昭和食堂

营业中

休息中

平時放假最鍾意约埋三五知己去D日本居酒屋把酒言歡,品嚐一下美食,超正。上星期我就同D friend去左銅鑼灣謝斐道嘅"昭和食堂"日本蕃茄三杯醋……好鲜甜，多汁，浸係醋裡面，味道唔會太調。野菜沙律伴龍蝦味噌酱……有甘筍，芹菜，車厘茄，點D龍蝦味噌醬，份外清新怡人，不失為開胃菜。燒鵪鶉蛋，好香口，殼脆到可以食，裡面仲流心添。炸北海道魷魚絲，炸得幾香，但腍左少少，但裡面魷魚好有口感同頭。_菊花酒…………飲落幾清，啖啖菊花味，唔會太甜，唔錯

朋友推介我去位於銅鑼灣谢斐道嘅“昭和食堂”，本着大無畏精神，前兩日就去試過。鹽燒雞皮……起初食都怕雞皮好肥，但食落卻别有風味，好爽同好有口感，唔會肥腻，宜家先知雞皮咁好食鹽燒深海池魚頭……好脆，鹽燒好香，呢種食法都必有一番風味。燒雞掌心………爽口，好有嚼頭，燒得好香宮崎A5和牛西冷………A5唔使講都知好食，唔韌好有牛味，啖啖享受。清酒煮蜆………好新鲜，無沙，幾好食。餐廳整體水準唔錯，色香味俱備，但離地鐵站遠左少少，但都值得一試。

日本菜最吸引人地方係菜式變化多，永遠都會俾到食客一份新鮮感。上星期我就同我女朋友去左銅鑼灣謝斐道嘅“昭和食堂”。店內裝潢簡樸但挺有日和風味，與地道居酒屋無異。我女朋order左多款美食：日本蕃茄三杯醋………………………日本進口蕃茄非常新鮮清甜，再配以三杯醋浸釀，清淡中亦不會單調。北海道炸魷魚絲……………………魷魚好彈牙有口感，炸上黎不油不膩，下酒恩物。串燒雞腎………………燒得好香口，好彈牙，唔會韌，雖然膽固醇高D，但都好難忍口。“昭和”整體水準不俗，服務亦夠體貼，下次會再幫襯。

友人啱啱係加拿大返黎香港，好朋友嘅我當然要盡地主之誼，請佢品嚐一下香港美食。所以，我前日就帶佢去左銅鑼灣謝斐道“昭和食堂”一邊嘆下日本菜，一邊傾下佢係加拿大的所見所聞日本蕃茄三杯醋…………非常醒胃嘅餐前小食，日本蕃茄非常清甜爽口，旁邊有D醋浸泡住，就不會太清淡，提鮮不少。半生熟牛肉…………開始表面睇起上黎好似好生，好些少抗拒，但食落確係兩回事，非常軟腍，肉質爽口，牛味盎然。一口鵝肝石頭飯…………鵝肝份量都幾多，唔會腥，好香，而飯啱啱熟，一粒粒，非常有飯香。炸蝦肉芝士薄餅…………啖啖芝士香，厚批，好有口感，再加埋D蝦肉，非常香口彈牙，有水準。整體評分：（5滿分）

銅鑼灣食肆林立，尤以謝斐道最出名，各國菜式都可以食到，上星期發現有一間新開業不久嘅日式居酒屋“昭和食堂”為食嘅我當然要去探究一番。當日我同左幾個志同道合嘅Best Friend到昭和，品嚐一下佢地嘅美食。甫入店內，好有傳統日式居酒屋的風味，簡潔且富有特色。日本蕃茄三杯醋……蕃茄好爽好清甜，確實係一個很好的開胃前菜。冰燒鴨胸肉…………不油不膩，鴨胸肉同脂肪比例均勻，肉質軟腍，且帶有少少酒香，確實非常有水準。鹿兒鳥黑豚…………師傅刀工不錯，每片黑豚肉厚簿一切，肉質香口軟腍，加上帶有少許脂肪，下酒一流蟹羔甲羅燒…………將蟹羔和肉釀入蟹蓋，再用猛火燒熟，然後一羹一羹放入口，蟹羔和肉非常鲜甜且好有口感及嚼頭，但略有少少鹹，但整體都非常不錯。燒鵪鶉蛋…………唔係好多居酒屋有呢款小吃，燒得香口，可以連殼食，裡面有流心，口感非常。“昭和食堂”雖為新開業，但食品水準卻相當不錯，再加上店內服務員態度親切且主動，所以值得推介俾大家。