Video
Read full review
2021-08-16
25 views
「喂！執好野未啊？」「檢查多次啦！」「記得帶Passport啊！」佢講完又講。「得啦得啦！你今日講左十次啦！」我唔耐煩咁繼續講「我哋又唔係今日飛！」明明聽晚先上機架，都唔知佢咁心急做咩！「執好晒啲嘢之後，我想出去行下！」「最後睇多一次呢度既所有野。」佢突然轉身望住個窗口咁話。冇錯！今晚係我哋最後一晚留喺呢度，聽晚既我哋已經喺飛機上面。準備去日不落國重新開始生活。即使有再多既唔捨得都冇辦法，只希望有朝一日可以再返黎呢度。「咁你想去邊啊？」我向佢問。「記唔記得我哋第一個記念日，我哋去左邊？」佢向我反問！「我記得你喺果度買左一大隻布甸狗俾我😍」「我聽日都會攬實佢上機架！」我好開心咁講。「唔好扯開話題，你明明就唔記得邊度😂」俾佢踢爆左🤫🤫🤫 有個聰明既另一半有時都會幾大打擊！「深水埗啊！」「我仲想去食埋地道既野，當係最後既一次！」佢繼續講「去到果邊好難再食到架啦。」拖住佢由鴨寮街出發，睇住一間又一間賣電話卡既檔頭變成空置。其實冇計啦，電話卡實名登記搵鬼去買咩！好彩賣公仔同玩具果條街仍然咁多布布！😍😍😍「我肚餓啦，食野先啦！」我話。「不如就去呢間？聚來車仔麵。」你指一指咁話。聚來？有聚有來，啱晒
「喂！執好野未啊？」「檢查多次啦！」「記得帶Passport啊！」佢講完又講。
「得啦得啦！你今日講左十次啦！」我唔耐煩咁繼續講「我哋又唔係今日飛！」
明明聽晚先上機架，都唔知佢咁心急做咩！
「執好晒啲嘢之後，我想出去行下！」「最後睇多一次呢度既所有野。」佢突然轉身望住個窗口咁話。
冇錯！今晚係我哋最後一晚留喺呢度，聽晚既我哋已經喺飛機上面。準備去日不落國重新開始生活。
即使有再多既唔捨得都冇辦法，只希望有朝一日可以再返黎呢度。
「咁你想去邊啊？」我向佢問。
「記唔記得我哋第一個記念日，我哋去左邊？」佢向我反問！
「我記得你喺果度買左一大隻布甸狗俾我😍」「我聽日都會攬實佢上機架！」我好開心咁講。
「唔好扯開話題，你明明就唔記得邊度😂」
俾佢踢爆左🤫🤫🤫 有個聰明既另一半有時都會幾大打擊！
「深水埗啊！」「我仲想去食埋地道既野，當係最後既一次！」佢繼續講「去到果邊好難再食到架啦。」
拖住佢由鴨寮街出發，睇住一間又一間賣電話卡既檔頭變成空置。其實冇計啦，電話卡實名登記搵鬼去買咩！
好彩賣公仔同玩具果條街仍然咁多布布！😍😍😍
「我肚餓啦，食野先啦！」我話。
「不如就去呢間？聚來車仔麵。」你指一指咁話。
聚來？有聚有來，啱晒我哋啦。唔知我哋幾時先可以再聚再來呢？
話晒都叫做最後一晚喺度食飯，我哋都叫左唔少野！
每人一碗特色車仔麵就唔少得啦，最特別係有瑞士汁呢個配搭！喺度住左咁多年都未試過！！
諗下先，仲有呢個秘製辣魷魚！食落去非常彈牙又唔會好難咬！！
佢哋個招牌鮮製肉丸一定唔可以錯過！😋😋😋😋
同平時喺街食到既完全唔同層次！絕對唔係求其點啲粉再炸！全部都係自家手製，用豬肉碎加上蘿蔔粒！真係非常特別，回味無窮！
蒜泥白肉有別於譚仔，唔係落勁重調味遮晒所有嘢！有齊晒白肉應該有嘅鮮味！非常推介呢幾味餸！
估唔到最後一日留喺呢度，都食到一啲咁令我哋驚喜嘅嘢。
「再見啦，大家都要好好保重！」我對住前來送別既親友咁講！
「總有一日會再見架！」我深信一定會有呢一日！
呢個時候，一隻溫暖既手拖實我！用佢嘅行動支持同鼓勵我「去到邊都好，只要我哋一齊就咩都冇問題架！」
嗯！我拖緊佢一齊行去離港閘口。
要決定走既人不易，留低嘅人更加有無比嘅勇氣！
祝願大家平安！
Post
