翡翠拉麵小籠包

喺時代同人Shopping，心血來潮想食小籠包，咁啱下午茶時間睇到翡翠門口冇乜人排隊，就選擇入黎食，點了小籠包，水煮牛肉拉麵，酸辣湯三樣野，等左十五左右野食就到齊，小籠包皮薄多汁而冇漏，酸辣湯味道夠濃，最值得讚就係水煮牛肉拉麵，湯底麻同辣都調整到好好，麵條爽口彈牙，用膳其間，會主動問我地需唔需要加茶，要唔要甜品，服務好週到，整體上都OK，唯一美中不足的，就係旁邊大陸人好嘈，下次會選擇再同朋友或屋企人過黎食…Read More

午餐lunch set都幾抵食, 又夠飽, 有個麵主食, 一個小食, 一個飲品, 仲有碟菜菜心或芥蘭, 都幾抵食,  店員有禮, 主動提供協助, 上野食時間都快, 啲野都夠熱, 我地仲叫多咗一客小籠包, 無令人失望, 多湯汁, 夾上嚟都唔易穿, 有時擺耐咗凍咗會黏住張底紙, 一夾就黏住張紙, 整穿哂, 漏哂啲汁出嚟, 今次無呢個情況, 幾好幾好店員服務幾好, 主動協助, 見到我地望到啲食具有啲啲污糟, 即刻主動話, 不如幫我地換咗佢, 唔錯, 好有心入座快, 出菜都好快, 啲野都好熱辣辣, 呢度係自助落單, 埋單都好順暢, 因為係出去櫃檯度埋嘅, …Read More

今日一家人去咗行銅鑼灣，經過時代廣場，翡翠小籠包好耐無食小朋友又鍾意食，所有決定今日lunch食呢間。好彩我哋都算早去，唔洗等位:)小龍包皮好薄，一啖一隻，湯汁爆晒出嚟，好鮮肉味鍋貼煎到個底好香脆，又係肉汁爆棚雞絲粉皮好香嘅花生醬味，粉又好滑炸銀絲卷炸到脆卜卜，點埋煉奶十分香口上海粗炒係小朋友至愛，炒得好夠鑊氣非常滿足嘅午餐，個個都食到好飽地址銅鑼灣勿地臣街1號時代廣場B2樓B221A號舖港鐵銅鑼灣站A出口…Read More

上年都係因為有商場coupon ，當時禁晚市堂食，所以餐廳為方便客人叫外賣，設計咗套餐外賣，上年食過覺得幾好食，而且用完coupon 價錢好抵，今年又有商場coupon，一於再去幫襯，今次就試吓堂食上年外賣需要排好長龍，今年只係等咗2-3張枱就入到，入到去安排咗張2人檯坐，每張枱都會有隔板，但係如果叫多幾樣嘢食已經唔夠擺侍應會比每人一杯有杯蓋蓋既茶，然後會叫你手機點餐，非常方便📱我哋就叫咗5樣野食♨️上海小籠包♨️ $52小籠包皮薄足料多汁，肉質唔會乾又實，一咬落去成口湯，好好味，可惜有一粒穿咗♨️百步香蔥油餅♨️ $42蔥油餅唔係薄身一塊塊，而係厚身一件件，上碟已經幫你切好晒一件件方便食，蒽油餅食落好鬆化，香蔥味好香，味道有啲似蘿蔔絲酥卷嘅外皮，味道同口感非常之好♨️韭王炒鱔糊♨️ $168韭王鱔糊味道非常濃郁，韭王同黃鱔煮得恰到好處，唔會煮得太淋，有口感，亦唔會太鹹，好食♨️上海排骨拉麵♨️ $85排骨拉麵排骨會另上，排骨外皮脆肉嫩，而且食得出排骨有用醃料醃過，唔會好似其他餐廳只係得表面有味，但食食吓覺得有小小鹹，不過配埋麵一齊食就啱啱好，拉麵煮得啱啱好，唔太軟唔太硬，至於湯底清甜，味道唔會太濃，表面灑上芫荽令湯底更香♨️椒麻酸菜魚♨️ $158酸菜魚裏面會有粗身既薯粉，煙煙韌韌，魚片唔係淋身既魚，皮脆肉脆，可惜已經食到有落薑，但魚片都有啲腥味個人認為味道普遍係好，但以呢個份量同服務個人覺得價錢有D高，我見大部份食客都係用coupon，如果有coupon 就一試無妨…Read More

