Video
Read full review
2025-04-04
179 views
想嘆高質法國私房菜，呢個係一個好好嘅選擇🩷 餐廳好適合慶祝🍾呢間法國私房菜，又巧妙咁融入咗峇里島嘅熱帶風情，餐點全部有心思。首先上嘅Amuse Bouche，芋片酥脆。而三文魚等配菜打碎後配同脆餅，用左South east element 酸酸地好開胃。之後就有自家製嘅麵包🥖，熱辣辣又好香。湯我地揀咗龍蝦湯🦞及蕃茄薄荷湯🍅各一。Lobster Bisque通常都會用法式忌廉烹調，但餐廳就改用椰子奶，突出咗龍蝦本身鮮甜嘅味道。另一款Tomato Mint Soup就好清新怡人，蕃茄味香濃。我地加咗日本蘭王蛋意粉share🍝牛油果就增添咗意粉滑順嘅口感，搭配住各式新鮮嘅蘑菇，令整個菜式變得更加豐富立體。主菜36小時慢煮嘅Duck Leg Confit更係必試👍🏻 慢煮後鴨肉脂肪溶解，所以食落唔會油膩，而且肉質好腍。另一道主菜係煙燻阿根廷黑安格斯牛里脊，牛肉嫩滑juicy ，加埋煙燻香味，搭配特色醬汁，真係出色。而奶浸紅鯛魚，魚肉鮮嫩，再配上餐廳自家製嘅照燒醬汁，好正！講到甜品，大廚會表演即場整嘅Banana Roti。另外Carrot Cake With Mixed Berries Sor
想嘆高質法國私房菜，呢個係一個好好嘅選擇🩷 餐廳好適合慶祝🍾
呢間法國私房菜，又巧妙咁融入咗峇里島嘅熱帶風情，餐點全部有心思。
首先上嘅Amuse Bouche，芋片酥脆。
而三文魚等配菜打碎後配同脆餅，用左South east element 酸酸地好開胃。
之後就有自家製嘅麵包🥖，熱辣辣又好香。
湯我地揀咗龍蝦湯🦞及蕃茄薄荷湯🍅各一。Lobster Bisque通常都會用法式忌廉烹調，但餐廳就改用椰子奶，突出咗龍蝦本身鮮甜嘅味道。
另一款Tomato Mint Soup就好清新怡人，蕃茄味香濃。
我地加咗日本蘭王蛋意粉share🍝牛油果就增添咗意粉滑順嘅口感，搭配住各式新鮮嘅蘑菇，令整個菜式變得更加豐富立體。
主菜36小時慢煮嘅Duck Leg Confit更係必試👍🏻 慢煮後鴨肉脂肪溶解，所以食落唔會油膩，而且肉質好腍。
另一道主菜係煙燻阿根廷黑安格斯牛里脊，牛肉嫩滑juicy ，加埋煙燻香味，搭配特色醬汁，真係出色。
而奶浸紅鯛魚，魚肉鮮嫩，再配上餐廳自家製嘅照燒醬汁，好正！
講到甜品，大廚會表演即場整嘅Banana Roti。另外Carrot Cake With Mixed Berries Sorbet就以清新嘅雪芭，完美中和咗蛋糕嘅甜度。如果有慶祝字句，可以預先話俾餐廳知就會有好靚嘅手繪甜品🩷
呢間餐廳嘅每一道菜式都好有特色。從開胃前菜到主菜再到甜品，全都展現咗無比出色嘅烹飪技藝同創意，完美融合咗法式精髓同峇里島風情，絕對係一次難忘嘅奢華用餐體驗！
Post
