滿屋日本料理 (大埔超級城C區)

呢一日同母親大人嚟食放題🥢,因為呢一間有得任食燒榴槤~而且佢嘅刺身選擇都好多🐟,仲有唔同嘅壽司或者熱食實在係非常吸引~首先我哋叫咗好多刺身,包括有帶子🦪,三文魚,希靈魚同象拔蚌~再揀咗啲鍾意食嘅再encore~又叫咗一啲嘅壽司🍣,包括炙燒左口魚裙邊~仲有三文魚子同埋海膽手卷😋~佢啲壽司嘅飯唔算好大舊,所以唔會好飽~熟食我哋就最鍾意西京燒銀鱈魚,蒸鮑魚同埋芝麻雞翼🐔~甜品除咗外面有得自己夾細細件嘅~仲有得點榴槤泡芙🥯,同埋燒榴槤🔥~隔離檯叫定食,但出面有唔少小食都可以任食,下次可以嚟試下👍~…查看更多

這裡的海鮮類菜品驚喜滿滿，挪威三文魚份量十足，魚肉鮮嫩肥美，入口即化，十份的分量足以讓人盡情享受三文魚的醇厚；甜蝦鮮甜彈牙，虎蝦天婦羅外酥裏嫩，蝦肉飽滿多汁，炸衣輕薄不膩；黃金燒扇貝和馬刀貝新鮮度滿分，炙烤後的貝類鮮味濃郁，口感豐富。 燒鳥與炸物也頗具水準，鹽燒雞軟骨脆嫩入味，鹽燒牛舌軟糯帶有嚼勁，鹽烤的做法最大限度保留了食材本味；芝麻雞翼外皮酥脆，雞肉入味；吉列炸蠔外殼酥脆，內裏蠔肉飽滿多汁。 日式料理的精緻感也體現得淋漓盡致，茶碗蒸滑嫩細膩，配料豐富；海膽手卷和三文魚籽手卷用料奢華，海膽的鮮甜與魚籽的爆珠感在口中交織；花之戀造型精美，口味層次豐富。…查看更多

以前喺附近返工,都見呢間放題幾多人👯‍♀️👯‍♀️~之前有去過佢哋嘅荃灣店,呢日就同母親大人一齊嚟擦餐勁🥢!佢哋全QR code落單勁方便🤳,款式夠多又唔漏單👍👍~魚生有我最愛嘅希靈魚同埋油甘魚🐟,另外仲有帶子同赤貝🐚~個人覺得帶子同油甘魚最好味,帶子好鮮甜🥰~壽司方面怕太飽無食好多~主攻鹽燒左口魚🔥,呢個每次食放題都必點嘅壽司😋😋~佢哋仲有啲超迷你手卷同創作壽司🍣,款式多,味道都好好~而且呢度仲有超多熟食,鮑汁燴花膠,牛肉鍋🐮~仲有好多人點嘅鐵板紐西蘭西冷牛扒🥩,賣相都好好~不過太飽,所以只係點咗鮑汁燴花膠🍲~啲花膠都幾大片,又炆得入味~咁多款式,仲有汽水啤酒任飲🥤,雪糕任食🍦~每人都只係三百零蚊,勁滿足!…查看更多

想飲飽食醉日本嘢，朋友係街坊黎，話呢間放題質素甚高，所以最後就揀咗食放題😎經典放題任食套餐 $278 ，除咗qr code 落單外，現場有炸物同涼拌自取區，下次想升級多一個grade,因為見到人地食海膽食得好開心😂-食放題就最驚將價就價，最驚遇到食刺身未退哂冰或者唔新鮮，但大埔滿屋絕對係高質！刺身三文魚、油甘魚厚切，新鮮肥美，大赤蝦鮮甜大大隻，真係忍唔住enocre多次，就咁食刺身都抵🙈 拖羅蓉魚子醬帶子杯必食！壽司方面，花之戀、劍魚腩、鹽燒左口魚壽、海膽手卷都屬於驚喜之作！ 炙燒後既左口魚入口即溶，油香洋溢，劍魚腩油脂清香，不論賣相定味道都屬於中上，放題除咗汽水/樽裝飲品外，啤酒都係任飲！-餐廳熟食方面都出色，鍾意食西京燒嘅朋友一定要點，黑鱈魚🐟肉質細緻，魚肉帶有淡淡白味噌甘甜味，超滑！生蠔燒後依然保留蠔汁，加上蒜香濃郁，鍾意惹味既朋友要食呢個蒜蓉燒生蠔！鮑汁燴花膠一啲都唔吝嗇，大大件花膠炆得好腍又入味！-最後我以冷熱榴槤及相思雙皮奶作為今餐嘅甜品，可以食榴槤嘅放題實在太幸福了！！！😀😀😀-…查看更多

