 | Simply Nutrition 營養師陳小艷（Sharon），香港大學食物及營養學畢業，並取得社區營養深造證書，曾於不同機構分享營養知識。fb專頁: nutritionsharing |
錯誤一：一次買過多蔬菜
買返嚟嘅蔬菜儲存時間越長，營養流失就越多。有研究發現，將菠菜放喺雪櫃保存約一星期後，菜中有一半嘅葉酸及四成嘅葉黃素會自然流失。所以，每次購買蔬菜够即日食就OK，唔好過多哦！
錯誤二：浸洗蔬菜時間過長
將菜浸喺水中時間過長(例如達2小時以上），會令蔬菜中嘅水溶性纖維、維他命C、鉀質等營養素流失。
錯誤三：烹煮過久
烹調時間過長，會令蔬菜中嘅維他命流失。以維他命C為例，喺烹調嘅過程中，溫度升至70度時，維他命C就立即流失。
錯誤四：水果切塊冷藏後再食
將水果先切好、放入雪櫃冷藏，等到水果變凍啲再攞出嚟食，有人會覺得好味啲，但其實咁樣做，水果入面嘅抗氧化營養素、維他命C等會因爲果肉外露而接觸到空氣，加速氧化，令營養素流失。
錯誤五：蔬果切得過於小塊
無論係切蔬菜抑或水果，如果切得越細塊，代表切割面越大，接觸空氣嘅機會越多，更容易令營養素流失得快啲。
錯誤六：用透明容器裝牛奶
牛奶富含維他命B2，攝入一定量嘅維他命B2有助維護皮膚健康、減輕眼睛疲勞。不過，呢種維他命容易同光產生反應。因此，當用透明容器裝牛奶時，牛奶中嘅維他命B2就會同光線接觸到，从而受到破壞，降低其營養值。
Click入我嘅fb專頁，更多營養瘦身資訊等住你！ ！
※上述內容純屬作者個人意見，不代表本網立場。※