餐廳：一家，米芝蓮必比登推介 (2023-2024)地點：筲箕灣形薈菜式：新派上海菜餐牌：前菜，湯，點心，主菜，素菜，餃子，蟹粉，麵，飯，甜品等等。飲品有果茶，芝士雲，清新系列，果龍味，酒類，汽水等等。另外都有套餐，期間限定等。午市有經濟實惠午市客飯，包一個餸，前菜，例湯同白飯。前菜係蒜蓉辣筍，辣辣地帶好香蒜蓉味，餸飯一流。例湯有雪耳，南北杏同紅蘿蔔，帶好香豬肉味，好清甜。白飯一大碗，較乾身，必飽。糖醋魚塊 $70 另加一糖醋魚塊7塊大大塊，味道甜甜酸酸帶鹹，好開胃，口感外脆內嫩，伴有好多菠蘿，燈籠椒同炒。份量好大碟。另外係主餐牌多叫幾個餸。櫻花蝦麻醬秋葵 $68 另加一新鮮秋葵段排得好好，頂頂加有櫻花蝦仔，再加有大量胡麻醬。味道係爽脆清甜秋葵配香濃胡麻醬，健康得黎又夠味。滬江油爆蝦 $108 另加一滬江油爆蝦有超多蝦，連殼炸，炸得好脆，連殼都可以吞，味道少少甜甜地，幾好味。一家三絲伴冷麵 $108 另加一一家三絲伴冷麵有一大底黃色幼麵面頭鋪上火腿絲，雞絲同青瓜絲，再灑上黑芝麻粒。附上胡麻醬，醋，辣油同豉油比你自己調味，賣相震撼。麵條夠咬口，蛋香十足，加埋唔同絲條仲可以加添口感，夏天食呢道菜正。呢度居然有多款特飲，係以一家人命名，而且價錢唔貴。嬌滴滴姪女 $40 另加一芒果芝士雲，香片呢杯嬌滴滴姪女賣相好正！芒果芝士雲多到瀉，但係又唔會瀉到落枱。芝士雲又滑溜又重芒果味，配啖啖香片茶味道好夾，而飲到下底仲有好多新鮮芒果肉。熱情嬸嬸 $34 另加一熱情果，菠蘿，汽水熱情嬸嬸超大杯，味道清甜解渴，仲有好多熱情果籽同菠蘿肉。炸芝麻團 $49 另加一炸芝麻團一客五粒，用木籃上枱，好美觀。熱辣辣炸芝麻團炸得外脆內鬆，中間有黑芝麻流心，好香芝麻味。四寶茶每位$8。總括而言，呢度食物飲品都好有特色，質素都唔錯。餐廳裝修好有中國特色，卡位特別靚同有私隱度。…查看更多
裝修、擺設都好有復古懷舊風格，由外到內都睇得出好有心思，舖頭內仲有兩大個好有特色既霓虹燈，臨近聖誕，仲加左少許聖誕裝飾
櫻花蝦麻醬秋葵 $68前菜擺盤好有心機，一小碟滿碟都灑滿櫻花蝦，意想不到麻醬搭配秋葵，味道幾match， 感覺好清新，另外，秋葵好爽口好新鮮👍口水雞 $88辣道唔係好進取，所以唔係好食辣既人都食到，少麻少辣，辣味好香，雞肉肉質嫩滑，整體唔會油膩。小籠包 $50一籠有4件，食上海菜必食🫶🏻，皮簿餡靚， 咬第一啖，超多湯汁爆出嚟，所以一定要用匙羹盛住，唔係就流走哂啲精華～～～白肉翠紅霞 $198個名好靚，味道都好掂😝，主要由蛋白、大蝦、露筍、蟹籽炒製而成，蛋白入口好嫩、大蝦好鮮好爽口，配合埋露筍、蟹籽，口感豐富好fresh。極品蜜汁金華火腿 $180由類似刈包既包、青瓜、金華火腿、脆豆皮組成，蜜汁另上，口感好有層次，由軟到脆再到清爽，金華火腿唔會好鹹，沾上蜜汁，味道鹹甜鹹甜咁，幾有趣，個人覺得呢款最有特色，必試！水煮魚片 $188凍冰冰緊係食下辣野暖暖身，order左水煮魚，賣相紅卜卜好吸引，魚片完完全全吸收湯汁既精華， 而且肉質好滑，又麻又辣，好過癮，除左魚片外，仲有扁薯粉、豆芽、土豆片、木耳等等配料，好豐富😚😚
一分錢一分貨，桃膠、蟹粉份量好足料，餐廳仲好窩心，有個小蠟燭係底座，暖住成個鍋，等你可以慢慢食，食落好濃郁既蟹味，咬落又啖啖桃膠，😋😋😋推薦推薦！鮮肉鍋貼🥟 $40有5隻大大隻，金黃色邊既脆底，見到都流哂口水🤤🤤，皮簿、熱辣辣咬落肉質都幾飽滿多汁。高力芒果奶黃 （4件） $60食上海菜點可以唔嗌呢樣，平時外面食開高力豆沙，今次第一次食呢款味，好特別。熱辣辣咁上枱，口感鬆軟，甜度適中，餐廳好貼心咁另上糖霜，中意食甜啲既朋友仔，可以自行沾啲糖霜，整體味道唔錯幾新穎，可以 encore！另外仲嗌左野飲😋😋，每杯飲品名字好得意😎：溫文爺爺、潮爆公公、嬌滴滴侄女、善良姨婆、當中個人覺得最出色既係
嬌滴滴侄女，淡淡茉莉味加上啖啖芒果肉，果肉甜而不膩，唔錯🤤🤤，下次再幫襯過🫶🏻🫶🏻🫶🏻。
