈送🥰 係芒果奶凍奶凍口感超級嫩滑的 加上芒果醬汁 味道不錯 …Read More

前年食過今次又來食，估唔到美食依然好味，價錢不變，真係大飽口福呀，去到小店近乎坐滿，好在有book定位。蟹子沙律 $53青瓜絲幼長口感爽脆，撈埋軟綿的蟹柳絲蟹子和沙律醬，健康又美味，份量剛剛好，作為前餐最好不過。田樂麵豉烤茄子 $53麵豉醬汁甜美，烤茄子茄肉軟棉棉，入口即溶，好味。燒腐皮餃子（自家製）$ 50外皮咬落好脆口，餃子餡肉豐滿，塗上了醬汁份外甜美，好好食。牛油果軟殼蟹卷 $83面層牛油果入口即溶，包住炸軟殻好足料，口感香脆美味，大大件食完好滿足。鰻魚朴葉飯 $100鰻魚焦香魚肉軟腍，無碎骨，鰻魚汁唔算多，飯粒粒分明，都唔錯的。…Read More

事源琴日同朋友傾緊計嘅時候佢話德美壽司嘅質素都幾高🧸叫我得閒去試吓🐷所以今次就嚟到尖沙咀分店同大家實測吓好唔好食啦～🍱 鰻魚朴葉飯 $100 鰻魚愛好者嘅小妹表示十分推介！估計鰻魚應該係烤過後再放上飯蒸～鰻魚好香，口感超級滑嫩，完全唔腥面頭鋪上朴葉加添咗成碗飯嘅香氣燒汁味夠出但無蓋過本身鰻魚嘅魚油香味！珍珠米亦都好軟熟，而且仲滲透咗啲燒汁味最後再加埋蛋絲簡直無得輸😍🥑 牛油果軟殼蟹卷 $83估唔到呢個配搭咁好食！牛油果夠軟熟同新鮮，好creamy軟殼蟹都算幾大隻而且炸得夠脆，無油益味完全唔需要加豉油，極度推介大家嚟試～🍚 明太子茶漬飯 $73 終於試到日本傳統嘅菜式～明太子份量都算多，好邪惡呀整體入口清甜，暖胃又健康！🐤 燒雞軟骨 $20/串外皮脆卜卜，有咬口味道幾正而且價錢合理，推～🍢 什錦天婦羅 $80呢度有蝦、南瓜、茄子、冬菇同秋葵上菜嘅時候仲熱辣辣㗎～欣賞佢個粉漿夠薄而且炸得好脆身！🍜 天婦羅烏冬 $72存粹怕唔夠飽先叫咗碗烏冬麵底帶有少少煙韌配甜甜地嘅湯底都幾好食🐮 安格斯牛肉串 $47/串唔乾唔韌唔嚡而且每舊都幾厚身～不過份量偏少，性價比唔算好高🍺 朝日啤酒 $40小妹唔飲開酒所以評價唔到～朋友就話少貴但難得聚吓所以是但啦…Read More

終於兌現承諾 回頭食德美‼️😆 性價比真係好高 平日夜晚去又唔算多人( •̀∀︎•́ )✧︎分店越開越多 幾時開近我⁽⁽٩(๑˃̶͈̀ ᗨ ˂̶͈́)۶⁾⁾可惜胃口有限 如果唔係可以叫多幾樣🥲❣️溫泉蛋天婦羅 $49呢個真係睇到都開心🥳 個蛋黃勁流心🍳 一唔小心就倒瀉😂口感真係好特別 但本身冇乜調味記住要點天婦羅汁😚❣️燒牛舌 $42食親日本嘢都會嗌😂 都係厚切 調味夠( ˙༥˙ )❣️壽司盛合 美 $218呢個高質‼️ 配搭唔錯又新鮮 依家真係食唔番cheap cheap壽司😋手握嘅飯好完美 刺身厚切大大塊有口感🍣油甘魚池魚爽彈 吞拿魚唔會有鐵鏽味好新鮮🐟帆立貝鮮甜 拖羅蓉卷is all time fav ( ˘͈ ᵕ ˘͈ )呢度嘅鰻魚飯好出名 鰻魚壽司一定好食😆❣️牛油果軟殼蟹卷 $79好多人嗌 有炸軟殼蟹伴碟 牛油果好creamy🥑 每樣都咁好食好滿足🥳外賣自取原來有九折 買埋鰻魚飯返去食~…Read More