一入到門口，即刻俾眼前o既糖果櫃同朱古力噴泉吸引住眼球！真係任攞唔嬲的嗎……﹖一於一次過滿足晒細個媽媽唔俾食糖糖o既願望，拮番幾粒橡皮糖呀，棉花糖呀，淋上濃濃o既朱古力漿，有得玩有得食。有人說，放題或者自助餐其實大都係勝在款式多，質素唔好expect 會好高；不過想講呢間d 刺身質素都幾ok，尤其係貝殼類o個d，食落特別新鮮~ 北海道帶子一昧冰滑口感，赤貝同象拔蚌充滿海水o既氣息，仲有款泰式生蝦，o係日式餐廳都比較少見。唔點魚露醋，點豉油wasabi，又係另一番滋味。壽司手卷都唔錯，特別想推介一款吞拿魚他他，佢幾特別，有一pat 拖羅放係牛油果蓉上面，再搭上一片紙菜，口感棉滑。趁後生有quota 食多d 炸o野，我地點o左勁多炸物。一口芝士外脆內軟，吉列炸蠔同榴槤炸彈都係裡面熱辣辣，我地仲一口氣落埋鹽燒同芝麻雞翼，各有特色。我有個friend 超級鍾意食鯖魚，食親日本o野都叫，呢個鹽燒鯖花魚就食到佢lam lam 脷喇。而另一個friend 則叫o左碗牛肉烏冬自私食！飲品除o左汽水milkis 呢d 之外，仲有多款啤酒，包括我最愛o既apple cider 同另一隻日本罐裝麥酒。而最令我喜出望外o既係，呢度o既sake 竟然係免費任斟……！即刻試下佢o既梅酒，用上sake 杯，靈舍有格調，甜甜的又易入口。除o左chocolate fountain 同另一個甜品櫃之外，跟人頭每人仲可以點一杯haagen-dazs 雪糕，有多個口味。…查看更多

滿屋料理之前試過佢既銅鑼灣店，覺得性價比夠晒高，之後一直都未有機會再食，原來大埔都有一間！一於同同事食多次先~以QR code 點菜，大家都可入自己鍾意食的，見到岩就加加加！特登為左食buffet 而食少d lunch，點完野食又未上得菜咁點算好呢…﹖好在佢有d 炸物同冷盤野好似辣味螺肉呢d 擺晒出黎，醫住肚仔先最為不過。首輪刺身永遠都是美美的… 大赤蝦超大隻，油甘魚又夠晒滑膩肥美，而且樣樣都無話俾餐廳扣數，足料無欺場，要俾個讚！相比起刺身，壽司就係細細舊的，手卷都係迷你既，唔會話食白飯都食到飽咁。香芒吉列蝦卷有住上面酸甜、下面鬆脆兩種口感，雙重芝士鰻魚卷釀左一大舊芝士係裡面，芝士控必食~ 另外蟹膏蟹肉手卷味道都唔錯。試埋d 熱盤，炒尤魚鬚充滿鹹香，同雞軟骨一樣都係送酒一流。個人覺得鹽燒牛舌比牛柳粒好食d，牛柳粒略嫌有小小un… 不過估唔到日式放題都有花膠食，佢係用飽汁去燴煮，感覺上品~ 黃金扇貝之前唔記得食過出面邊間放題好酸的，呢度就剛剛好，夠晒惹味。甜品時間！佢有一個甜品櫃啦，都係一般常見既自助餐甜品。你可以試下佢個和果子，大大粒煙煙un un 有住紅豆既濃甜，又或許試下豆腐花，簡簡單單，少少清淡既甜也好。…查看更多

