老北京 (渣甸中心)

銅鑼灣樓上傳統北京菜式餐廳設計充滿中國風餐廳雖然地方唔算大但唔會覺得焗促黃金蝦球大大粒炸得金黃又香脆嘅蝦球入口好爽彈而且充滿鹹蛋黃沙沙感味道鹹香惹味又唔會太膩北京烤鴨（半隻） 即烤北京烤鴨 焦糖色嘅烤鴨皮香脆配上皮薄又帶煙韌感嘅餅皮及配料口感充滿層次而且充滿洗鴨油香煎韭菜豬肉水餃 水餃厚度適中 煎香後帶點香脆亦有煙韌感水餃餡韭菜量多而且鮮甜酸菜白肉鍋充滿大量酸菜製成 整鍋帶住酸菜香酸菜酸味唔會太嗆 再配上白肉令味道帶有肉嘅鮮甜拔絲香蕉外層充滿焦糖香 脆卜卜內裏香蕉軟熟香甜…查看更多

好耐冇見嘅大學同學約咗食晚餐！其中一個好鍾意食北京烤鴨，另一個好想打邊爐所以就揀咗老北京滿足晒佢哋兩個嘅願望🤭 落晒單店員已經話會安排小菜上先～之後先會再打邊爐🐓宮保雞丁少少辣～非常惹味~好開胃雞丁又嫩又唔油～仲有脆口的花生~收工太肚餓嘅我地好快就清晒😛🦆北京烤鴨（半隻）朋友夢寐以求嘅，畢竟烤鴨🫢半隻嚟講～份量都幾多！烤鴨外皮鬆化酥脆～肉質嫩滑好香～重點餅皮夠晒薄，包埋青瓜絲、蔥絲、填鴨醬咁一啖擺入口口感好豐富🥰🥟高湯小籠包淡淡都有滿滿嘅高湯😋跟住就到打邊爐環節啦🎉🔥老北京銅鍋涮羊肉首先老闆親自同我哋介紹京式混醬～好特別～第一次食同港式嘅豉油底好唔同 混醬以香濃麻醬做基礎（本身自帶咸度）京式嘅食法會加上芫荽同葱 再根據自己口味加上韭菜花、腐乳醬、辣椒油 我哋混吓醬試味都玩得好開心😆🐐寧夏灘羊腿肉 & 雪花肥牛🐄食北京菜再加上天氣又轉凍梗係要嗌羊肉片同我地最鍾意食既肥牛 上到嚟一卷一卷咁～切得好薄好靚仔肥瘦適中🥰好適合攞嚟涮涮～連埋午餐肉、蔬菜拼盤（津白菠菜皇帝）同凍豆腐涮點埋個京式混醬簡直一絕👍唔食得辣嘅我地都落左少少辣椒油！好惹味！🍌拔絲香蕉睇完黑白大廚之後終於可以到拔絲啦！呢個真係好吸引呀！一上枱我哋都忍唔住嘩嘩聲🤩🤩🤩廚師巧妙咁用幼身糖絲係香蕉上打圈上菜嘅時候簡直就係一個藝術品啊😍觀賞值滿分💯外邊脆卜卜嘅糖絲包裹熱辣辣又軟熟嘅香蕉既唔會太甜，又唔會黐牙 真係好出色…查看更多

🎶好耐冇食過北京烤鴨～～ 最近同男朋友同屋企人去咗銅鑼灣嘅「老北京」食地道北京菜 估唔到仲有打卡好靚嘅拔絲香蕉！😳 連隔離枱見到都即刻忍唔住問我哋係咩嚟xdd ✻北京烤鴨（半隻）HKD258北京烤鴨肥瘦適中 半隻份量都幾多🦆我哋四個人食啱啱好 個人好鍾意佢嘅春餅～～ 另外叫多咗份春餅😋✨ 用春餅夾住烤鴨 醬料同蔥 口感一流～～✻老北京炸醬麵 HKD98原來老闆用五種不同嘅香料同五花腩慢慢調製出個炸醬！微微辣辣地咁非常惹味～ ✻韮菜盒子（2個）超多韮菜好足料！四個人每人半件啱啱好💚✻芹菜豬肉水餃（10隻）HKD95豬肉水餃大大隻 同樣好足料 芹菜好特別！✻高力豆沙（4個）HKD80大愛高力豆沙💕 香脆鬆軟入面仲有豆沙 甜甜地入口好滿足～✻拔絲香蕉 HKD98 一上枱成為眾人焦點xd 拔絲好靚 相信好考師傅手功😳 香蕉外層有啲焦糖脆脆地咁 外脆內軟～🍌…查看更多

