全日雞實驗所 (通菜街)

貓奴今晚嚟享受全日雞用心做實驗嘅成果🐥🔸溫泉雞下庄餐 $80雞皮爽口唔肥膩，啖啖雞髀肉好滑仲要無骨👍🏻熟度控制得100分，雞肉真係浸完溫泉咁好嫩滑💯下庄貴少少都值得俾👍🏻 跟餐有粒粒青瓜可解膩🥒油飯乾身唔油有乾蔥香氣，仲好大碗，男士都會夠飽。🔸溫泉雞上庄餐 $75（+$5轉蔥油干撈麵）特登叫埋上庄做比較，主要係雞翼、雞鎚、上胸肉，兩者都係無骨啖啖肉，雞皮靚仔爽彈，雞肉食落軟熟，不過有對比之下當然雞髀肉較滑。男友大讚蔥油干撈麵好食，撈麵個汁係幾惹味～🔸桑拿瑤柱肉餅 +$13一件蒸肉餅係質地實淨果款，有瑤柱香氣同埋都幾足料。肉餅可叫一嚿當小食share👌🏻 🔸蒜香娃娃菜 $24炸蒜豉油配娃娃菜簡單又好食，我哋仲用嚟點肉餅食👍🏻跟餐仲有飲品，見隔離枱飲緊熱柚子蜜幾香柚子味，應該幾refreshing，解膩又溫暖♨️當日排咗約10-15 分鐘，以食物質素同價錢貓奴覺得值得去。原來北角都有分店，無論響九龍定港島都有得食嫩滑雞下庄💛🐾貓奴足跡🐾🌐全日雞實驗所📍旺角通菜街80號地舖📍北角和富道21-53號和富地庫B50-51號舖和富美食廣場C1及C2號舖…查看更多

呢間餐廳憑住溫泉海南雞飯榮登海南雞飯關注組Top 1🏅店舖更自家研發「浸雞機」，能夠精準控制雞隻唔同部位嘅烹煮時間同溫度，務求令食客品嚐到嫩滑多汁嘅無骨海南雞🐓💗溫泉雞下庄餐（$80）選用金黃油亮嘅三黃雞，雞皮爽彈，雞肉係超級嫩滑，配埋三色醬汁食好惹味🐥小菜有清爽解腻嘅醬油小黃瓜🥒配搭無味精無味精椰子雞湯，味道清甜，住家味道十足🍲💗轉葱油干撈麵(+$5)干撈麵選用上海粗麵，麵條粗身煙韌，加上醬油、蔥油、香蔥同炸蒜拌匀，香氣勁濃🍜💗桑拿瑤柱肉餅(+$13/ 1件）店家特意將瑤柱打成粉狀加入肉餅蒸香，肉餅紮實軟嫩，充滿肉汁，瑤柱味特別鮮香🐷💗咖央多士(+$25)咖央多士烘得金黃香脆，夾住香甜嘅咖央醬同原塊半溶牛油，夠哂邪惡🧈…查看更多

🥢温泉雞髀套餐 ($73)
雞髀全部去骨啖啖肉，肉質嫩滑多汁，入口充滿雞油香😍油飯粒粒分明，吸滿油香，配上爽脆青瓜同一碗椰子清雞湯，簡單卻滿足～三色醬係亮點，尤其係薑蓉，磨得細滑無比，帶有清新辣香，與一般粗糙薑蓉截然不同，完美提升雞肉風味！套餐仲附送一杯飲品，揀咗冷泡烏龍茶解膩～🥢海南雞下庄套餐 ($80)
下庄套餐同樣令人驚喜！揀咗蔥油乾拌麵 (+$5)做主食，麵條彈牙，表面灑滿香蔥同炸蒜，增添濃郁嘅蔥香同卜卜脆嘅口感，風味十足🤩海南雞同樣去骨，肉質嫩滑啖啖肉，入口鮮香～配搭蔥油拌麵，味道層次豐富🤤🥢瑤柱肉餅 (+$13)肉餅質感實淨，咬落去充滿住家飯嘅溫暖感覺，帶淡淡嘅瑤柱香氣，鮮甜惹味🤤咬落肉質軟嫩而不散，瑤柱嘅鮮味融入每一啖，簡單卻充滿誠意～加$13有咁高質嘅肉餅，值得一試！🍞咖央多士 (+$25)
多士烤得金黃酥脆，塗滿香濃嘅咖央醬，椰香同奶香交織，入口甜而不膩～每一啖都係經典南洋甜品嘅享受，酥脆嘅多士同creamy嘅咖央完美平衡，令人滿足🥰…查看更多

