兩草 (棉登徑)

Open Now

Now Closed

今日同男朋友係K11附近行街見到呢間馬拉嘢，行茶餐廳風格。而係尖沙咀嚟講價錢都幾平，決定試試佢!香煎脆邊蛋肉餅飯 肉餅厚身多汁，調味偏甜但唔會膩，脆卜卜嘅煎蛋邊加分不少，飯底都多幾飽肚。叉燒豬油撈麵豬油撈麵可以揀撈辣油/豉油，怕辣嘅我揀咗豉油。豉油味甜甜地，成個麵都好溫和。叉燒切得厚薄適中，肥瘦參半，而枱面仲有啲調味料，可以自己額外加豉油同埋辣油。我勁鍾意個豉油味，自己再額外落咗多咗小籠包胡椒湯 胡椒湯飲落好似白胡椒肉骨茶咁，有微辣暖胃感，小籠包有4粒，皮薄餡多。蛋炒豬腸粉腸粉炒得夠乾爽，外脆內軟，每條腸粉掛上蛋香，而份量唔會太大份，少食多滋味。咖央多士 配搭香脆多士同奶香十足嘅咖央醬，輕輕烘脆後中間仲帶少少牛油，超邪惡超好味。樽仔奶茶濃厚茶香加上淡淡煉奶甜味，唔會太重手，好適合餐後解膩。