Video
Read full review
2024-05-11
72 views
近排好興北上搵食，但其實一來一回交通費同時間成本都幾高，發現呢間農耕記係由大陸開到香港嘅湖南菜，唔使北上都有湘菜食啦乾鍋酸菜肥腸 $128本人好鍾意食豬大腸，呢度上菜嘅時候會有個爐keep住加熱，唔使驚凍咗唔好食👍🏻肥腸洗得好乾淨，一啲異味都冇，份量亦好多，食極逗仲有，口感q彈😋😋酸辣雞雜 $68同朋友認為係全場最抵食，有一大兜，雞雜切碎之後炒得好入味，可以揀辣度，我地揀左加辣嘅辣度好夠，我食得辣都覺得幾辣下🤣但都忍唔住一啖接一啖咁食，同朋友認為呢個係全場最好食嘅😋😋鄉里蒸扣肉 $98大量梅菜加八大片扣肉，抵食，扣肉肥瘦相間，入口軟嫩，送飯一流，不過對我黎講就略鹹鹹蛋黃燒麥 $39唔知大家有冇試過大陸嘅燒麥，係糯米餡嘅，所以食落好飽肚🤣而呢個加左鹹蛋黃，加埋糯米好似食緊粽咁，幾得意，味道唔會太鹹，值得一試手工艾草粑粑 $36有三大舊，望落好似茶果，但原來係冇餡嘅，上菜嘅時候會比埋糖點黎食，口感好特別，入口微微嘅艾草味，艾草味掌握得好好，唔會太過火搞到似食草咁🤣最後想提嘅係我地食到最尾有店員逐檯問我地嘅用餐體驗，而且好仔細mark低每個客比嘅建議，feel到佢地真係想用心做好每道菜，齋係
乾鍋酸菜肥腸 $128
本人好鍾意食豬大腸，呢度上菜嘅時候會有個爐keep住加熱，唔使驚凍咗唔好食👍🏻肥腸洗得好乾淨，一啲異味都冇，份量亦好多，食極逗仲有，口感q彈😋😋
酸辣雞雜 $68
同朋友認為係全場最抵食，有一大兜，雞雜切碎之後炒得好入味，可以揀辣度，我地揀左加辣嘅辣度好夠，我食得辣都覺得幾辣下🤣但都忍唔住一啖接一啖咁食，同朋友認為呢個係全場最好食嘅😋😋
鄉里蒸扣肉 $98大量梅菜加八大片扣肉，抵食，扣肉肥瘦相間，入口軟嫩，送飯一流，不過對我黎講就略鹹
鹹蛋黃燒麥 $39
唔知大家有冇試過大陸嘅燒麥，係糯米餡嘅，所以食落好飽肚🤣而呢個加左鹹蛋黃，加埋糯米好似食緊粽咁，幾得意，味道唔會太鹹，值得一試
手工艾草粑粑 $36
有三大舊，望落好似茶果，但原來係冇餡嘅，上菜嘅時候會比埋糖點黎食，口感好特別，入口微微嘅艾草味，艾草味掌握得好好，唔會太過火搞到似食草咁🤣
最後想提嘅係我地食到最尾有店員逐檯問我地嘅用餐體驗，而且好仔細mark低每個客比嘅建議，feel到佢地真係想用心做好每道菜，齋係呢點就好多餐廳比唔上🙏🏻
Post
