經典放題任食套餐 $278 ，除咗qr code 落單外，現場有炸物同涼拌自取區，下次想升級多一個grade,因為見到人地食海膽食得好開心😂
-
食放題就最驚將價就價，最驚遇到食刺身未退哂冰或者唔新鮮，但大埔滿屋絕對係高質！
刺身三文魚、油甘魚厚切，新鮮肥美，大赤蝦鮮甜大大隻，真係忍唔住enocre多次，就咁食刺身都抵🙈 拖羅蓉魚子醬帶子杯必食！
壽司方面，花之戀、劍魚腩、鹽燒左口魚壽、海膽手卷都屬於驚喜之作！ 炙燒後既左口魚入口即溶，油香洋溢，劍魚腩油脂清香，不論賣相定味道都屬於中上，放題除咗汽水/樽裝飲品外，啤酒都係任飲！
-
餐廳熟食方面都出色，鍾意食西京燒嘅朋友一定要點，黑鱈魚🐟肉質細緻，魚肉帶有淡淡白味噌甘甜味，超滑！生蠔燒後依然保留蠔汁，加上蒜香濃郁，鍾意惹味既朋友要食呢個蒜蓉燒生蠔！鮑汁燴花膠一啲都唔吝嗇，大大件花膠炆得好腍又入味！
-
最後我以冷熱榴槤及相思雙皮奶作為今餐嘅甜品，可以食榴槤嘅放題實在太幸福了！！！😀😀😀
-
1