好耐冇食日本放題，咪就係因為疫情囉🥲趁暑假，帶埋小朋友今晚開開心心放縱一下。🥳「滿屋」喺大埔都開咗一段日子，但遲遲都未有機會入去試吓，今晚要食得盡興。一開始，我哋就已經order滿枱食物了。小朋友好開心，話好似去咗日本一樣😆（幾歲嘅小朋友，好有童真👦🏻）作為女士，一見到有花膠，第一時間已經吸引咗我😍 好少日本放題有花膠，重要係大塊，唔係薄薄一、兩片，我即刻加晒分👍🏻👍🏻 一路食，一路覺得自己愈食愈靚😆👱🏻‍♀️✨✨另外值得一讚係服務員💁‍♂️👍🏻 入面有個暖男哥哥，有禮又細心。我小朋友想要唔凍嘅朱朱力奶，佢主動幫我哋搵。好感動🥹👍🏻👍🏻 香港近年四周都充斥怨氣，已經好少餐廳會有咁殷勤嘅服務員👍🏻👍🏻食物方面，除咗花膠同刺身令我哋好滿足之外，炒牛肉粒都好惹味，爸爸不停 re-order😋而家冇得去旅行，今晚食得好開心，幻想已經飛咗去日本了 ✈️🇯🇵😎下次攪生日飯，一定要再嚟🥳😋…查看更多

疫情緩和咗，就急不及待約返啲舊同事食晚市放題，好耐都未試過咁滿足🤩近近地去咗大埔滿屋,咁多座位都爆滿，好彩一早book定位自助落單實在太方便勒！款式夠晒多，先落咗啲刺身壽司再出去自助區拎冷盤同飲品  食物種類繁多😝👍🏻刺身、壽司款式都好多，又新鮮又美味🤩仲有不同類型既炸物、煮物、串燒、手卷等等👍🏻👍🏻全部都係任叫唔嬲😚😚我地都食左好多round 上菜速度都好神速，我地未開始食第一碟，都已經好快上左數十碟👍🏻👍🏻😝而且全部壽司都好新鮮😛海鮮色澤同外觀都好靚☺️☺️賣相勁吸引，入口口感都體現到好新鮮，味道令人回味無窮☺️出面自助區仲有好多款小食、海鮮、湯類、甜品、飲品等等比客人自取😋😋真係可以鐘意食咩就食咩🤤不過最緊要都係食得哂先好拎😼最後我地仲加左蟲草花烏雞燉湯，雞湯超清甜濃郁🤤🤤大大隻烏雞同花膠，唔會因為係放題而份量好少👍🏻👍🏻真係落足哂料，食到回本仲賺到😛😛飲品方面款式夠齊全，連啤酒同清酒都係任飲👍最後唔少得食埋甜品同雪條啦！…查看更多

今日響大埔收工，順便約埋朋友響大埔食飯，見第二日放假，加上見到呢間日式放題新開，於是入去食晚餐😋🌟 刺身 x 壽司用QR code落單，食物黎得好快，而且唔會漏單，值得一讚👍🏻👍🏻刺身同壽司都係即叫即整，刺身夠凍，好鮮甜😋😋壽司唔會太大舊，細細啖，一口岩岩好，賣相都好靚，睇得壽司師傅好用心去整👍🏻👍🏻🌟 羊架 x 一品料理羊架燒得岩岩好，唔會好難咬，唔會好羶，調味唔錯😋😋蒜片牛柳粒，炒雞腎即叫即炒，好有鑊氣😋😋花膠扒時蔬，花膠大塊，而且入味，必點😋🌟榴蓮炸彈 x 炸鮮奶榴蓮炸彈中間係流心，榴蓮味濃，一口咬落去榴蓮蓉即刻爆出黎，好正😋😋炸鮮奶好香奶味，中間都係流心，外層鬆脆😋😋🌟 Movenpick 雪糕估唔到餐廳用movenpick 雪糕做甜品，而且仲有3隻味道選擇，有紅豆，士多啤梨，雲呢拿味，大家黎到，最後一定要食👍🏻👍🏻…查看更多

