Video
Read full review
2024-05-19
82 views
Little Fresh Cafe & Bar📍銅鑼灣耀華街3號百樂中心18樓1801室早於上月我已同好耐無見嘅日文朋友約好要食飯catch up，為咗方便傾偈，我哋約好喺大家嘅中心點—銅鑼灣見面，仲搵咗一間主打法國菜嘅樓上cafe添。雖然店舖唔大，座位亦唔算多，但整體環境同氣氛都不俗，適合兩個人靜靜傾偈談心。 💰$188墨魚汁海鮮意大利飯 🍲一向比較抗拒任何墨魚汁配搭嘅我，因為想食risotto而揀咗呢個墨魚汁海鮮意大利飯，估唔到會有驚喜喎。好多西餐或cafe會將米煮軟煮腍，製作出creamy但無咩咬口嘅risotto。但正宗嘅risotto就米粒應該係有少許硬度同有嚼勁，呢間cafe就做到呢一點。另外，好多cafe甚至乎餐廳都有提供黑過墨斗嘅墨魚汁，但每每食落就無咩味道，一般都係得個黑字。但呢度嘅墨魚汁自帶鮮味，鹹度亦適中，加上飯面同混入飯中嘅海鮮都有陣陣海水鮮味，每一口都食盡海鮮精華。 💰$2384天風乾12小時慢煮法式油封鴨髀 🦆第二個main我哋揀咗個名好長嘅油封鴨髀，特別之處在於鴨髀先經4天風乾，再以12小時慢煮等過程烹製，令鴨肉結實而不乾柴，同時更入味。用匙羹輕輕按就住鴨
📍銅鑼灣耀華街3號百樂中心18樓1801室
早於上月我已同好耐無見嘅日文朋友約好要食飯catch up，為咗方便傾偈，我哋約好喺大家嘅中心點—銅鑼灣見面，仲搵咗一間主打法國菜嘅樓上cafe添。雖然店舖唔大，座位亦唔算多，但整體環境同氣氛都不俗，適合兩個人靜靜傾偈談心。
[價錢 Price]
💰$188
墨魚汁海鮮意大利飯 🍲
一向比較抗拒任何墨魚汁配搭嘅我，因為想食risotto而揀咗呢個墨魚汁海鮮意大利飯，估唔到會有驚喜喎。好多西餐或cafe會將米煮軟煮腍，製作出creamy但無咩咬口嘅risotto。但正宗嘅risotto就米粒應該係有少許硬度同有嚼勁，呢間cafe就做到呢一點。
另外，好多cafe甚至乎餐廳都有提供黑過墨斗嘅墨魚汁，但每每食落就無咩味道，一般都係得個黑字。但呢度嘅墨魚汁自帶鮮味，鹹度亦適中，加上飯面同混入飯中嘅海鮮都有陣陣海水鮮味，每一口都食盡海鮮精華。
[價錢 Price]
💰$238
4天風乾12小時慢煮法式油封鴨髀 🦆
第二個main我哋揀咗個名好長嘅油封鴨髀，特別之處在於鴨髀先經4天風乾，再以12小時慢煮等過程烹製，令鴨肉結實而不乾柴，同時更入味。用匙羹輕輕按就住鴨髀，再用刀切塊，可以見到內裏嘅鴨肉顏色鮮嫩，雖然無爆晒汁嘅juicy，但啖啖充斥濃烈鴨油香氣，我同朋友都食唔停口。
伴碟嘅薯菜同樣落足心機，翠玉瓜粒粒爽口、西蘭花煮得入味、薯蓉仲係店主親手將新鮮薯仔搓成泥，不論味道或口感都勝過連鎖cafe，果然夠用心。
配有是日餐湯或沙律，蘑菇忌廉湯唔會太thick太heavy，每羹都食到片片蘑菇肉，可以用蒜蓉法包沾湯食；沙律dressing酸酸甜甜，餐前食用醒胃非常。
Post