六福菜館

Open Now

Now Closed

剛剛周末同朋友遊西貢，終於一試，名不虛傳，而且價錢仲好親民。先來西貢地道魚湯。用上每日由西貢艇家供應嘅新鮮魚獲，加入蕃茄同薯仔一齊熬製而成，味道好鮮甜。椒鹽焗大連鮮鮑魚係必食！鮑魚好肥美彈牙，用椒鹽焗呢個烹調方式好香口好好味椒鹽奇脆豆腐又係大愛，金金黃黃，外脆內嫩，咬落熱辣辣。米湯低溫慢煮元貝同魚湯粉絲浸花甲，都可以突顯海鮮原本嘅鮮味。第一次食到以米湯低溫慢煮嘅元貝，鮮嫩飽滿，連米湯都可以飲哂～客家鹹菜木耳炆腩仔，腩仔勁香口！有蒜蓉粉絲蒸茄子又係食到舔舔脷。最後再來一客薑蔥鮑魚煲仔炒飯同豉油王炒麵，非常滿足。