食雞就要食關注組第一嘅旺角勁滑温泉雞🐥.ᐟ‪‪.ᐟ 晚市每次經過都大排長龍體驗港人對食雞嘅執着！最平$63一個全日餐🤍免加一(包: 無味精靚湯＋醬汁小黃瓜＋三色醬汁＋冷泡烏龍茶/罐裝飲品)雞胸雞柳已經好嫩滑🤍！熟度啱啱好，好似真係浸過温泉XD中意佢雞皮薄，肉比例多，蛋白質都高啲！雞髀食落就更有雞油香，肉質更加滑！特別一讚薑蓉打到好細膩香飯可+$5轉葱油干撈麵，麵質彈牙煙韌，有豉油鮮甜+葱油辛香不過私心都係中意雞配飯🍚香飯金黃色，有雞油薑黃香一啖雞一啖飯真係好滿足♡～肉餅吾會打得好攔，入面真係有豬肉粒，好有口感，有瑤柱嘅加持，特別鮮甜！★ 溫泉雞胸柳套餐配香飯 $63去皮～🌟29p 3.5f★ 溫泉雞脾套餐配香飯 $73去皮～🌟24p 8f★ 葱油干撈面 +$5～🌟475kcal 68c 12p 17f★ 3件桑拿瑤柱肉餅 +$36～🌟260 kcal 4c 18p 19f…查看更多

旺角通菜街aka女人街近先達對面有間人氣餐廳主打溫泉海南雞，幾次路過見到好多人在店外排隊等位，排埋一份，其實翻枱都算快。① 溫泉雞胸柳套餐 $63雞胸柳|香飯|無味精靚湯| 醬油小黃瓜|三色醬汁（黑醬油、辣醬及薑蓉） |熱柚子蜜② 溫泉雞下庄餐 $80雞下庄| 葱油干撈麵+$5 |無味精靚湯|醬油小黃瓜|三色醬汁（黑醬油、辣醬及薑蓉）|冷泡烏龍茶餐廳最平及最貴的雞餐，兩款都係無骨雞，肉質真的有分別，雞胸比較健康，有比平常吃到的不覺得柴；下庄是非常嫩滑，但不會覺得肥膩，很棒！！油飯跟干撈麵挺香，兩樣都好食。餐飲除左一般汽水，就有冷泡茶及熱柚子蜜，不需另加錢。③ 咖央多士 $25見到好多枱都有加份咖央多，厚牛油！好邪惡！好食！④ 桑拿瑤柱肉餅 $36幾特別既瑤柱肉餅，口感實實地，同一般蒸肉餅唔同，可能有瑤柱關係，食落有少少鮮甜。⑤ 醬油糖心蛋 $10餐廳地方不大，有少少擠擁，不過店家好貼心在門口旁有個架，除左放外賣，仲可以比食客放袋。見到北角仲有分店，近我公司總部！下次去開會可以去食～正！…查看更多

🐥溫泉雞套餐 (雞翼、雞胸、上脾) $63 有雞味又超嫩滑😍 就算係雞胸位都唔鞋☺️推薦！✨ 配香噴噴香飯 🍚 - 唔似一般海南雞啲油飯咁油膩👍🏻加埋有少少紅葱頭吊味 好香唔滯 無味精靚湯 😋 - 椰子清雞湯 冇味精 清甜 飲完唔口渴 醬油小黃瓜🥒 - 正常發揮 調味適中 三色醬汁 💛🧡🤎 - 三款醬料都唔求其！薑蓉起幼滑！同温泉雞好配 包冷泡烏龍茶一杯/罐裝飲品🥤🐷 + 3件桑拿瑤柱肉餅 $36👍🏻有嚼口又有肉香 完全唔係出面嘅絞肉質素肉餅加左瑤柱絲 鮮味再加分 又唔會太搶味 推薦！✨ 🍞 咖央多士+25極邪惡之選🧈多士有烘底 中間夾住一片牛油同咖央醬咖央醬係偏椰糖口味 但唔會太甜回頭指數 ⭐️⭐️⭐️⭐️⭐️#旺角 #旺角美食 #alldaychickenlab #全日雞實驗所 #foodie #hongkongfood #y2fat #y2fatfoodie…查看更多