其實之前已經食過德美好多次，有時去開尖沙咀諗唔到食咩，就會自動波去咗德美😛 佢地嘢食嘅水準一路都keep 得好好，魚生壽司都算幾新鮮，炸物串燒鍋物味道都唔錯，所以變咗我同朋友嘅飯堂😂🔺蔥花吞拿魚蓉卷好鍾意佢地係連個卷入面都卷住吞拿魚，唔係淨係得上面嗰啲，蔥花好成功咁帶出咗吞拿魚嘅鮮味。🔺牛油果軟殼蟹卷唔駛講咁多，正。🔺饅魚班戟之前未試過，入面其實係飯，唔用紫菜反而用班戟卷住，好特別🤣🔺自家製腐皮餃子鍾意佢嘅腐皮剪到好脆，入面啲涵好多肉汁同埋好夠味👍🏻毎次嚟啲食物都保持到水準，值得一去再去👍🏻😛…Read More

早兩日訂座六點半，限食一個半鐘，六半後入座只能walkin，booking好full，所以只hold位五分鐘。由於訂左位所以直入包廂😂有三張枱，因為有膠板隔住，私隱度更高。用QR code落單，上菜同收碟都好快👍👍三個人叫左十樣野+送甜品，超級滿足+飽😹帆立貝刺身⭐️⭐️⭐️⭐️（新鮮，好多件）左口魚邊壽司⭐️⭐️⭐️⭐️（好少地方有）洋風鰻魚班戟⭐️⭐️（好多人推介，但完全食唔出幾好食，所有食材都係同一種口感，浪費晒）日式海膽蒸蛋⭐️⭐️⭐️⭐️（海膽鮮，蛋滑）流心蛋天婦羅⭐️⭐️⭐️⭐️⭐️（好特別，個蛋整到岩岩好流心）牛油果軟殼蟹卷⭐️⭐️⭐️（又係見多人推介，正常發揮無特別）三文魚柚子沙律⭐️⭐️⭐️⭐️⭐️（好有驚喜三文魚包住柚子，好清新唔油膩酸酸甜甜！）魚子蔥拖羅茸飯⭐️⭐️⭐️⭐️（大碗，配搭得宜）鰻魚朴葉飯⭐️⭐️⭐️⭐️（好香嘅鰻魚）素湯麵⭐️⭐️⭐️⭐️（已經搵唔返叫咩名，但個湯好鮮味唔腥，好多蔬菜）黃豆粉蕨餅⭐️⭐️⭐️⭐️⭐️（送嘅甜品，同日本食嘅一樣）四粒⭐️既好好食，只係有兩款特別出色，推介三文魚柚子沙律同流心蛋天婦羅🌟…Read More

德美壽司在厚福街屹立多年，算是在這裏的老牌日本餐廳之一質素很優質，今日經過見到外賣自取九折，就親友優惠買東西回家吃.黃金汁焗蠔 - 一大隻蠔，賣相已經十分吸引，一打開個蓋香味已經撲鼻而來。焗蠔十分肥美，加上黃金醬汁焗汁，超級惹味！.蒲燒鰻魚 - 值得一讚即使是外賣，不過包裝得好靚，即使回家吃都有在日本餐廳的感覺。鰻魚厚身鮮美，加上燒汁是Perfect match！.牛油果軟殼蟹卷 - 一次過滿足我兩個願望，牛油果加軟殼蟹，真的有原隻軟殼蟹！材料很多，壽司卷味道口感層次豐富！.疫情期間也是有很多客人光顧，的確有實力什麼都不怕。…Read More

