漢發麵家 (大南街)

呢間漢發麵家有好多明星食過，佢坐落係有大量文青cafe既大南街中，感覺好似格格不入，但係次次經過總係會見到好多捧場客，出面好多人等緊位。最多人推薦既一定係佢既豬潤麵，另外西多士都好多人話好食～今次就試曬兩樣最出名既野食😋
1⃣️豬潤米粉（$46）  

豬潤米粉

呢度既明星產品🤩豬潤每一塊都好厚身，厚得黎一啲都唔會鞋口，食落係爽口唔腥，好正～唔怪之得咁多人推薦。  
2⃣️豬扒出前一丁（$48）
呢個係我預料以外既好食😳豬扒好厚肉，而且好大塊！食落啖啖肉既感覺好正～肉質一啲都唔韌唔乾，都真係幾高質！除左豬潤麵之外都可以黎試下呢度既豬扒。  
3⃣️法蘭西多士（配煉奶）（$40）

法蘭西多士

 個樣好特別，同平時食開既西多士唔同，佢係圓圓地既，而且好高食落好鬆軟，蛋香味都足夠🤤佢面頭有一大塊溶緊既牛油加埋煉奶，入面夾層係花生醬，完全係超級邪惡既組合，但係又真係好吸引😍黎到一定要食埋呢個西多！