大紅袍火鍋料理

Open Now

Now Closed

天氣涼涼哋最岩就係打邊爐，揀左一間環境勁靚嘅中國風火鍋店，裝潢以古色古香的中式元素為主，每個細節都充滿雅致。湯底：五指毛桃椰子雞湯限時推出新湯底，加入2個原個椰子水，仲有半隻雞，雞肉滑嫩，帶著淡淡嘅椰子香氣，仲五指毛桃草本香，打邊爐之前飲番啖湯潤一潤。頂級安格斯牛頸脊油花分布均勻，涮到大概六七秒就食得，牛肉口感嫩滑，肉汁慢慢滲出，特別係浸過椰子雞湯嘅牛肉，有一層湯底自然清香。南非鮑魚南非鮑魚好新鮮，入口溫潤嫩滑，入口中段有彈韌感，帶著濃厚的鮮味。黑松露肉蟹餃火鍋店招牌餃，餃子皮薄，內餡蟹肉份量多，味道鮮甜，黑松露香味十足，必點之選。鬼馬蝦膠好有創意，將蝦滑釀係油炸鬼，蝦肉嫩滑彈牙，油炸鬼脆脆地，好特別嘅配搭。鯪魚豆卜豆卜炸得酥脆，釀左手打鯪魚肉，口感細緻。