上個月先食完依間，今晚又心思思和朋友過來食。可惜疫情嚴峻下餐廳食客需隔枱坐，座位有限等位需時，所以我地轉左外賣食。原本打算去K11空中花園用餐，可惜花園無開，好彩朋友諗到去附近的訊號山公園食。對住維港夜景戶外用餐都係第一次，公園無人我地好似包場咁，感覺又幾正喎。外賣有9折優惠，賣相和堂食差別不大，份量亦唔少，叫左沙律和壽司戶外食比較方便。蟹子沙律 $50粒粒的蟹子和美味的沙律醬，撈埋爽口的青瓜絲和軟綿的蟹柳絲，清新美味的前菜，最愛大大啖當麵咁食。厚燒玉子 $38得三件價錢不便宜，但又幾好味喎。口感細密味道甜美，凍食好似食甜品，一啖一享受，唔錯。自家製燒腐皮餃子 $49薄薄的腐皮作餃子皮包住軟彈的肉餡，口感味道唔錯，醮埋餃子汁食落無咁油膩，幾好食。活鰻魚朴葉飯 $99鰻魚肉肥美軟腍，肉質嫩滑無碎骨，飯粒粒分明，可惜美味的鰻魚汁不多，飯未能粒粒掛汁，總覺得不夠滿足。牛油果軟殼蟹卷 $79外層牛油果入口即溶，果肉薄欠點果香，卷裡包住炸軟殻蟹都幾足料的，炸蟹炸得香脆美味，大大件份量唔少，不過要小心夾以免散晒。加州卷 $48配料又係蟹子沙律啲 friend，口感味道唔錯，四件抵食夾大件，食唔飽打底食佢啱晒。…Read More

呢間已經係我不斷食既一間日本餐廳，水準一路都有維持！👍🏻 有啲食物係每次黎都必叫的🙈牛油果沙律 $44*位於尖沙咀既日本餐廳 呢個沙律價錢好平，而且好大碗 兩個人食既份量 而牛油果比既都係熟左 再加酸酸地汁 係十分開胃既前菜🥰牛油果軟殼蟹卷 $79餐面既牛油果都係熟既唔會比唔熟既牛油果🤔 軟殼蟹炸粉唔會厚👍🏻魚子蔥拖羅茸飯 $139*第一次食魚子係覺得鮮甜 發現原來之前食開有腥味個啲全部都唔新鮮 🙈食完呢間發現原來魚子係鮮甜的 😌所有食材撈埋一齊再食 真係好滿足🥰燒牛舌 $42*呢間既燒牛舌真係好好食 牛舌厚薄適中 😚食落非常爽口再嫰 好cheap既牛舌會食完覺得好想嘔。🤮洋風鰻魚班戟 $61*呢個係估唔到鰻魚同班戟竟然會咁夾咁好味 介紹親比朋友佢地都中意食 😍三文魚 $28正常味道 但食得出新鮮☺️三文魚腩 $40魚腩食得出油脂更加多 更加滿足🥰左口魚邊$48因為佢炙燒過 所以食落左右魚係爽口而又帶小小軟淋淋既質地😚*為每次黎都會必叫的食物…Read More

