唐吉柯德

Open Now

Now Closed

清明節通常都唔會去拜山，費事同人迫。我反而去咗澳門搵朋友等，澳門朋友帶我去食葡國菜。呢個朋友成日去食好嘢，今次佢就帶我去「唐吉柯德🇪🇸🇵🇹」，佢話呢間係澳門現時唯一一間同時提供正宗西班牙菜與地道葡葡牙菜嘅餐廳，今次我地一行三人嚟食！《 西班牙海鮮墨汁天使面 》超大盆，汁量十足，好多墨魚，腍身唔韌！個汁幾香，唔會偏鹹，天使麵都好掛汁。呢個份量真係夠三至四人食。《 ⼤蒜油煎蝦 》啲肉厚而且好爽脆鮮甜，加上蒜油同埋炸蒜，多重蒜香滋味！《 烤春雞 》看似普通，但係烤得皮脆肉嫩，加上佢嘅葡式醬汁特別惹味。《 巧克⼒蛋糕 》口感好Rich，好香濃朱古力味，呢一個葡式晚餐真係十分滿足！好期待澳門朋友下次再帶我食葡國餐！