👉每到用餐時段，門外總係企🈵️人在等外賣，乜真係咁好食咩？.📌自選小菜一人餐 $68 ～ 小籠包、回鍋肉 ~ 菜、肉份量比例適中，味道很不錯，下飯一流。但小籠包始終跟堂食🈶️啲距離！📌自選小菜一人餐 $68 ～ 雞絲粉皮、糖醋魚柳 ～ 魚柳大塊厚身啖啖肉，酸汁夠開胃。雞絲粉皮靈魂 ～ 芝麻花生醬超足料，爽口好味👍📌自選拉麵一人餐 $68 ～ 鍋貼🥟、四川擔擔拉麵 ～ 擔擔麵湯汁好香花生🥜味，少少辣🌶，麵底好大份，叮返熱食超正。鍋貼仲keep到脆邊，小心啲汁從嘴邊滲出⋯🤤👉$68自選組合真係幾抵食，又好味😋，難怪晚晚排晒長龍 ～ 下次記得預早落定order到取！…Read More

剛好好在行快一步，拿了最後一張枱，否則便要等。首先我最欣賞這餐廳的是服務員的態度和醒目程度，以下有兩件具體事情讓我有這種感覺。韭黃炒鱔糊 $108 超細碟，一上看到便忍不住叫個服務員問清楚這碟只有一個普通女士 (大概5呎3吋左右) 的手掌大小扁平一小碟又不滿的是否就是$108的鱔糊，服務員問清楚後我們忍不住再問究竟這碟有幾多鱔魚肉，這服務員很好真去櫥房問清楚，再回來時回答說是5両肉。同時如果我們覺得不滿的話可以取消，我們完全未掂過碟餸，一啖都無食過，又真係太過細碟，既然服務員說可以取消，我們不好意思也決定取消了，寧願改叫別的，最多之後埋單俾番多少少貼士。這是我第一樣欣賞的，服務員不厭其煩解答我們問題，還醒目地估到我們覺得貨不對辦而主動說我們可取消，好多謝餐廳的理解和大方，亦多謝服務員的體貼。🙏💖 此碟因沒有食，不能評味道。第二件事我讚的是埋單時，另一服務員主動問我們是否有滙豐信用卡，可享有九折，我們本來完全不知有這優惠，經她提醒我們慳了10%，我之後想問那服務員的名字多謝她，她謙虛說是她是兼職的，是應份不用多謝，我藉此多謝那位年輕戴眼鏡的女服務員🙏💖醉雞 $80 👍😋 🥇這個是全晚之冠🥇🏆，我最讚賞的一味，我是個滴酒不沾的人，就是不懂欣賞任何帶酒的味道，有酒味的飲品和食物一向都不太喜歡，而這味醉雞有輕微香醇酒味，雞肉好嫩滑又不會覺得雞肉不夠熟。本來還跟朋友說我只要一小件試下味便算，結果食了一啖便說要夾多幾件😅，難得喜歡覺得咁美味😋山東手抓餅 $35 😊🥈推介，全個晚餐排🥈第二讚，鬆化脆口😊喜歡飽點的朋友相信會喜歡這個。擔擔麵 (三角拉麵) $63 🥉😊是我全晚喜歡度排第3️⃣🥉，這味叫做招牌擔擔麵，相信叫得招牌都有番咁上下。原來有三種手工拉麵選擇，二細拉麵 (標準)、三角拉麵、龍鬚拉麵 (最幼)，我們要了三角拉麵試下。湯味濃而不鹹，有點辣，麵也略彈牙，不愧為招牌。讚😋百頁結烤肉 $92 😊是我全晚喜歡之選排第4️⃣，百頁夠入味，烤肉不算太肥。上海小籠包 (4個) $42 😊一般應有的水準，食時記得涼一陣，小心包內湯汁爆出，而且條脷燙親之後成餐食乜味都無晒。素炒年糕 $90 🆗鮮肉窩貼 (4個) $46 🆗酒釀丸子 ❌個人不推介，因沒有桂花香味，丸子口感和味道都不太理想。總體來說，味道大致良好，人多可多試幾味，這裡份量精緻 (即略為細碟)，服務則超班💖😊…Read More

