三五碗車仔麵

Open Now

Now Closed

好耐無食車仔麵啦，今日咁啱行開長沙灣買嘢見到有間三五碗車仔麵，個名幾得意，就被佢吸引咗。 呢度除咗有車仔麵食之外，仲有串燒同雞煲火鍋。今次就試咗佢嘅車仔麵同串燒先。 車仔麵最基本就兩餸麵$36，三餸麵$42，淨餸三款$38，其後每加一個餸就加$9 起。我今次揀咗個三餸麵，清雞湯底，餸方面就揀咗豬軟骨、牛腩、墨魚丸，豬軟骨同牛腩都好入味，而且夠稔，墨魚丸有墨魚粒，夠彈牙，另外啲米線出奇地煙韌，食落彈牙有嚼勁，口感非常好。 老公就揀咗個幼麵配豬紅、雞翼、蝦卷，拼個腩汁。豬紅好滑，雞翼入味，蝦卷香脆，蝦肉都算彈牙。 燒雞軟骨：食落爽口又有嚼勁。 燒雞皮：整到好脆口。 燒五花腩串：五花肉同脂肪比例恰到好處，油脂香氣十足，油脂入口仲保留住脂肪融化口中的香味，肉質柔嫩多汁，肉味濃郁美味。 燒蒜蓉粉絲扇貝：扇貝都新鮮，最緊要夠晒多蒜蓉先好味，加埋少少辣椒粉，味道好香。