其實香港並唔算有好多北京餐廳，最為人所知就係連鎖店XX樓，我都食過唔少次～呢幾日我突然間想食官府菜，跟住就上網查下到底香港有冇啲咩京菜小店可以試下～於是今日就嚟咗呢間位於銅鑼灣嘅老北京！.老北京由門口到餐廳內嘅裝修都係好有傳統中國嘅味道，俾人一種感覺好似穿越返去中國古代去品嚐當時嘅美酒佳餚咁，所以未坐低、未點餐、未進食之際已經好有feel～.首先來個冷盤：夫妻肺片！一上菜已經聞到一陣麻辣開胃嘅味道，牛肚、牛𦟌都切成絲，配合大蔥絲、青瓜絲同埋蘿蔔絲一齊食，口感非常豐富，再加埋老北京秘製嘅麻辣醬料、芝麻同埋芫荽，成碟夫妻肺片嘅層次更豐富，味道再昇華，直頭係味之誘惑，忍唔住一啖又一啖，好快就KO咗成碟嘢！.我屋企人好鍾意食官府菜，所以我由細到大每逢有咩大日子、慶祝活動個陣，全家人都會去佐敦嘅北京酒樓（已結業）食餐勁嘅～以前北京酒樓嘅大廚推介我哋叫碟和菜戴帽包薄餅食，呢個係北京嘅傳統美食～可能受屋企人影響，每次我去試一間新嘅北京餐廳個時，都會叫和菜戴帽同埋薄餅，睇下間餐廳嘅水準，漸漸我將呢樣嘢變成我評價間餐廳夠唔夠正宗嘅標準！.其實和菜戴帽就係一堆肉絲、蔬菜絲、粉絲炒成一碟，最尾鋪上一塊厚厚嘅芺蓉蛋，好似頂帽咁樣冚住雜菜，和菜戴帽個名就係咁嚟～講返老北京嘅和菜戴帽，老實講我唔算太滿意。雜菜嘅部分炒得唔係好甘香，而好食嘅和菜戴帽係會食到好重香油味同埋鑊氣味～不過老北京嘅和菜戴帽就好足料，大大盤！.薄餅方面，其實我覺得佢更似包片皮鴨嘅薄餅，但其實包和菜戴帽同埋包片包鴨所用嘅薄餅係唔同，前者係厚厚嘅一大片，並且用烤爐烤到有啲位置焦脆，薄餅表面又有殘餘嘅麵粉咁樣～而老北京嘅薄餅太過薄身又細塊，而且唔係好煙韌，所以整體嚟講我覺得還好～.甜品方面我嗌咗拔絲香蕉，呢個係我每次去食京菜必嗌嘅甜品！賣相非常吸引，金黃酥脆嘅香蕉上面有一大塊用麥芽糖拉成絲，再用芝麻點綴而成嘅可食用靚靚裝飾！香蕉嘅外皮好酥脆，入口一咬真係有咔嚓一聲！香蕉肉亦都好熱好軟，係真正嘅外脆內軟！老北京嘅拔絲香蕉唔算過份嘅甜，我覺得係恰到好處，所以食多幾嚿都仲未甜到乸喉！十分出色！.今次去老北京真係滿足到連日想食官府菜嘅慾望～等我之後再發掘多啲香港唔同嘅京菜小店先！…查看更多

好友生日飯聚，朋友說常常吃西餐，今次想吃中菜，這次就跟她試試傳統京菜! 餐廳在SOGO附近，位置方便，不太難找。由商廈一出門已看到大大個牌匾，內裡裝修古典雅緻，以古典深木色為主，餐廳內書櫃、花架、字畫、中式花瓶 燈 通通齊備，佈置充滿舊京城氣息! 以中式飯店來說坐位不算多，內裡有2間箱房。我們來的時侯已8成滿，當中不乏日本、外國遊客，隔鄰的華人面孔原來也操流利捲舌音..看來我們這些在地港女食客才是少數!! 前菜蒜泥茄子先到，蒜泥白肉吃得多，蒜泥茄子較少吃到! 茄子凍凍的，茄味濃郁，先是嚐到麻醬的甜之後辣油刺激著味蕾，很過隱~到最後蒜味在口腔久久不散，配搭簡單但好吃! 傳統京菜著重的，除了一般出名菜式，更會顧及到一些經典家常小菜。我們點了韭菜盒子，有點像韭菜蛋餅，麵團內只有蛋及韭菜。麵團煎得香口脆身，不會油膩，雖然餡料沒有肉，但吃的時間仍然爆汁! 朋友喜愛豆腐，點了個經典鍋塌豆腐。豆腐軟綿綿，醬汁濃稠甜甜的，朋友說應該點客炒飯來伴這個豆腐吃，在上面灑點蝦子更完美~ 來吃北京菜, 當然不能不試當中最有名的北京烤鴨。烤鴨在古時是宮廷食品，做到肉質肥而不膩，外脆裏嫩，火喉要控制得相當準確。由於人數有限，我們點了半隻北京烤鴨配料有傳統的烤鴨醬、大蔥 及 青瓜。烤鴨皮脆味道醇厚，配上烤鴨醬、大蔥 及 青瓜同吃口感清新。令人驚喜的是配襯烤鴨的薄餅皮，夠薄又煙韌，放了一段時間後都沒有變硬!白菜豬肉煎餃外皮比出面吃到的多了份煙韌口感，白菜與豬肉比例剛好。煎餃size較一般 的細了少許，方便女生也可以一啖一口。 整晚期待以久的拔絲鴛鴦終於上場!! 賣相精緻，連附近其他客人看到都立即點了客! 上面的糖絲十分幼細，有點像龍鬚糖般黏著你，又會入咁即溶! 先試拔絲香蕉，外層脆脆硬硬跟內裡軟腍口感完全相反，香蕉不太熟，有點生，平衡了外層脆糖的甜。而拔絲蘋果的蘋果質地較粉，蘋果的果香令脆糖味道不會太單調。 我們每人吃了幾顆後都認為拔絲不會太甜，但有麥芽糖的香氣，不錯! 我們人丁單薄，試不了太多菜式，下次要叫齊人馬，一齊再來試試其他巧手菜!!…查看更多