全日雞實驗所為了炮製出最嫩滑的海南雞🐔竟然特意研發一部「浸雞機」🤯如此別具匠心的製作方法，加上價錢貼地，令餐廳早在深水埗年代就已經聲名遠播💥一直到現在都依然是炙手可熱的海南雞專門店🔥———————————————————————溫泉雞套餐非常豐富😍除了雞和香飯外，還有涼拌小黃瓜、湯和飲品，以$63來說，的確物超所值👍🏻光看賣相，金黃色的雞皮就已經令人食慾大增🤤入口果然都沒有令人失望，雞皮非常爽彈，質感滑溜得如腸粉一樣🥹雞腿、雞胸和雞翼三個部位亦煮得恰到好處👌🏻肉質非常嫩滑，完全感受到「浸雞機」的神奇之處🫨唯一美中不足的是溫泉雞雞味較淡🤏🏻未算太濃，但整體來說已經非常高質👍🏻配搭的三款醬汁亦同樣出色，醬油質地濃稠偏甜😃辣醬辣椒香味濃郁🌶️略帶酸味非常開胃😙薑蓉磨得相當幼細🫚幼滑得如薯蓉一樣😳並無半點纖維感覺，令我非常驚艷🤩香飯粒粒分明，不會有油膩感覺😇而且充滿乾蔥香味，令人忍不住一口接一口😆加$13可加配一件桑拿瑤柱肉餅。肉餅採用了半肥瘦豬肉🐽口感非常結實彈牙，肉味香濃😚瑤柱味亦相當突出，但咬落就不太感覺到瑤柱的質感🧐加$25還可以加配咖央多士4件。多士烘得香脆可口🔥微暖的麵包配以厚切的冰涼牛油，令人回味無窮🤤咖央醬味道香甜，但份量偏少🤏🏻若能再多一點的話就更加完美🙂———————————————————————全日雞實驗所多年來都一絲不苟🫡堅持用心製作💕以合理的價錢，提供高質的出品，這份心意令我非常敬佩🙇🏻‍♂️…查看更多

憑著嫩滑海南雞飯闖出名堂的 全日雞實驗所，繼北角和富薈美食廣場的分店後，最近正式進駐旺角通菜街，晚飯時間人山人海，可見其人氣之高。招牌的溫泉雞套餐，一次過能品嘗到雞翼、雞胸、上髀三個部分，採用自家研發「浸雞機」烹煮的雞口感嫩滑，雞皮脆口，完全不油膩。店舖亦有提供健身人士向的雞胸柳套餐，以及希望享受極緻嫩滑的雞髀套餐，配上三色醬汁、雞味濃郁的香飯、惹味的蔥油乾撈麵，以及每日煲製的無味精椰子雞湯，滿足度爆棚。想吃得更豐富一點，可以加點桑拿瑤柱肉餅，口感紮實，帶有淡淡瑤柱鮮香，充滿層次。嘗甜的亦可選擇咖央多士，烤至酥脆的麵包塗上咖央醬和煉乳，並夾入冰牛油，冰火滋味讓人忍不住一口接一口。All Day Chicken Lab has just opened its doors in Mong Kok, known for its incredibly tender and juicy Hainanese chicken. Their all day set features a trio of chicken delights: wings, breast, and thighs. For those seeking a healthier option, you can also choose chicken breast fillet combo, while the chicken thigh and drumstick combo is ideal for those who crave the ultimate indulgence.…查看更多

