Video
Read full review
2023-06-19
184 views
寫呢間其實真係幾時都得，因為其實我住得好近，豆乳狂人我基本上個個星期都食。唔係因為我喜歡豆乳，而係我鍾意食芋圓，同埋一樣而家已經好少人喜歡食嘅野，就係粢飯！今次寫係因為佢出左期間限定，但臨尾我會推介一d你幾時去都係必食嘅推介！狂人粢飯 $32真心，我呢d老野先會鍾意食粢飯，但粢飯其實真係好好食！一個就夠一餐肉鬆甜甜咸咸，加埋窄菜嘅惹味真係一流！最緊要係咩？佢熱到㷫手，但由於佢即叫即整，佢熱得黎條油炸鬼唔會軟哂！你問我32蚊貴唔貴，真心唔平，但以而家好多店做嘅質素，你要食好d又咁方便，呢個價就預左要俾！就係因為唔平，佢先會咁足料。識食一定係食狂人粢飯，其他果d又牛油果又豬扒，如果你係當試新野係ok唔差的，但食傳統一定會叫返呢個！海苔肉鬆脆皮木棉豆腐 $38首先，又係果件事，你38蚊食個木棉豆腐點解呀？你睇下d海苔肉鬆多到我睇唔到d豆腐。佢個豆腐炸到皮脆，用嘅係比較企身嘅豆腐，口感滑得黎唔有d啫喱感。就係豆腐口感佳，味道惹味，因為海苔肉鬆係靚野。份量都多，你咪唔會覺得唔抵食。紫紫之選 $63一開頭講左，果d乜乜之選係我最常食的，今次黎到有紫薯嘅期間限定就試下！講明！對紫薯冇特夠感覺，但我喜
狂人粢飯 $32
真心，我呢d老野先會鍾意食粢飯，但粢飯其實真係好好食！一個就夠一餐肉鬆甜甜咸咸，加埋窄菜嘅惹味真係一流！最緊要係咩？佢熱到㷫手，但由於佢即叫即整，佢熱得黎條油炸鬼唔會軟哂！你問我32蚊貴唔貴，真心唔平，但以而家好多店做嘅質素，你要食好d又咁方便，呢個價就預左要俾！就係因為唔平，佢先會咁足料。識食一定係食狂人粢飯，其他果d又牛油果又豬扒，如果你係當試新野係ok唔差的，但食傳統一定會叫返呢個！
海苔肉鬆脆皮木棉豆腐 $38
首先，又係果件事，你38蚊食個木棉豆腐點解呀？你睇下d海苔肉鬆多到我睇唔到d豆腐。佢個豆腐炸到皮脆，用嘅係比較企身嘅豆腐，口感滑得黎唔有d啫喱感。就係豆腐口感佳，味道惹味，因為海苔肉鬆係靚野。份量都多，你咪唔會覺得唔抵食。
紫紫之選 $63
一開頭講左，果d乜乜之選係我最常食的，今次黎到有紫薯嘅期間限定就試下！講明！對紫薯冇特夠感覺，但我喜歡佢同紫米嘅組合，我係鍾意食紫米的。食過呢d乜乜之選之類都知，佢地d甜品係大碗到一個人未必一定過食得哂。佢d料都係多到飛起，除左紫米，我會食到有個好似係紫薯蓉？有豆花、芋圓同奶蓋，我平時飲野就麻麻地奶蓋，但佢呢個甜品加入奶蓋，事實係畫龍點睛，加分的！呢個野，2個人食就岩哂！
奶蓋紫麻薯波波豆乳 $68
又黎紫薯野，今次係飲品。內容都係類似上面紫紫之選d野，不過芋圓換左做麻薯波波，呢個飲起上黎，就有d太rich，似一個甜品多過一個飲品。一個好大嘅原因就係佢呢個包裝我想講好耐，係好唔方便for我飲入面d野，而佢又偏偏好多料。反而佢果d乜乜豆乳，冇咁多複雜野果d包裝仲易飲。佢個豆乳係香的，豆乳狂人d豆乳就係一個字：濃！
白玉字治抹茶豆乳雪糕 $43
抹茶野喎大佬！我點會唔食？個人口味上，佢有個7.6豆乳抹茶，但我個人覺得佢飲起上黎果個濃豆乳同抹茶果種夾，不及我真係去飲個北海道3.6牛乳夾抹茶咁好。但係雪糕呢？就好好多了，因為豆香同抹茶完味結合得到，佢地唔係bend埋一齊，而係夾住黎食，我覺得呢個先係抹茶同豆乳最相處到嘅form。特別要提就係佢個抹茶白玉好煙韌軟糯，傳統咁配真係有佢原因，成件事係好夾的。
講真，我食埋野，都係鍾意佢傳統嘅野比較多，因為佢企得喺menu咁耐，一定有佢嘅理由！如果你問我有咩我上面冇講，又推介嘅，我會想介甜品叫滋潤之選、飲品叫十勝紅豆豆乳。講多次！個粢飯呀！
Post
