劉興記生煎包專門店

Open Now

Now Closed

蔥油雞扒菜飯加生煎包套餐。嗰個蔥油雞扒菜飯，雞扒煎得金黃香脆，咬落去肉汁都爆曬出嚟！蔥油香同菜飯嘅米香完美融合，每啖都好滿足。再配埋嗰隻生煎包，皮脆肉多汁，咬開嗰下，肉汁在嘴裡biu出嚟，正到冇朋友！另外又試咗麻醬手撕雞絲粉皮配生煎包。粉皮好滑溜，手撕雞絲好入味，麻醬香濃，一撈起嚟，香氣直鑽鼻竇。再咬一口生煎包，呢個搭配真係好有新意又好食到痹！一定要講下佢哋嘅蟹黃生煎包，一咬落去，蟹黃嘅鮮甜同肉餡嘅香濃一齊湧出嚟，鮮味在口腔裡大爆發，正到想食多兩籠！總嘅嚟講，呢間劉興記真係冇令我失望，出品好，價錢又唔貴。如果大家路過元朗，真係要嚟試下！