金玉滿堂

Open Now

Now Closed

好耐無約班姐妹食飯，揀左出旺角食小炒飲下啤酒👍Jeng！！！好耐都無食甘好鑊氣既野😋🔆 椒鹽脆鮮魷 $108鮮魷唔韌，一咬就斷，炸粉又夠薄，食住送下啤酒一流，仲要個份量都幾多，又唔會食到成口油，係唔錯既🔆 香草芥末奇脆元貝皇 $158見佢寫推介菜式，開頭睇相仲以為有飯，原來有脆米做底，配合埋帶子同芥末，小小甜得黎，帶子又夠大粒又彈牙，好味，全晚最有驚喜。🔆 糖醋咕嚕肉 $98食得出係新鮮炸，肉質唔肥唔柴，個汁又唔係好甜個隻，仲要有菠蘿拌碟，唔覺意又食左成碗飯。🔆 金銀蛋浸娃娃菜 $98鹹蛋同皮蛋都幾多，娃娃菜又吸曬d汁，不過調味唔太鹹，食完都無話好口渴，同埋碟菜都幾大，夠3-4個人食整體菜式無論味道同份量都好好。而且座位舒服，又夠光猛，一班人食絕對適合。