發達叉燒

营业中

休息中

夜晚到灣仔食飯，今次去人氣店發達叉燒，來頭唔細，由鋒膳的燒味師傅主理，即吸引想一試。小小的店子，裝潢簡約，燈光明亮。餐牌，都係QR CODE落單，叉燒必食就梗，另一主打茅台醬油雞又係推介，要了雙拼。是日老火湯-青紅蘿蔔豬展湯，好耐冇飲過湯水，材料十足。叉燒茅台醬油雞飯，$80，賣相都幾靚仔，上菜已聞到酒香味，茅台醬油雞，雞皮爽脆肉質嫩滑，味道有酒香及醬油的鹹香味，正!招牌貨叉燒肥瘦適中，有少許燶邊燒得焦香，肉質鬆化，味道甘香，美味。叉燒燒鵝雞飯，$80，友人的。食物有水準，價格合理。

🐷今翅真係發達啦最近行開灣仔，發現一間裝修低調嘅燒味餐廳，睇真啲原來來頭唔細，係由新派粵菜米芝蓮店「鋒膳」燒味大廚余燦達師傅主理。當中以招牌叉燒、茅台醬油雞及明爐燒鵝最為出色。一場嚟到，我哋梗係以最相宜嘅價錢試哂啲精選啦，所以就揀咗雙拼飯💁🏻‍♀️叉燒茅台醬油雞飯 80食叉燒梗係要食半肥瘦嘅叉燒，餐廳採用西班牙梅頭肉，經過慢火烤製後，我哋嗰日就食得出叉燒外層蜜汁焦香，內裡就肉汁豐盈🤤醬油雞都冇俾個叉燒掩蓋佢嘅味道，一聞就聞出茅台味，雞肉絕對嫩滑，就連雞皮都「索」滿酒香同甜甜的醬油，兩者各有千秋。叉燒燒鵝飯 80燒鵝都唔馬虎，做到皮脆肉嫩，好食到傻。總結/ 成碗飯無論係豉油比例，唔同嘅燒味，甚至乎喺飯粒嘅軟熟度都無可挑剔，睇得出主理人係用心去經營，100%encore 😌