Video
Read full review
2025-04-15
36 views
繼續OT，今次放得仲夜，喺屋企附近食好了。呢間喺將軍澳嘅Owens，我差唔多一個星期就食一次。無他，輕輕鬆鬆，又唔貴，又好食嘅Cafe，其實唔易搵。而Owens做得最好嘅，係佢個Menu簡單易明，一定唔會搞到好貴。一人set，百零蚊又得，二人set，$400就得，簡簡單單。今晚就食二人餐，本身已經包湯或沙律，再包飲品，再包甜品 (croffle雪糕)，本身已經好抵。前菜方面，我哋揀蒜蓉芝士焗生蠔，共四隻，嚟到已經好香，食落亦好夠味道，生蠔唔會焗到乾咗，高質。意粉我哋揀咗龍蝦汁虎蝦闊條麵。虎蝦夠大隻，龍蝦汁夠味，其實已經搞掂。另外意粉亦加咗好多三色椒同蒜蓉，可以話係非常豐富了。主菜有美國安格斯肉眼牛扒。切開就係粉紅色，成熟到冇問題，牛扒亦意外地有啲牛味。我覺得如果質感再鮮嫩啲就好啦。另外，配菜水準亦唔錯。我哋另外加咗38要一個意式白酒煮蜆。所謂意式就係用咗好多三色椒，煮蜆型大隻新鮮，最重要係冇沙。唔係，最重係夠平，$38有個dish，仲想點？本身包咗甜品，就係croffle雪糕。水準唔錯，有足夠嘅牛油同香味。但更好食嘅係upgrade了甜品嘅朱古力心太軟。份量的骰嘅心太軟，食落去朱古力味
呢間喺將軍澳嘅Owens，我差唔多一個星期就食一次。無他，輕輕鬆鬆，又唔貴，又好食嘅Cafe，其實唔易搵。而Owens做得最好嘅，係佢個Menu簡單易明，一定唔會搞到好貴。一人set，百零蚊又得，二人set，$400就得，簡簡單單。
今晚就食二人餐，本身已經包湯或沙律，再包飲品，再包甜品 (croffle雪糕)，本身已經好抵。
前菜方面，我哋揀蒜蓉芝士焗生蠔，共四隻，嚟到已經好香，食落亦好夠味道，生蠔唔會焗到乾咗，高質。
意粉我哋揀咗龍蝦汁虎蝦闊條麵。虎蝦夠大隻，龍蝦汁夠味，其實已經搞掂。另外意粉亦加咗好多三色椒同蒜蓉，可以話係非常豐富了。
主菜有美國安格斯肉眼牛扒。切開就係粉紅色，成熟到冇問題，牛扒亦意外地有啲牛味。我覺得如果質感再鮮嫩啲就好啦。另外，配菜水準亦唔錯。
我哋另外加咗38要一個意式白酒煮蜆。所謂意式就係用咗好多三色椒，煮蜆型大隻新鮮，最重要係冇沙。唔係，最重係夠平，$38有個dish，仲想點？
本身包咗甜品，就係croffle雪糕。水準唔錯，有足夠嘅牛油同香味。但更好食嘅係upgrade了甜品嘅朱古力心太軟。份量的骰嘅心太軟，食落去朱古力味夠濃之餘唔會苦，有少少甜，明顯會流心。
好啦，都唔使講太多，基本上我得閒就會去幫襯😆。
Post
