明廚

約咗成班靚太去食飯，朋友介紹明廚， 果然有驚喜，道道小菜都好出色， 絕對係香港人嘅味道。訂位時介紹有幾樣野要預訂，本身想訂佛跳牆但佢哋話我哋太少人食唔哂，然後推介金湯雞煲翅，真係冇介紹錯。仲未等齊人老闆話叫d小食先，冰火辣味魷魚好好食，仲有好驚喜有涼伴魚皮，而家真係好難揾到，好開心。我自己推介油浸筍殼魚，黃金涼瓜， 火焰奄仔蟹。朋友鐘意小炒王，豉汁蒸白鱔，避風塘粟米，其實樣樣都好好味，食物質素真係好有驚喜，真心推介俾朋友。下次一定要揾多啲人一齊去食佛跳牆😋…查看更多

有朋友介紹去旺角明廚聚會，因為大家鍾意飲餐酒又知道明廚有靚杯啲小菜又好食梗係落去幫襯下啦。我同我啲朋友好鍾意食蔬菜，老闆就介紹水耕菜，台灣快菜炒新鮮牛肉同埋豆豉蒜蓉炒蕃薯葉，好少食到啲菜咁有味同埋咁嫩。佢話喺香港出品添，好好味！同埋唔少得用了十足嘅小炒王，啲腰果同埋炸銀魚多到滿瀉。最好味就係佢嘅油浸筍殼魚，好少喺出邊食到游水嘅相學語又滑又香口。老闆非常好人又靚仔送咗兩磯煮凍鮑魚我地食。鮑汁雞腳超級正，個煲仔熱辣辣啲雞腳入晒鮑汁味好難形容咁好味。佢嘅脆皮黃金涼瓜一啲都唔苦啲鹹蛋黃好香煮得啱啱好。最後嗌碟避風塘茄瓜，老闆話啲滑係大埔振興嘅墨魚滑，啲避風塘蒜蓉夾埋啲墨魚滑茄瓜真係超級正送走一流！…查看更多

喺朗豪坊行完街同班朋友去食宵夜，喺OpenRice search 到呢間明廚，就係朗豪坊斜對面，即管試吓。同行6人，一致認為好食。食海鮮、廣東小炒，飲返杯冰凍啤酒好地方。佢哋嘅火焰奄仔蟹係必食推介，大大隻爆哂膏，油鹽煱再加酒香味，真係好食😋之後再給叫咗幾個小菜，馬友煎肉餅好香口，好彈牙我估計應該係加咗墨魚膠。唔會太鹹，不過缺點係要等好耐，吹左兩次先有得食。佢哋個明廚第一炒（即係小炒王）都好有特色，加咗炸銀魚仔，足料。最尾仲叫咗個蒜蓉粉絲蒸扇貝，一個字正！簡單得來夠晒大隻，新鮮好味。🤤 不過又係等得比較耐，可能星期六晚人多，我哋又趕住去下場係咁催菜，啲侍應都好有禮貌冇黑面🤣。係整體來講非常高質，價錢合理，會再返嚟幫襯👍🏻…查看更多

朋友食過話好食，心郁郁都去試吓！星期五7:00到咗，全間餐廳爆曬，好彩有打去訂位。試咗招牌鹽焗奄仔蟹，嚟到真係心心眼，爆曬膏，鹹味啱啱好，好好味！明廚第一炒，其實同小炒王差不多，不過好大碟，同埋加埋上面啲銀魚仔，炸到脆卜卜，送啤酒一流！黃金涼瓜，個涼瓜做得好出色，裏便唔會有苦味，俾啲鹹蛋黃包住，外脆內軟！白灼手切本地牛，牛肉非常有肉味，牛肉生熟剛剛好，鍾意食牛嘅一定要試吓！另外仲有幾個小菜，炸乳鴿，冰火辣魷魚，椒鹽鮮魷，菠蘿生炒骨都好出色，食下飲下啤酒，開開心心過咗一晚。值得一提，餐廳幾個老闆都好後生，個個都靚仔靚女，服務又好，下次一定會再返嚟！…查看更多

近排忙到唔得閒 update，我食左間好好好好好食既小炒餐廳❤️每一樣，係每。一。樣。都咁出色！油鹽焗奄仔蟹:每一啖都充滿著🦀鹹鮮，又多膏😍 椒鹽粟米: omg 點解可以咁好食😱 送酒一流啊，又香口又甜，停唔到口！椒鹽九肚魚: 皮薄！餡靚！胡椒魚標:無腥味，胡椒味岩岩好，無搶風頭豉椒炒蜆: 無沙，個汁唔會話好咸或者好膩，蜆新鮮小炒王:正！我平時好少食但男朋友一定叫既，不愧係皇牌🤤韮菜花爽，白飯魚香口，腰果脆，仲有蝦乾有咬口，我夾到男朋友話做咩搶佢 d 野食🤷🏻‍♀️炒條菜都好食過人，啫啫通菜煲我覺得係食過最好食既！仲有個冰火魷魚，辣但好味到停唔到口🤦🏻‍♀️黃金魷魚每一舊都俾鹹蛋黃淹沒左，啖啖都係鹹蛋黃既香甜加魷魚既鮮甜。。。。我又想去食啦！…查看更多