喺朗豪坊搭地鐵必定經過B2層嘅筷趣一町，次次經過都覺得好新奇好想試下，Happy Friday喺旺角見完客梗係順便食埋晚飯。平日嘅六點幾人流唔算多，餐廳座位寬落，空間感十足，半自助式嘅餐廳，點好菜坐埋位等食就得！menu主打即食麵！全部都係麵麵麵！Fusion樣樣都好吸引，最後決定食一個湯麵，一個炒麵！🍝意式卡邦尼即食麵配溫泉蛋🍝 $78 同事一向大愛卡邦尼意粉，所以必點意式卡邦尼即食麵！先講個醬汁非常creamy，奶香同芝士味均勻，香濃而不膩，配上溫泉蛋攪勻後多左蛋香成個麵更滑！配菜仲有勁多煙肉粒同菇粒，食落口感豐富。意粉變左即食麵，估唔到同樣的掛汁，加上即食麵麵質煙韌同香口，好驚喜！推介！ 🍜沙嗲牛肉麵🍜 $70（自選一個配菜 +$12 煙豬肉火腿🍖）沙嗲牛肉麵係必點之選！加$12左右可自選類似常餐或車仔麵之類嘅配菜，我揀左比較少見嘅煙豬肉火腿🍖上枱是一刻以為點左一碗拉麵，因為加左一大片紫菜🤣沙嗲牛肉醬汁勁香濃帶點微辣，牛肉肉質軟嫩仲幾淋，配上煮得剛剛好嘅即食麵，爽口彈牙！煙豬肉火腿煎得香口薄脆，抵食又好味！🍤炸小食拼盤🍤 $78 炸小食拼盤有廣島生蠔、軟殼蟹、春卷同雞翼共4款。廣島生蠔炸粉剛好，唔油膩仲有D爆汁！其他炸物都唔錯，配埋特色泰式酸辣醬食更惹味。🍗美式香辣炸雞配帕馬森芝士及黑松露醬薯條🍗 $78炸雞炸至酥脆，雞肉夠juicy帶點微辣份量多，黑松露配上薯條好香口。🥞法式西多士配雜野莓 $68 外觀好靚嘅法式西多士外脆內軟，伴碟有雜莓酸酸甜甜，配埋香甜可口嘅楓糖一齊食更美味！ 飲品： 🧃青檸薄荷梳打 $42 同 🍋蜜糖檸檬梳打，清新又唔算太甜～唔錯…查看更多
【鮮海蝦炒即食麵配香草龍蝦蕃茄汁】HK$78
即食麵索左龍蝦蕃茄汁, 但唔會令麵質一pat pat, keep到彈性, 味道酸酸甜甜, 仲有淡淡香草味, 間中夾集林到蓉既蕃茄仔, 愈食愈開胃。配上爽彈海蝦, 正啊!【紫蕃薯鮮蝦沙律配脆蝦片】HK$58爽口海蝦、 甜甜地既紫薯、香脆蝦片, 入口很有層次, 沒有額外調味醬汁, 黎自各樣原本天然味道, 賣相配搭跟味道同樣吸引!【西班牙原條10吋八爪魚卷(全份)】HK$268鬆軟麵包內側搽左牛油, 夾住新鮮蔬菜、蕃茄片, 同埋非常吸晴既超長八爪魚鬚, 闊條扁身, 質地較林, 不是硬到難咬開果種, 八爪魚鬚表面有薄薄燒汁調味, 亦食到八爪魚原汁原味, 配上脆片, 好味又飽肚, 兩個人食剛剛好, 如果一個人食, 可以order半份 ga!最後食埋甜品【法式西多士配雜野莓】HK$58賣相好似心太軟, 表面烘至焦香, 淋上左薄薄微酸帶甜果jam, 內裡為鬆軟麵包,額外附有糖漿可以因應個人想食既甜度再加。搽埋牛油, 跟平時係茶餐廳食開既, 呢款會多一份果甜果香。
