唐吉柯德

Open Now

Now Closed

上次去澳門已經食過呢間好有特色嘅餐廳，朋友喜歡佢有set lunch ，幾好食而且又唔貴。因為唔太清楚佢幾時有set食，今次我哋再黎到澳門，決定有set lunch 食就入去。咁啱有set lunch 同上次個餐牌又一樣，咁我哋就入去食lu。我哋揀左低溫慢煮裏脊肉排配煎蛋薯條同墨汁海鮮天使麵。首先黎到就係蔬菜湯，佢係西式嘅做法，蔬菜攪碎煮，飲落好creamy。蒜蓉包亦好好味，一睇就知蒜蓉味濃，包亦好脆。低溫慢煮裏脊肉排配煎蛋薯條見細細舊驚唔夠飽，點知又幾ok。肉排我哋揀左medium ，唔知係咪太熟？所以有啲un 。墨汁海鮮天使麵同上次一樣好食，海鮮份量多，天使麵好幼，好食！最後有個少少嘅奶凍作結，作為呢餐完美作結。澳門有set嘅餐廳唔多，而佢哋每個set都唔過百，真係好扺。