又到一年一度的長輩生日飯時間。長輩是個傳統的中國人，對中國以外的菜式沒什麼好感，所以選擇其實不多，都是中式，中式和中式。於是今晚選擇這裡慶生。位於銅鑼灣的分店非常方便，地點沒難度。餐牌上的上海菜選擇多，當然，今晚我不是主角，我只是負責付款。四川口水雞 $68口水雞嫩滑，辣味刺激，而且好入味，越食越開胃。松子桂魚 $198將平時食到的蒸桂魚以另一形式呈現，色彩豐富，單是賣相已非常吸引。入口嚐到香脆外層包住魚肉，醬汁酸酸甜甜，味道討好。四川酸辣湯拉麵 $64感覺都幾大碗，酸辣湯稍稠，酸辣味適中，酸辣湯的配料多。酸辣湯配拉麵相比起淨酸辣湯感覺會冇咁寡，整體不錯。上海小籠包 $39小籠包一定是必點的食物，湯汁鮮甜，皮薄，加上適量的豬肉餡，水準之作。蘿蔔絲酥餅 $40表面鬆脆，咬開香脆外層，裡面是熱辣辣的蘿蔔蓉，非常香口的小食。薑茶湯丸 $32甜品選了最簡單的薑茶湯丸，湯丸好大粒，咬開湯丸可以見到中間大量芝麻餡。長輩對於今晚的生日飯也感滿意。相信對於一個搞手來說最開心莫過於此。…Read More

放工後相約朋友行街 shopping 兼晚飯，銅鑼灣是一個好選擇。平日三餐都多數在外吃，也想吃得健康些，見食肆標榜「健康滋味EFG」，也想試試看。甜酸青瓜簾 -- 菜名充滿文藝氣色，其實是將青瓜連皮切段、醃製後捲成一卷卷的，青瓜水份充足，有預防暗瘡的功效，而且菜式酸酸甜甜，十分醒胃。 平日吃的醃製食品，通常比較濃味，不太健康。但這個南京鹽水鴨醃製得宜，不算太鹹，既香且滑，仍能保存肉的嫩滑。粉皮嫩滑爽口，配合鮮味的雞絲及爽脆的青瓜絲，醬汁另上，濃淡度自己調教，適隨各人自己的口味。用雞絲粉皮配搭南京鹽水鴨，有肉有菜，有濃有淡，絕配。現在莧菜當造，清炒稍嫌味寡，用金銀蛋來煮，色香味俱佳。食肆名為翡翠拉麪小籠包，當然要試一試這裡的小籠包。熱乎乎的小籠包，皮薄餡嫩，蒸煮的時間恰到好處，肉汁仍然能鎖在薄薄的皮裡，加點薑絲、蘸點醋來吃，更能吃出鮮味。有肉有菜豈能無魚，這尾小黃魚嫩滑可口，肉質鮮甜，用薑蓉來蒸煮，又健康又鮮味。鯊魚骨湯珍菌拉麵味道比較清淡，但菇的鮮味突出，加入芫茜和蔥粒，更顯鮮味。朋友一向吃得較清淡，所以十分喜歡這個拉麪。若嫌味道較淡，可以加入少許辣椒醬，味道會變得濃郁多了。我要了一客酒釀丸子，吃得差不多了，當然是甜品時間，我要了一客酒釀丸子，朋友要了一客薑茶湯丸，芝麻湯丸香甜，薑茶薑味濃郁突出，吃進喉嚨裡，十分滋潤和舒服。這一頓晚餐，充分感受食肆對食物的誠意，用料新鮮、健康烹調(少糖、少油又少鹽)，菜單上不乏既美味又健康的餐點讓素食者和注重健康人士選擇。而且食物新鮮即製，難怪品牌能夠連續七年獲得港澳米芝蓮美食指南的美食推介。…Read More