北角非常人氣嘅一間海南雞小店開到嚟旺角🤭雖然史努比未食過北角店 但成日聽佢個大名 心思思就想試下🤪於是乎就去咗旺角新分店 不過幫唔到大家做比較 只能夠單方面評價~🫣早已聽聞呢間全日雞嘅老闆自己研發咗一部專門浸海南雞嘅機器可以分開浸髀同胸 令雞肉嘅每個部位都可以浸夠最佳時間 達至最滑狀態❤️聽到呢一點已經令史努比非常之期待🤪即刻試下系咪真系咁把炮!👍🏿溫泉雞套餐 $63套餐有雞翼 雞胸 雞上髀同油飯另外有齊海南雞三色醬 仲有醬油青瓜 例湯同嘢飲送🥰油飯超級大碗😂粒粒分明 而且幾有咬口 系史努比鍾意嘅硬度最抵讚嘅系食落唔覺油膩😚帶少少雞油香~ 但如果香味再出啲會更好🫶🏿跟住到海南雞~史努比平時都成日食雞胸慣性咁將海南雞去皮再食🤣齋睇樣都知佢一定滑 食落就更加唔使講佢滑到好似食緊雞髀咁😳而且冇雞髀咁油膩 但又做到佢滑嘅嗰種程度實在系非常驚喜🥰老實講可以稱佢為食過最滑嘅雞胸❤️連平時唔鍾意食雞胸嘅媽媽👩🏻都有讚冇彈!冇食雞皮 由媽媽👩🏻代講食評佢話帶少少爽脆 而且非常之滑 好好食🤭海南雞本身有啲鹹味 但唔會over咗點埋醬料食更加惹味😋醬油甜甜地 正常發揮👌🏿薑蓉有別於平時見慣有蔥粒嘅 反而系磨到好細滑嗰種 食落唔會好油膩又唔會過鹹不過略嫌爭咁啲香~最特別系佢嘅自家製辣醬 連店員都話正🤭第一啖唔系太辣 辣味會慢慢滲出😳仲越食越香 超開胃😆味道: 9/10跟餐嘅有~👍🏿醬油小黃瓜 青瓜去咗皮 冇咗爽脆嘅口感😗但咁樣更容易索汁🤣食到少少麻油嘅香味醬油唔會太鹹~ 食完咁多肉食佢解膩一流🤭味道: 8/10👍🏿例湯 湯就普通啦~一嚟佢唔系熱嘅反而系常溫😳見到表面丁點油都冇 好清澈👍🏿飲到椰子嘅清甜 同埋好淡好淡嘅雞味🥺史努比覺得冇乜特別 但唔系差嘅~味道: 7/10👍🏿冷泡烏龍茶史努比一向都好鍾意飲無糖茶~尤其出街食飯 飲啖茶消消滯吖嘛😆今日呢杯都唔錯嘅 飲到茶嘅甘香但就略嫌佢有少少澀口 不過跟餐嘅可以接受啦🤭味道: 7/10Overall佢成個set真系好抵食🤪有飯有雞 仲有青瓜湯同嘢飲送又好食喎 抵到爛啦🤭性價比: 9/10另外跟餐仲可以加錢嗌小食🤤貪心嘅史努比又嗌咗幾款🤭.👍🏿桑拿瑤柱肉餅(3件) +$36有人話佢系比海南雞耽誤咗嘅肉餅店🤣講到咁好食 梗系要試下🤪肉餅口感紮實 唔會好鬆散~但都冇話太死實硬掘掘咁呢個質感唔似系用機器攪碎啲肉 似乎真系人手剁肉餅👍🏿肉質夠淋但依然有咬口😛仲好多汁好juicy🤤食到應該系瑤柱嘅鹹香味 但menu唔寫嘅話 史努比食以為系鹹魚味😂食落系幾香嘅味道確實唔錯~ 不過史努比覺得海南雞更出色🤭味道: 8/10性價比: 8/10👍🏿咖央多士 +$18邪惡嘅厚牛油配搭薄薄一層咖央醬😈牛油嘅厚度系成件多士嘅1/3😳老實講就唔系史努比杯茶 嫌佢肥呀~但媽媽👩🏻大讚好食嘅🤣多士唔會好熱 令牛油keep到冇溶晒不過食落就唔系好脆咖央醬甜甜地 唔會太甜搞到好漏👌🏿配搭半融狀態嘅牛油 入口即溶超邪惡😂系肥胖嘅味道😌唔系個個都識欣賞 史努比就唔識啦😂味道: 7/10 (媽媽👩🏻比8.5分🤭)性價比: 8/10👍🏿溏心蛋 +$8同史努比自己整嘅完全唔同風味🤪食到佢帶酒嘅香甜 而且酒味都幾濃郁😳調味適中唔會太鹹 但又有醬油嘅味道~蛋黃流心嘅狀態啱啱好不錯不錯😚味道: 8/10性價比: 7.5/10.👍🏿 例牌溫泉海南雞(下庄) $68佢個海南雞咁出名 梗系要嗌埋雞髀試下🤭份量比到足 同埋都有3色醬料跟~果然不出所料 真系超級滑適量嘅雞脂同啫喱位令佢更加滑🤪不過當然佢比雞胸油啲肥啲但都好好食!! 不過冇雞飯咁抵食囉🤣味道: 8.5/10性價比: 8/10*不設加一服務費*呢間全日雞果然名不虛傳 新分店都好高質雖然未食過總店冇得比較🫣但佢嘅海南雞真系整得出色😆服務都幾好 店員又細心加上佢唔收加一 價錢親民絕對值得大家一試❤️整體評分：味道: 8.3/10環境: 8/10服務: 8/10衛生: 8/10抵食: 8.5/10…查看更多