本身今日唔係去呢間餐廳既，不過因為另外果間好多人，最後來左呢間食。星期六度度都多人，但來到呢度竟然有位緊係即刻入去坐，同朋友坐左吧枱，都唔錯呀可以同朋友坐埋d傾計。我地兩個人叫左一set壽司盛，有唔同壽司，包括三文魚、蝦、帆立貝、鰻魚、吞拿魚等等，大眾選擇，材料新鮮好味！然後叫左牛油果軟殼蟹卷，鐘意食牛油果既朋友一定鍾意！同我同行既朋友原來本身唔食牛油果，佢同我講佢就係之前去左呢間食牛油果軟殼蟹卷，所以先開始食牛油果😱 我覺得呢個可以係其中一個必叫既選擇。另外叫左粟米天婦羅，平時去食日本野，天婦羅不外乎係蝦、茄子、蕃薯，粟米真係未試過！一食落去好鮮甜好好味，作為小食既選擇實在很不錯。然後叫左海膽魷魚壽司，呢個配搭真係第一次見，好新奇，食落去又夾wor味道，可以一試！最後叫左冷麵來涼爽下，一如想像中唔錯，特別在，出面既冷麵只會俾冷麵同一碟汁你，呢度會有隻蛋同一d配料俾你撈埋泥食，口感好過癮。總而言之，今餐真係好滿足呀！😋😋😋…Read More

因為聽日係假期，所以非常多人，多人到差d 連𨋢都出唔到🙈，餐廳既裝修幾有日本居酒屋feel，包括少少嘈雜既環境🤣，由日本仔乾杯嘅聲音變左女仔既傾計聲😝，可想而知係有幾熱鬧。餐廳仲有吧枱座位提供，等大家可以睇住師傅炮製大家將會食到嘅刺身😍！吧枱上方仲有是日推介既新鮮時令刺身寫係黑板上面～今晚我叫咗個魚生飯，寶寶就叫咗個鰻魚飯，另外仲加咗個牛油果軟殼蟹卷。麵豉湯 （丼飯免費送沙律及湯）味道唔濃，但好多配料，除咗豆腐、紫菜等一般都有嘅配料，竟然仲有隻蜆😳。沙律夠涼菜夠新鮮，沙律醬亦好夠，酸酸地幾開胃。德美海膽魚生飯 $158魚生種類好多好豐富丫！有海膽、三文魚、油甘魚、帶子、熟蝦、蟹柳、蟹籽、三文魚籽、甜蛋及青瓜絲。海膽雖然唔算高級，但好新鮮冇臭味(試過食過放題有變質嘅臭味😖)，帶子好鮮甜，三文魚肥美，油甘魚有啲入口即溶feel🤩，樣樣都唔錯，一碗入面有齊咁多種刺身，真係好抵食！活鰻魚朴葉飯 $97鰻魚肉質好嫩滑，完全冇鞋既感覺☺️，細骨好軟唔吉嘴，軟到可以吞得落肚咁。鰻魚汁香甜但唔會太鹹，岩岩好，冇蓋過鰻魚既味道，絕對冇功高蓋主之嫌👍🏻。雞蛋絲切得好細好香蛋味，撈埋少少鰻魚汁同鰻魚一齊食，真係口感+味覺大滿足呀🤩！鍾意食鰻魚飯既你一定要黎試吓丫！牛油果軟殼蟹卷 $77牛油果好靚完全冇爛，而且切得好均勻唔會太厚，軟殼蟹亦炸得脆卜卜，香脆可口😋！卷得幾實淨，唔會一夾就散晒👍🏻！嗌完埋單，仲有甜品送添！…Read More

尖沙咀德美壽司好高質，我同朋友食完都讚口不絕，回味無窮！先order幾款壽司，件件都大大件，好吸引！三文魚腩壽司好肥美，玉子壽司好厚身既玉子，包住啲飯，滿足！帆立貝壽司好厚肉味美！蟹肉蟹膏軍艦正！蟹膏唔會太鹹，剛好帶出鮮味，must eat!牛油果軟殼蟹卷同樣都係超大件，牛油果滿滿咁鋪滿壽司飯，仲有炸軟殼蟹蟹鉗好味道，香脆！廣島蠔石頭鍋飯，睇相都望到啲蠔有幾大隻肥美，肉質嫩滑，好重蠔味，食得出新鮮既味道！最後仲有甜品送，nice!…Read More