每次到訪翡翠拉麵小籠包，大多會點選兩款美食，其一是清燉雞湯拉麵，其二是上海小籠包。清燉雞湯拉麵之所以美味，全因燉湯夠火喉，雞件連雞骨皆煮透至可吃。曾經有段時間水準見退步，但現在看來水準已回復。拉麵仍舊煙韌見口感。 上海小籠包皮薄多汁，肉嫩可口！ …Read More

今日游水日，一落堂三隻馬騮已經講要食嘢！本來想食壽司（永遠唔厭嘅壽司）可惜好多人排隊，轉陣去食旁邊上海菜！唔使等位，即入靠牆六人枱！地方闊落！餐具乾淨企理！好簡單叫五個菜！食物好快就上！嫩雞煨麵：麵完全夾唔起，淥過晒火位，淋到只可以用湯匙食！小棠菜及雞肉碎無味！湯又無味！好像淥完放好耐，索晒湯先比我食咁！差！ 乾煸四季豆：乾身入味，唔會好油，配咸肉碎好味！清晒！上海小籠包：一籠四隻，一夾起就穿窿漏晒啲湯，差！一間以小籠包為名嘅餐廳，唔合格！個皮有煙韌感覺，湯汁又多，肉又唔嚡！味道其實唔錯，可惜穿皮！鯊魚骨湯珍菌拉麵：麵餅要剪斷有何原因？麵粗身有咬口，雜菌新鮮煙韌，但個湯唔夠味道，連魚味都無！只是白色水，淨飲都唔夠味！差！紅油抄手：雲吞皮薄餡多，不過好像淥過火，皮一夾起就爛，紅油汁唔算好辣但好嗆喉！會攻到咳！味道一般！食物真係一般，店員服務勤快，其中一個女店員可能見我三隻馬騮，都好好笑容傾下偈！餐廳其實好坐，如果食物正常真係唔介意再來！…Read More