前幾日母親節，於是就去咗呢一間餐廳慶祝。因為其他店好多都訂唔到位，呢間新開嘅放題，喺OpenRice app就已經可以訂到放題啦，原本呢都驚呢間係伏，因為佢一個食評都冇，完全係全新，所以覺得有啲冒險，但最後發現竟然唔差喎！題外話，呢間餐廳好Nice， book咗枱佢會打電話提醒你confirm多次！感覺體貼！佢有兩個價位嘅放題可以揀，我哋揀咗貴啲嗰一個，佢包咗多幾款特別啲高級少少嘅食物！等我介紹吓食物啦！我地食嘅係進擊の升級 極品拖羅食べ放題！🥳太多相，po唔曬，介紹少少啦！花之戀我覺得花之戀幾好食，比坊間嘅放題做得大嚿好多，一嚟到我就好滿意啦，因為佢超級足料，完全睇得出新開嘅質素係高啲！刺身我哋第一round冇嗌到啲高級嘅刺身，呢啲都係普通嘅，但其實你都可以見到好多種類有唔同嘅蝦🦐啦，三文魚，油甘魚，吞拿魚，帶子！最值得一提嘅係帶子，我覺得真係好鮮甜而且唔算切得細粒，份量都幾多，以我印象中冇特別腥，特別難食，呢round嘅魚生都係正正常常！壽司🍣呢幾舊壽司裏面我最想講嘅係京蔥三文魚腩，我真係覺得佢啲京蔥好好食，而且呢度嘅壽司份量都係同出面嗌嘅一樣正常，唔係特別細，所以我覺得好抵食！壽司🍣呢啲都係壽司，有燒牛肉，火炙三文魚，芝士鰻魚等等。我最鍾意嘅係牛肉，佢真係落咗好多蒜而且燒得啱啱好入口即溶，同出面比一啲都唔輸蝕！而且火炙三文魚都係正正常常！創作卷物呢度有好幾款。可以睇得出每一舊份量都係好足！手卷估唔到呢度食放題都有手卷可以揀，我就食咗三文魚同三文魚子呢舊，另一舊應該係蟹嘅卷物！我覺得兩舊都幾靚，我估唔到有三文魚子！但佢唯一嘅缺點係紫菜唔脆！不過都係一般放題嘅缺點！串燒除咗雞軟骨串燒外，其實我仲嗌左小番薯同牛舌嘅串燒，三個都好好食，better than expected！雞軟骨真係好好食！小番薯我一共食咗成三條超級正！進擊放題：刺身呢個係貴嘅放題包嘅幾款刺身，有呢一個松葉蟹、極品拖羅嘅刺身，一上碟，就見到佢係有類似乾冰咁樣嘅酒樽保持溫度，果然係唔同啲！呢個極品拖羅真係同出面嘅一般拖羅冇分別，甚至更好，超級好食，好甘香、好鮮、好甜！我覺得如果你食呢間放題一定要升級嗌呢一個餐，因為真係超級好食！進擊放題：壽司🍣呢個係進擊放題嘅壽司，係火炙極品拖羅壽司，真係好肥美而且好好食！加上少少京蔥，燒得啱啱好而且勁多油脂，成件事係好肥美好正好配合！進擊放題：熱食呢個係進擊放題嘅一個熱食，就係一個牛扒，我唔記得係咪安格斯！我就好似冇食到但係聽講都唔錯！總括而言，我覺得呢間餐廳好值得推介！如果佢一直可以保持呢一個質素，咁樣應該會將同區嘅日式放題打低，希望佢keep住水準啦，我應該會再推介比其他人嘅！…查看更多