陳儀興飯店 (嘉悅)

Open Now

Now Closed

鍾意食潮州菜嘅朋友對陳儀興飯店應該唔會陌生，最近發現原來將軍澳分店做緊期間限定「 陳儀興飯店 x 老夫子」，推出多款老夫子推介菜式。餐廳仲有唔少老夫子打卡位，好有特色呀。 今次特別試咗幾款老夫子推介菜式，價錢合理，選擇亦相當多元化。耐人尋味 - 鹹魚蓉蓮藕煎肉餅( $108) - 呢個煎肉餅好有驚喜，外層煎得好香脆，肉餅入面有鹹魚蓉同蓮藕，味道好有層次。 各有千秋 - 蜜椒蕃薯牛柳粒 ($88)- 呢個番薯牛柳粒，但感覺同薯仔牛柳粒差不多，配搭三色椒同蜜椒一齊炒，入口夠晒惹味。 一舉兩得 - 鹹魚肉絲韭菜花 ($98 )- 未食已經聞到陣陣香味，鹹魚配搭肉絲帶少少鹹香，仲有爽脆及清新口感嘅芽菜及韭菜。潮州蠔仔粥（$72）- 潮州菜中嘅經典之一，非常足料，入邊有超多蠔仔，粥底非常入味，入口鮮甜。 餐廳設有唔少老夫子打卡位，非常有特色。多款老夫子推介菜式水準亦好高，價錢合理，值得一試。最近仲推出優惠，只要download佢嘅app 就可以免費換到蛋卷、芋頭酥或辣椒油一份。