Video
Read full review
2025-04-08
54 views
昨天放工後帶咗爸爸去食好西因為爸爸鍾意食日本嘢加上見到呢間餐廳有好多人推介尤其是鐵板燒係大推所以就揀咗佢海賀起The One 19樓可以飽覽成個維港景色真係好正樓底好高 日系風格坐得好舒服店員安排我哋坐喺鐵板燒位置可以望住廚師喺面前燒店員好Nice推介我哋食乜呢度set lunch會有自助沙律吧另一款就係春日套餐就冇包semi buffet的爸一聽到有沙律吧即刻心心眼所以就揀食set lunch 沙律吧都好多選擇有湯水、蘿蔔芋絲燉牛肉、各款麵包、鮮蝦、螺、青口、各款西式沙律菜加配料和醬汁好多選擇仲有唔少得嘅就係甜品至少有八款仲有糖果同MÖVENPICK添淨係食沙律吧都可以飽肚海產好新鮮飽滿椰菜花湯好Creamy好好飲咁多款甜品當中我好欣賞朱古力脆脆蛋糕同埋咖啡奶凍MÖVENPICK有士多啤梨🍓和朱古力味如你想加朱古力碎等裝飾可自由配搭主食方面小編揀咗角切魚生丼刺身係用時令嘅魚切厚粒今次呢碗有蝦、兩款吞拿魚、鯛魚、三文魚子、青瓜及配有子薑刺身粒粒好新鮮唔使點落豉油都已經好好食珍珠米煮得煙靭綿密配埋飯素一齊食一流份量亦都好多 我跟爸share食都好飽爸爸點了鐵板燒帶子、銀鱈魚另外單點咗美國
因為爸爸鍾意食日本嘢
加上見到呢間餐廳有好多人推介
尤其是鐵板燒係大推
所以就揀咗佢
海賀起The One 19樓
可以飽覽成個維港景色真係好正
樓底好高 日系風格坐得好舒服
店員安排我哋坐喺鐵板燒位置
可以望住廚師喺面前燒
店員好Nice推介我哋食乜
呢度set lunch會有自助沙律吧
另一款就係春日套餐就冇包semi buffet的
爸一聽到有沙律吧即刻心心眼
所以就揀食set lunch
沙律吧都好多選擇
有湯水、蘿蔔芋絲燉牛肉、各款麵包、鮮蝦、螺、青口、各款西式沙律菜加配料和醬汁好多選擇
仲有唔少得嘅就係甜品
至少有八款仲有糖果同MÖVENPICK添
淨係食沙律吧都可以飽肚
海產好新鮮飽滿
椰菜花湯好Creamy好好飲
咁多款甜品當中
我好欣賞朱古力脆脆蛋糕同埋咖啡奶凍
MÖVENPICK有士多啤梨🍓和朱古力味
如你想加朱古力碎等裝飾可自由配搭
主食方面小編揀咗角切魚生丼
刺身係用時令嘅魚切厚粒
今次呢碗有蝦、兩款吞拿魚、鯛魚、三文魚子、青瓜及配有子薑
刺身粒粒好新鮮
唔使點落豉油都已經好好食
珍珠米煮得煙靭綿密
配埋飯素一齊食一流
份量亦都好多 我跟爸share食都好飽
爸爸點了鐵板燒帶子、銀鱈魚
另外單點咗美國牛柳同埋多一份銀鱈魚
廚師好細心同耐性感燒熱塊板
首先烹調嘅係銀鱈魚
煎得好靚 脆邊肉嫩
時間掌握得好好
店員講解配上蘋果蓉一齊食就可以解膩和突顯魚嘅鮮味 超好食
之後就係燒帶子
粒帶子好大超新鮮
如是者每邊都煎到外脆內嫩
肉質好Q彈
呢個就配上松茸同埋松茸清湯一齊食
Amazing 😋
最後就係燒美國牛柳
我哋揀咗七成熟
呢個都係廚師掌握時間掌握得好好
因為爸爸嘅牙齒已經退化
好少再食到肉類
但係呢舊牛佢一入口就已經讚不絕口
本身牛柳好高質紅卜卜
廚師將佢烤到好嫩滑 牛味好香濃
配咗炸蒜片、燒蕃茄、山椒汁
更能突顯個牛味
好欣賞上每一碟菜嘅時候
店員都會好細心講解食材和食法
最後仲有飲品
小編揀咗凍齋啡而爸爸揀咗熱咖啡
咖啡帶有Nutty味道唔酸
食得好舒服好滿足嘅一餐
Post