是日跟同事來午餐, time square這間是我第一次來幫襯, 排隊還是需要點時間, 不過中午來說是算快了四川擔擔拉麵: 水準依舊, 花生, 芝麻, 蔥花等撈得恰到好處, 辣味唔會搶到其他味, 正是翡翠擔擔麵取勝之道, 個人喜歡果一少蔥花, 絕對係令到碗麵更上一層樓既原因在玻璃看到師傅即場拉麵 (雖然未必係我地果碗 ), 對遊客而言是非常吸引的一環鎮江肴肉: 肴肉紋理清晰, 雪到水晶一樣既膠質正是精粹所在, 肉質則似金華火腿, 當然味道不同了, 個人喜歡唔點醋食, 咁先食到原味雪菜咸肉炒年糕: 年糕大少適中, 亦唔會太硬, 雪菜切到好細粒, 要一讚既係雪菜大部份係'桿"而唔係"葉", 我食雪菜一向喜歡'桿"多於葉, 因為有咬口又脆, 試過其他地方炒出黎既雪菜葉部份很多, 夾起上黎唔方便之餘亦feel唔到食緊雪菜咸肉味適中但唔太咸, 最重要係雪菜+咸菜本身都係咸的, 如果味道控制得唔好, 成碟都會只得個咸字 (我真係試過), 呢度就無呢個問題了上海小籠包: 每次來翡翠, 我最期待的都是小籠包這裡賣相沒其他分店好, 功夫亦差了點, 皮是很薄的, 還能見到內裡的湯, 可惜肉汁不是十分豐富, 而且雖然我的沒穿, 但同事功力不足的卻穿了, 湯汁就這樣流失了... (阿彌陀佛~)糖醋魚柳: 魚塊的炸粉不厚, 吃一舊能清楚吃到魚塊, 顏色很紅 (色素!?), 不過調味很好, 我地無叫飯仍然覺得好味不會太酸, 當然有碗會更好吃, 試過食松子魚或其他地方的糖醋魚柳, 汁過酸, 基本上是一定要送飯的, 這裡的調味就剛好了煎鮮肉鍋貼: 真正做到外脆內嫩, 底煎的香, 咬開中間肉餡剛熟還有肉汁, 皮薄, 肉汁岩岩滲入少許內皮, 是水準之作不知是否這間歷史較長, 我地坐既梳化椅是有點爛的, 希望負責人看到這食評會修補一下吧十隻手指有長短, 雖然這間翡翠也不差, 今日所叫餸菜都是保持水準的, 但一定不是最好的, 我試過的沙田翡翠已經俾呢間好了吃完之後, 如果能去後面的GODIVA, 再嘆一杯chocolixir就perfect了 …Read More

1) 雞絲粉皮味道還可以..花生醬味道都岩岩好...不過花生醬可以多少少會更好..5/102) 花雕醉雞花雕酒味同雞味岩岩好...雞肉算滑...入口幾香...不過如果多人去一碟一定唔夠... 因為份量幾少下..6/103) 上海炒年糕味道咸左D..炒既鍋氣都唔係好夠...4/104) 紅油抄手辣味同雲吞完全起唔到化學作用..D味係辣味還辣味, 雲吞味還雲吞味...而且又唔夠辣...好似去十蚊麵食淨雲吞加辣椒油咁...我想講"紅油抄手係用水餃, 唔係用雲吞!!! 而且一定唔係用港式水餃/雲吞!!!!!!"係一道無左靈魂的食物...0.5/105) 茶香燻乳鴒 (中招之選)完完全全冇茶香...冇左茶香味... 味道又淡..係一道中招之選唯一可耶之處係乳鴒肉算幾滑1/106) 四川擔擔拉麵大大碗麵.. 好普通既一碗麵...不過味道咸左D..4/107) 水煮牛肉拉麵又係大大碗麵..味道唔錯..辣度可以自己選...食"水煮"辣度一定要夠辣先好食...牛肉算既嫩滑..6.5/108) 炸醬拉麵大大碗麵..味道係好咸..2/109) 菜肉雲吞味道幾好..菜肉味唔錯...食完粒想再食多粒不過得6粒... 我們8人去.. 唔夠食..6/1010) 上海小籠包皮薄.. 入口熔化肉汁味好鮮明.. D料幾多.. 好有口感...唯一敗北... 小籠包係放係菜上... 夾既時候太易穿.. 要小心夾7/1011) 回鍋肉拚燒餅回鍋肉+菜+燒餅入口既口感同味道都幾好...唯一唔好既係咸左少少..不過會食完再想食....5.5/1012) 賽旁蟹賽旁蟹係蛋白+蛋黃+蟹肉...不過入口就只有蛋白蛋黃味...蟹肉味係完全冇...2/1013) 奶油津白味道好好 菜同奶油味配合好... 無搶味..入口香滑而唔會"留" 7/1014) 豆沙鍋餅上枱時唔會太油... 豆沙又唔會太甜或者太淡..幾好幾好...不過就係唔夠熱...5/10…Read More