陳儀興飯店 (嘉悅)

Open Now

Now Closed

💡陳儀興飯店 x 老夫子潮州菜好耐都無食，今次經過將軍澳分店見到有期間限定與老夫子crossover，門口仲有好多打卡位同老夫子推介菜式，見到咁有睇頭，即刻去試下先。🥩蜜椒蕃薯牛柳粒牛柳粒外焦內嫩，裹上秘製蜜糖黑椒醬，甜辣交織超惹味！而且牛肉粒大粒得黎肉味香濃😋蕃薯炸至外脆內綿，仲有脆口燈籠椒，口感豐富。🐟 鹹魚蒸馬友 選用新鮮馬友，鋪滿自製鹹魚醬蒸製，魚肉肉質細膩，鹹魚香氣濃郁卻不死鹹，搭配薑絲和陳皮絲提鮮，簡簡單單清蒸已經好入味。🌿鹹魚肉絲韮菜花 鑊氣十足的經典小炒！選用馬友鹹魚手撕成絲，搭配嫩滑豬肉絲和爽脆韮菜花快炒。鹹魚的鹹香滲透每條肉絲，韮菜花保持翠綠爽口，最驚喜是加入炸香的銀魚仔增加層次感✨ 🌶️豉椒炒黃鱔 用豉椒爆炒至邊緣微捲，鱔肉彈牙得來帶膠質，豆豉和青紅椒的令到味道更加惹味🔥