🍝意式卡邦尼即食麵配溫泉蛋🍝 $78
同事一向大愛卡邦尼意粉，所以必點意式卡邦尼即食麵！先講個醬汁非常creamy，奶香同芝士味均勻，香濃而不膩，配上溫泉蛋攪勻後多左蛋香成個麵更滑！配菜仲有勁多煙肉粒同菇粒，食落口感豐富。意粉變左即食麵，估唔到同樣的掛汁，加上即食麵麵質煙韌同香口，好驚喜！推介！
🍜沙嗲牛肉麵🍜 $70（自選一個配菜 +$12 煙豬肉火腿🍖）
沙嗲牛肉麵係必點之選！加$12左右可自選類似常餐或車仔麵之類嘅配菜，我揀左比較少見嘅煙豬肉火腿🍖上枱是一刻以為點左一碗拉麵，因為加左一大片紫菜🤣沙嗲牛肉醬汁勁香濃帶點微辣，牛肉肉質軟嫩仲幾淋，配上煮得剛剛好嘅即食麵，爽口彈牙！煙豬肉火腿煎得香口薄脆，抵食又好味！
🍤炸小食拼盤🍤 $78
炸小食拼盤有廣島生蠔、軟殼蟹、春卷同雞翼共4款。廣島生蠔炸粉剛好，唔油膩仲有D爆汁！其他炸物都唔錯，配埋特色泰式酸辣醬食更惹味。
🍗美式香辣炸雞配帕馬森芝士及黑松露醬薯條🍗 $78
炸雞炸至酥脆，雞肉夠juicy帶點微辣份量多，黑松露配上薯條好香口。
🥞法式西多士配雜野莓 $68
外觀好靚嘅法式西多士外脆內軟，伴碟有雜莓酸酸甜甜，配埋香甜可口嘅楓糖一齊食更美味！
飲品： 🧃青檸薄荷梳打 $42 同 🍋蜜糖檸檬梳打，清新又唔算太甜～唔錯
