Layback Cafe & Bar

Open Now

Now Closed

銅鑼灣復古咖啡店，晚上原來仲有靚靚雞尾酒，可以放心落單，因為每一杯都好靚！餐廳擺放咗好多經典唱片用嚟打卡就岩，職員好有禮貌🤩原條龍蝦窩夫伴芒果不得不讚嘆佢哋超大條原條龍蝦尾，上面鋪滿滿滿嘅三文魚子，每一粒都飽滿鮮甜，咬開個龍蝦味係非常之彈牙啖啖肉，窩夫整得乾身外層脆，配上鮮芒果肉、蜜糖輕輕點綴已經好好食！韓辣雞卡邦尼配五花肉❤️真係超級好食，一嚟熱辣辣上到枱已經好吸引，手工意粉用上幾款蛋製作夠彈牙，新鮮雞蛋同香辣泡菜忌廉汁混合後更加香滑，泡菜同五花肉配搭一流，香辣感十足！丹麥藍芝士布里芝士拼盤芝士鬼最愛，Brie Cheese同Blue Cheese風味不同，blue cheese味道極濃配無花果、橄欖餅乾後層次豐富。紫薯麻糬巴斯克蛋糕麻糬會係好一大片鬆軟嘅感覺，口感濕潤，紫薯比都幾出，忌廉芝士味道就淡啲。開心果奶蓋椰子水龍井椰子水同茶底夠清，平衝返濃濃嘅開心果奶蓋，混和後不會太甜，保留香濃開心果香。Kyoto obession綠茶底cocktail ，超靚易入口。