上海維記

Open Now

Now Closed

細個時因為有親戚住喺大角嘴附近，都經常過去探D親戚，記得埃華街有好多大X樓的存在。唔知幾時開始埃華街變成美食街，當然宜家亦有啲吉舖，希望市道快啲好轉，人人有工開，處處有舖開，咁就最開心喇。呢日經過埃華街，見到間舖有鱔糊食，不理三七廿一，即刻入咗去，點解咁心急，事關以前食開的上海舖已close，咁宜家就周圍搵鋪頭來代替，午餐有lunch set，當然點至愛的“銀芽炒鳝糊客飯”，跟有豆槳或酸梅湯，而朋友鍾意醉雞，於是點咗“花雕醉雞”餐，跟餐加20蚊可以有一個小食，total嗌咗两様，就係“涼拌海蜇”和“紅油抄手”。話說鱔糊真係冇令我失望，炒得好香好有水準，黃鱔條新鮮彈牙，有啲店铺今配菜係韭黃，有啲就係芽菜，而我哋今次的配菜係芽菜，爽脆芽菜配彈牙的黄鱔再加埋個醬汁，非常完美；醉雞酒味濃，雞肉滑嫩好好味；海蜇係大大的，粗條的，有海蜇頭的美味彈牙，而紅油抄手個醬汁也很出色，様様都唔錯，值得下次再來。