WOWDON

营业中

休息中

前排見到好多人推介呢間「韓國人氣烏冬專門店」😍 Google評價高達4.4粒星！🌟 到底係咪真係傳說中咁好食呢？時不宜遲一於試下先！我地1:30到達餐廳時未坐滿人，可能因為過咗午餐時間 店面整體裝修偏簡約風，缺點係冇卡位 + 枱細 想嗌多兩份小食都冇地方擺...好在打開 menu有驚喜 除咗飯類仲有烏冬、蕎麥麵，搭配多款小食，整體種類都算豐富 雖然標榜韓式烏冬，實則更偏向日韓fusion風🇯🇵🇰🇷 唯一估唔到既係，招牌冷寬烏冬咁快就已經售罄，有啲可惜由於當日成36度我地最後嗌咗凍烏冬同凍蕎麥麵，一個熱拌烏冬，一個鍋烏冬，份量中等，男仔食完唔會餓，每份都附有少量泡菜同醃黃蘿蔔👍🐷香脆吉列豬扒配冰蔬菜蕎麥麵😌呢碗凍蕎麥麵啱晒夏天食！麵質爽彈掛湯，湯底有唔少冰碎 十分之透心涼～ 重點係冰過之後依然好夠味，蔥香同柴魚鮮味完美平衡 但… 個麵有幾好食，塊吉列豬扒就有幾失望！豬扒睇落炸衣過厚，明顯炸過龍 食落果然乾碀碀，一啲都唔juicy既 雖然蕎麥麵本身好食，但豬扒呢個水準配埋個價錢，真係有啲唔抵🥲🍜冷鎮竹盤烏冬套餐😋配角係炸天婦羅三件套：蝦、南瓜同冬菇，蝦身大大隻 咬落彈牙鮮甜，南瓜甜度爆棚～

🙋🏻‍♂️餓底探員去咗啟德調查呢間韓式烏冬店，當日中午時段好多人排隊，等咗15-20分鐘先可以入座，餐廳裝修走黑白型格風，主打手工烏冬，採用高級小麥粉人手搓製，經18小時熟成後即日現製，麵質新鮮彈牙，必食招牌冰鎮烏冬，冰涼口感啱晒夏天可以消暑降溫，餐廳最近仲推出多款全新自家製烏冬，快啲去試啦🧈明太子牛油拌自家製熱烏冬 $125 （新產品）🙋🏻‍♂️表示烏冬口感滑順，配上嫩滑流心蛋，辛香明太子，香滑牛油，仲有紫菜，木魚等配料，將配料同烏冬攪拌一齊食，充滿香濃蛋香同牛油氣息，配上以昆布，柴魚，竹筴魚等秘製成嘅黃金湯底，令烏冬增添鮮味🧊冰鎮竹盤烏冬配天婦羅拼盤套餐 $123🙋🏻‍♂️表示冰鎮烏冬套餐配上天婦羅拼盤，有爽口大蝦，香軟南瓜，鮮甜香菇等，全部炸到酥脆，烏冬墊滿冰碎，麵質彈牙，口感清爽冰涼，配上2款醬汁，冷湯醬汁味道香甜濃郁，胡麻醬香滑，充滿麻香，各有特色，呢個招牌冰鎮烏冬啱晒夏天，有消暑降溫功效🥟炸王餃子 $58🙋🏻‍♂️表示餃子5件對切，金黃色外皮包住飽滿餡料，非常吸引，餃子即叫即炸，口感非常酥脆，包住豬肉，椰菜同韓式粉絲，肉汁豐腴，食落鮮味多汁📈吃貨指數😋好味度 8.5/10🔙返啅度

今日去邊到試伏❓就係呢間韓國過江龍手工烏冬，好多人大推佢嘅闊條烏冬🍜可惜中午12:30(星期六)已經賣哂，唯有轉食佢地嘅自家製冷烏冬！冰鎮冷盤烏冬套餐 $123 ❄️冷烏冬質感煙靭但有啲硬而胡麻醬味道都唔係好濃配鰹魚汁就清新開胃。套餐跟三件炸雞，醃味唔夠但都算肉嫩多汁。明太子牛油拌自家製熱烏冬 $125 🥘，食完都唔知自己食咗啲咩，烏冬超腍無咬口，Fail！炸王餃子 $58 🥟 韓式餃子無咩特別；炸蝦天婦羅 $58 🍤 正常發揮。餐廳主打烏冬但食完就未如理想，難怪見到每枱都有食剩。

實測韓國烏冬過江龍～白布烏冬真係開門10分鐘就售罄('-'*ゞ周末特登朝早11點等商場開門就衝上去！但已經有人排緊！有驚無險地搶到白布烏冬 ٩(^ᴗ^)۶ 建議一坐低即掃code落左呢個先因為11點12分再掃code已經見呢款售罄 認真誇張✿ 冰鎮寬條烏冬套餐 $128✿ 炸王餃子 $58主打每日新鮮製造嘅手工烏冬 招牌闊條冷烏冬限量供應事關每條嘅長度闊度都要好精準 要用間尺度住切果然好薄好滑溜 口感特別煙韌彈牙 同平時嘅真係有分別每份會附上咖喱汁、胡麻醬 、昆布鰹魚汁 全部自家製 可以當沾麵咁食套餐揀左天婦羅拼盤 有炸蝦、南瓜冬菇青椒 幾酥脆單點左炸餃子 估唔到咁大隻咁大份(≧∇≦*)內餡係韓式嗰種豬肉粉絲 多菜 咬開有啲肉汁外皮微脆身 但唔𠝹口 保留少少煙韌感 好食過日式餃子～

除左闊條烏冬，佢嘅自家製烏冬同埋蕎麥麵都值得一試。我叫咗一份竹崙天婦羅澆汁自家製冷烏冬，一份炸王餃子，呢間舖頭嘅賣點，係每一碗烏冬都用心準備，唔係大量生產嘅味道，果然等候時間係有啲耐，但係服務生態度非常好，而且嘢食一嚟到令人眼前一亮，我覺得等幾耐都值。味道方面無乜可以挑剔，個汁濃度適中，烏冬夠煙韌，食材新鮮，天婦羅炸得好鬆化，仲有泡菜同小黃瓜開胃，簡直係越食越想食，唯一嘅缺點就係價錢稍微偏貴，如果份量多啲就perfect！