出街食飯去熱門餐廳去得多，不妨試吓小眾或較有地區性嘅餐廳～今期介紹呢幾間店有埋OpenRice訂座優惠，咁就試得更加開心啦！
原圖：小店格調餐館，幾啱一班人嚟叫多幾款菜開心share～主打傳統江南美食，特別專注江蘇同浙江菜，例如南京醬鴨、鮮肉小籠包、杭州東坡肉配蝴蝶包等等。
Hungry Eye Restaurant & Bar 全單85折 
原圖：Tunlamk、ticketpluss
異國風酒吧餐廳～呢間店以印度菜、尼泊爾菜為主，可以試到異國口味嘅薄餅、咖喱、串燒、Momo、火焰烤肉等，幾啱鍾意試小眾口味，又未可以去當地親身一試嘅朋友仔。
十二味熱辣火鍋莊 平日主菜單正價7折 / 週末主菜單正價8折
原圖：eatwithsirui
鍾意川辣口味嘅你，一定要bookmark呢間餐廳，事關星期一至日都有優惠，可以抵啲咁食酸菜魚、水煮魚黑豆花、泡椒牛肉、火鍋等香噴噴菜式！
原圖：lancerevoiii
鮮味火鍋梗係以海鮮做主角最正！呢間主題火鍋店供應鮮蟹、海蝦、龍躉肉、花甲皇等鮮甜食材，而訂座優惠涵蓋火鍋、小菜、小食同埋酒水，保證盡興～
原圖：專營精緻日式傳統割烹、壽喜燒同埋天婦羅嘅專門店，木系裝潢加上席前座位，係滿滿嘅日式氛圍呀，啱晒掛住家鄉嘅朋友仔！餐廳主張不時不食，菜單隨時更新，無論午餐或晚餐都帶嚟驚喜。
圖：V Chan
呢間優雅風西式小餐酒館，Menu設計多元化，包括薄餅、意粉、串燒等，甜品亦相當足料，例如菲律賓冷甜點「Buko Halo -Halo」將雪糕、鮮果等材料填滿椰青！而飲品種類都好豐富，連奶蓋珍珠奶茶同益力多系列都可以喺度揾到。
Bagaicha Restaurant & Bar 全單9折
主打印度菜同尼泊爾菜嘅小眾餐廳，選擇輕食或肉類料理醫肚都一樣令人滿足～好似尼泊爾餃子Momo就有9款口味，包括雞肉、豬肉、素菜等。如果鍾意濃味啲，辣味炸奶酪、羊肉Masala咖喱都係唔錯嘅選擇。
會飲返杯chill吓嘅朋友mark實呢間酒吧啦～裝潢糅合復古同現代格調，有點慢悠悠嘅感覺，令人好relax。佢哋嘅創意雞尾酒夠晒IG-able，例如會串起熊仔軟糖作點綴，而「432Hz」則充滿烤椰子嘅清甜味道，皆因調酒師想客人好似置身海灘渡假咁。
圖：供應多國菜嘅西餐廳，無論經典或Fusion菜式都分量十足，其中吉列炸蠔雜菜沙律嘅炸蠔大隻飽滿；燒牛肉車打芝士漢堡包則肉香惹味。餐廳樓底幾高，加埋木、仿綠植裝飾等設計，環境輕鬆舒適。
圖：游水海鮮必定有返咁上下價位，而呢間海鮮中菜館指定時段有折扣優惠啊～店內有魚缸供應活海鮮，上湯焗龍蝦伊麵、椒鹽南非七頭鮑魚、蒜蓉粉絲蒸元貝皇等等一應俱全，一大班friend聚餐最啱食！
文：Cathy
