古今二 (觀塘工業中心)

Open Now

Now Closed

太耐無見閨蜜❤️，難得一約，去下觀塘食下日本野先，最後揀左黎古今二。呢間餐廳響工廠大廈入面，收得好埋，但門面好有日本style，好岩打卡！兩個女人仔食唔到好多，先叫左個甜甜酸酸好開胃嘅沙律《柚想蝦你》 。有柚子同剌身蝦仲有新鮮生菜同青瓜絲好爽脆！配埋沙律醬甜甜酸酸！試埋呢道個個都會揀嘅卷物，我就揀左《辣妹》《火焰金龍卷》同 《三文魚牛油果卷》。聽聞辣妹係古今二嘅人氣卷物，即係佢係辣味呑拿魚，芝士，炸蝦🍤，口感脆卜卜又有辣味，加埋芝士同醬汁，好夾好有特色。《火焰金龍卷》就係三文魚，炸蝦同芝士嘅combination《三文魚牛油果卷》 係三文魚加新鮮嘅牛油果反卷，卷物外面有黑芝麻Tim 仲叫左脆卜卜嘅鱈魚乾！佢側邊啲沙律醬，超脆超香，真係好想買一拃返去送啤酒🤣另外叫左兩條串燒： 黑豚豬頸肉串，肥瘦剛好，亦都燒得好香。鹿兒島黑豚荔枝卷串燒，荔枝配豬肉真係出奇地夾，燒過嘅荔枝，酸酸甜甜同炭燒咗嘅肉卷包埋一齊，一齊食落肚唔會好油膩，反而有一種好fresh嘅感覺！