Video
Read full review
2024-12-23
174 views
呢間位於銅鑼灣以日本牡蠣為主題嘅「牡蠣小屋 KAGURA 」 @kagurahut 絕對啱哂鍾意食蠔嘅大家😍 餐廳由日本人開設，每道菜都採用日本新鮮食材，生蠔嚟自長崎、岩手、兵庫、北海道、廣島、熊本等地，亦有多款刺身、壽司、鍋物、串燒、小吃、甜品提供；餐廳採用開放式設計，可以一邊用餐一邊望住廚師煮食，座位有分tatami卡位、bar枱，餐廳亦好有日本居酒屋氣氛，播住日本電視節目、店員亦係講日語，好似去咗日本嘅感覺🇯🇵🤩.鐵盒燒廣島生蠔（半打） $240: 招牌鐵盒燒生蠔，加入清酒燒14分鐘，廚師就即席開生蠔，蠔嘅海水味重，隻隻都好飽滿，啖啖蠔肉好creamy，飲埋啲蠔汁，好鮮甜～ 追加芝士（3隻） $43: 另外亦可喺燒生蠔上加上Raclette燒烤刮芝士，厚厚嘅熱熔芝士配蠔好邪惡，帶微微鹹香，仲有拉絲效果～和牛卡爾帕喬 $148: 薄薄嘅半熟和牛片充滿油花，口感嫩滑軟綿，底層全是洋蔥絲，面頭就係滿滿蔥花同黑醋醬汁，味道酸甜，感覺好fresh～白姜醋鯖魚昆布 $148: 以鯖魚、白姜、香蔥、昆布製成嘅卷物，層次豐富，鯖魚一啲腥味都無，而白姜味道酸甜，辣口而唔嗆口，口感清爽～蒜香辣椒牡蠣
.
鐵盒燒廣島生蠔（半打） $240
: 招牌鐵盒燒生蠔，加入清酒燒14分鐘，廚師就即席開生蠔，蠔嘅海水味重，隻隻都好飽滿，啖啖蠔肉好creamy，飲埋啲蠔汁，好鮮甜～
追加芝士（3隻） $43
: 另外亦可喺燒生蠔上加上Raclette燒烤刮芝士，厚厚嘅熱熔芝士配蠔好邪惡，帶微微鹹香，仲有拉絲效果～
和牛卡爾帕喬 $148
: 薄薄嘅半熟和牛片充滿油花，口感嫩滑軟綿，底層全是洋蔥絲，面頭就係滿滿蔥花同黑醋醬汁，味道酸甜，感覺好fresh～
白姜醋鯖魚昆布 $148
: 以鯖魚、白姜、香蔥、昆布製成嘅卷物，層次豐富，鯖魚一啲腥味都無，而白姜味道酸甜，辣口而唔嗆口，口感清爽～
蒜香辣椒牡蠣八爪魚意粉 $118
: 好有驚喜嘅大蒜辣椒橄欖油意粉！意粉al dente好掛汁，帶濃濃蒜香同辣椒香，3隻牡蠣都好肥美，而八爪魚粒好彈牙，面頭仲有好多蔥花，非常惹味～
拖羅葱花卷 $88
: 新鮮嘅拖羅蓉口感綿密，配上葱花好滿足～
牡蠣五花肉卷 $38
白蔥豬肉 $38
免治雞肉 $38
三陸牡蠣黑啤 $88
: 用上三陸廣田灣產嘅牡蠣與牡蠣殼一同釀造而成嘅啤酒，口感豐厚濃郁又帶回甘～
The Premium Malt’s 生啤 $58
: 原來「牡蠣小屋 KAGURA 」 亦係香港其中一間「神泡達人店」，所以有呢個神泡沬絵，三得利生啤有7:3酒液與泡沫的黃金『神泡』比例，啤酒泡沫綿密帶醇香～
Post
