豐信餃子店

Open Now

Now Closed

話說大少係附近補習，次次行過都好想入去食餃子，但每次都係大排長龍所以食唔到。終於趁前日補習班提早上堂時，放學行經仲有一張二人枱，二話不說就入去開餐。雖然店鋪係以食餃子為主，不過種類都有好多選擇，所以餃子控大少都花左好多時間先決定到食咩。大少就嚟左一客芝士粟米鮮肉煎餃，煎餃煎得脆卜卜好香口，而入面口嘅粟米同豬肉比例剛剛好，加埋溶左嘅芝士，所以入口有咬口之餘仲好juicy添。我就嚟左一份酸辣湯底韭菜鮮肉餃，每粒餃子入面都係脹卜卜好足料，而韭菜味係勁香濃，加埋超惹味嘅酸辣湯一齊食，可以話完全係我杯。我地仲叫左兩份小食，先嚟涼拌手拍青瓜，青瓜好脆口，當中帶少許蒜香及酸酸辣辣，好醒胃又好味。涼拌皮蛋嘅半溏心皮蛋甘香入味，加埋微辣子薑一齊食，咁就特別開胃醒神。最後我地叫左兩支清熱又解渴嘅柑桔蜜同埋青檸蜜來完結咁豐富嘅午餐。