Video
Read full review
2018-01-29
5363 views
一星期前預訂了雅苑座既 Lunch Buffet, 12:00 - 2:30, Print 埋 openrice coupon 75 折，正呀！可惜，唔係坐係中間開揚o既位置，但無影響食好西o既決心。帝苑酒店o既餐廳，食物質素總令人有食過番尋味o既感覺。先飲個湯暖下個胃，一款木瓜魚尾湯，另一款西蘭花忌廉湯，選擇左木瓜魚尾湯，味道不錯，感覺好有營養。跟著食一轉凍海鮮，有長腳蟹、青口、蜆 同埋 蟹鉗，除左蟹鉗無咩味，其他都鮮甜，重有幾款醬汁俾你，有醋、辣椒仔、泰式辣醬......泰式辣醬好好味。食一轉熱盤 ，有好多選擇，點心、串燒、豬手、牛扒、咖哩、燒味、海南雞飯、石斑......勁多，不過，熱盤只係試左幾款 (個胃唔夠大)，串燒檔有驚喜，即燒即上，牛肉、雞翼同菠蘿都好味。另外，石斑都好味，石斑一出，好快沽清餐廳都不停 REFILL，海南雞飯真心好味，D雞好滑，個飯出奇地好味，D飯好似比件雞更有雞味，唔一定雞有雞味，飯都有雞味。日式魚生就試左吞拿魚、飽汁魷魚片、八爪魚，本身麻麻地鍾意食吞拿魚，但覺得呢度O既吞拿魚好好味，飽汁魷魚片就正常，幾淋，但係八爪魚有點韌 。最後，就係甜品，唔知點解好
可惜，唔係坐係中間開揚o既位置，但無影響食好西o既決心。帝苑酒店o既餐廳，食物質素總令人有食過番尋味o既感覺。
先飲個湯暖下個胃，一款木瓜魚尾湯，另一款西蘭花忌廉湯，選擇左木瓜魚尾湯，味道不錯，感覺好有營養。跟著食一轉凍海鮮，有長腳蟹、青口、蜆 同埋 蟹鉗，除左蟹鉗無咩味，其他都鮮甜，重有幾款醬汁俾你，有醋、辣椒仔、泰式辣醬......泰式辣醬好好味。食一轉熱盤 ，有好多選擇，點心、串燒、豬手、牛扒、咖哩、燒味、海南雞飯、石斑......勁多，不過，熱盤只係試左幾款 (個胃唔夠大)，串燒檔有驚喜，即燒即上，牛肉、雞翼同菠蘿都好味。另外，石斑都好味，石斑一出，好快沽清餐廳都不停 REFILL，海南雞飯真心好味，D雞好滑，個飯出奇地好味，D飯好似比件雞更有雞味，唔一定雞有雞味，飯都有雞味。
日式魚生就試左吞拿魚、飽汁魷魚片、八爪魚，本身麻麻地鍾意食吞拿魚，但覺得呢度O既吞拿魚好好味，飽汁魷魚片就正常，幾淋，但係八爪魚有點韌 。
最後，就係甜品，唔知點解好似無以前甘多款，無左一份驚喜，但味道係唔錯O既，即叫即整PANCAKES 值得一試，熱辣辣，好味! 雪糕應該係H品牌，掛住食，無睇清楚係唔係，意外地食左4球 (芒果、曲奇、雲尼哪、士多啤梨)，最鍾意士多啤梨味，完美地食左個 Lunch Buffet，飲埋個餐茶，有一種滿足感呢!
Post
