餐廳環境很開揚, 天花吊著白雲裝飾, 岩哂影相打卡。
餐牌上菜式名都被包裝過, 不是一般茶餐廳的"公仔麵"款式, 令人期待
【香桃紅茶梳打】HK$40
整體唔太甜, 桃味很突出, 有淡淡茶香
【意式卡邦尼即食麵配溫泉蛋】HK$68
即食麵撈左卡邦尼醬, 面層震震下既溫泉蛋, 一篤即穿, 流出豐富蛋汁, 令入口更加creamy, 更有煙肉、菇菌、洋蔥粒, 麵質有彈性, 不但食到卡邦尼味, 更食到即食麵本身被炸過果種獨得味道。估唔到卡邦尼醬配即食麵都咁match!
【鮮海蝦炒即食麵配香草龍蝦蕃茄汁】HK$78
即食麵索左龍蝦蕃茄汁, 但唔會令麵質一pat pat, keep到彈性, 味道酸酸甜甜, 仲有淡淡香草味, 間中夾集林到蓉既蕃茄仔, 愈食愈開胃。配上爽彈海蝦, 正啊!
【紫蕃薯鮮蝦沙律配脆蝦片】HK$58
爽口海蝦、 甜甜地既紫薯、香脆蝦片, 入口很有層次, 沒有額外調味醬汁, 黎自各樣原本天然味道, 賣相配搭跟味道同樣吸引!
【西班牙原條10吋八爪魚卷(全份)】HK$268
鬆軟麵包內側搽左牛油, 夾住新鮮蔬菜、蕃茄片, 同埋非常吸晴既超長八爪魚鬚, 闊條扁身, 質地較林, 不是硬到難咬開果種, 八爪魚鬚表面有薄薄燒汁調味, 亦食到八爪魚原汁原味, 配上脆片, 好味又飽肚, 兩個人食剛剛好, 如果一個人食, 可以order半份 ga!
最後食埋甜品【法式西多士配雜野莓】HK$58
賣相好似心太軟, 表面烘至焦香, 淋上左薄薄微酸帶甜果jam, 內裡為鬆軟麵包,
額外附有糖漿可以因應個人想食既甜度再加。搽埋牛油, 跟平時係茶餐廳食開既, 呢款會多一份果甜果香。
1
