豐信餃子店

Open Now

Now Closed

平時屋企都會包餃子食，不過最近返工太忙都好少落廚呢～今次嚟到朋友介紹嘅餃子店，雖然舖頭細細，入面嘅位置唔多，但係就有唔同口味餃子選擇。小食我哋叫咗一份涼拌海蜇，清爽可口，好入味呢～餃子我哋叫咗兩份七隻嘅雙拼，可以一次過食曬四種唔同味道呀！四種餃子入面，最鍾意芝士粟米鮮肉餃，襯熱食少少拉絲感，芝士控一定要食呀～而紫甘藍粟米鮮肉餃，味道清甜，仲好爽脆呢～素餃嘅口感和味道都好豐富架，材料就有雲耳、雪耳同冬菇。最後嘅椰菜鮮肉餃，就有菜又有肉，同素餃一樣夠曬健康，煎埋嚟食yumyum～呢度嘅餃子皮薄餡靚，粒粒都真材實料漲卜卜架，而且仲好有住家嘅感覺而飲品價錢都好抵，有豆漿、菊花蜜、甘草茶等，仲有紙包飲品同汽水，我哋今次就飲柑桔蜜同菊花蜜呢～ 如果過嚟食嘅話，記得要預多少少時間等位呀～