十里

营业中

休息中

好同事生日，咁就搵間好d嘅餐廳食飯慶祝下，响Times Square地面d燈箱，見到新開咗呢間中菜廳，就一於去八下。去到門口望下餐牌，見到d菜式賣相幾吸引，咁就入去試下啦。餐廳裝修幾有格調，加埋個燈光都幾好氣氛。菜式整體嘅味道都中上，當中最令人驚喜🤩嘅係櫻桃鴨肝。🍒櫻桃鴨肝賣相如其名，成粒紅噹噹櫻桃咁，如果加埋條柄就似到十足。入口軟滑細膩，有淡淡嘅酒香，紅色外層帶少少甜味，唔知係用咩整嘅呢？另外，仲叫咗外灘獅子頭🦁、爆汁和牛燒餅、蟹粉小籠包、勝瓜百葉番茄。外灘獅子頭個汁好濃郁好夠味，肉質鬆軟；爆汁和牛燒餅食嘅時候要小心，因為真係會爆汁；蟹粉小籠包鹹香中帶少少蟹香；勝瓜百葉番茄雖然唔特別，但食落幾清甜。食品不錯之外，店員都主動留意我哋需要，會主動換碟加茶，總體感覺良好👍。

今日中午見樓下食通天有新上海菜，就同同事膽粗粗去試一試，門口裝修好靚，望下餐牌都有返甘上下價錢，出左糧就豪一點吧。個個望住餐牌樣樣都想試，因d相見食物精緻，最後就由大姐發辦，叫了櫻桃鴨肝、龍蝦塔可牛油果沙律、黑松露蟹鉗餃、乾燒明蝦球、雪里蕻⻩魚麵。上菜都算快👍🏻，櫻桃鴨肝及龍蝦塔可牛油果沙津好適合打卡，細細件方便進食，櫻桃鴨肝一見就感食慾，食落口又唔覺太油膩，而龍蝦塔可牛油果沙津，啖啖龍蝦肉，配襯牛油果又新鮮又健康🥗。點心暫時唔多（靚仔經理話遲d午市會有點心餐牌，甘我地期待下次再來試啦😉） ，所以只叫了黑松露蟹鉗餃，上面有些一點點黑珍珠的野，原來是醋，廚師好細心呀，唔洗自己再點醋，不過有個鉗子就有點困難進食，不過都無損整體的。乾燒明蝦球🍤真的大大力推薦，酸酸甜甜又爽口蝦球，食到傳統上海名菜的味道，最後雪里蕻⻩魚麵，黃花魚肉嫩又鮮，配襯麵上的鹽菜將湯底的清甜帶出來，雖然價單是偏高，但裝修靚食物又精美好吃，見客或慶祝飯都是一流，期待下次來試點心宴😆😆