SOYmart by 豆乳狂人

Open Now

Now Closed

呢間長期好多人排隊 一定有佢嘅原因今日就去咗試吓☺️見到餐牌好多選擇 有時都會有啲限定口味見到近期出咗開心果系列 好似幾正 不過價錢都少貴跟住見到個幾平既甜品 三色芋圓豆花 $32超抵食！好鍾意食佢啲芋圓 好多粒 而且係超級煙韌☺️另外叫咗個狂人粢飯 冇諗過呢度連粢飯都咁好食 平時早餐先會食嘅嘢 而家夜晚都會係呢到叫番個做宵夜🤣 超級足料 入面係爆曬餡仲要係熱辣辣整出嚟 又係$32 真係好抵食👍🏻下次真係要試吓開心果系列先😋😋

經過荃灣一定會買豆乳達人嘅糖水返屋企食！佢哋嘅糖水餡多～多到食糖水都可以當正餐超誇張！勁飽～必點係楊枝甘露同埋養生嘅桃膠小丸子豆腐花！小丸子煙煙韌韌真係好正！桃膠好似唔使錢咁勁多～楊枝甘露唔會太甜餡料超多！強烈推薦啊！

之前個吉列蝦粢飯太好食了，所以又再外賣兩件加埋$150 Oreo奶蓋係最豐富，打得好實唔會好重奶味，creamy 啲珍珠軟硬度適中，唔會搶咗豆乳嘅味道最突出係白色糯米糍煙靭，淡淡豆乳香味很出色，我會話係珍珠Oreo奶蓋一齊食，最頭嗰三層一齊食。另外食最底層豆乳香味。不過喺香港食到Oreo嘅產品水平確實一般，但係呢款個奶蓋確實做得非常好鰻魚蛋不嬲都絕配，但係我反而欣賞吉列蝦粢飯多啲，層次分明。 這款鰻魚加上濃郁厚實的炸油炸鬼，濕濕潤潤的牛油果，所有食材混在一起的時候味道沒有太突出。特別要讚賞的是厚實的榨脆的油炸鬼是所有材料做得最好的

口碑載道嘅Soymart新出開心果系列包括開心之選、開心芋泥西米露、開心奶蓋豆花、杜拜開心Tiramisu覺得Soymart嘅強項應該係豆類產品所以今次揀咗開心奶蓋豆花試吓～✧ 開心奶蓋豆花（$68）冇諗過$68會比三盒嘢😂包括一盒開心果碎、一個裝住四粒丸子嘅盒、同埋主角開心果豆花第一啖已經覺得開心果奶蓋味道有驚喜質感夠厚唔稀同專賣開心果甜品嘅舖頭有過之而無不及！而且$68來講開心果醬嘅份量可以話係超級慷(๑˃̵ᴗ˂̵)و食到尾都仲係有好濃郁嘅味道但係呢個組合可能有啲細埋喺入邊所以豆腐花嘅份量亦都因而減少果然Soymart大受歡迎唔係冇原因大家放心試呢個新系列🫶🏻另外之前試過佢芝麻奶蓋同粢飯都好食～

豆乳狂人絕對係🐻最愛嘅甜品店～終於等到佢推出開心果系列啦 急急腳去試！全新開心果系列✿ 開心之選 $68✿ 開心奶蓋豆花 $68✿ 開心芋泥西米露 $66✿ 杜拜開心𝐓𝐢𝐫𝐚𝐦𝐢𝐬𝐮 $72直接開估～～好好味！開心果味超濃（*´▽｀*）每款都有開心果奶蓋+開心果醬+碎碎 三重濃郁！最鍾意佢個奶蓋 好厚滑 開心果醬又濃郁 碎碎脆口同芋圓、西米、豆花等等嘅配角都好夾 仲足料到傻記得要試埋豆乳 好香濃好滑 完全無豆渣！佢哋嘅鹹食都好出色㗎 推介爆餡粢飯、木棉豆腐啊

我已經有一年半冇嚟呢度食嘢，肉鬆木棉豆腐真係好好食，而且佢炸得唔太燶，咬落去口感極好，勝過好多台灣小食，而佢抹茶豆乳亦都唔死甜，可能加咗紅豆，所以有啲甜，但係丸子食落去就好飽，如果可以走丸子就更加好，至於個粢飯，我覺得油炸鬼實在太燶，份量亦都太大，所以粢飯就冇咁吸引，值得一讚嘅係抹茶紅豆丸子豆乳加肉鬆木棉豆腐！

聽好多人介紹豆乳狂人個個都大讚好好食搞到想試好耐，今日終於經過海之戀可以try try。叫左個🧡【狂人粢飯】（$32）💚【8.6豆乳抹茶】（$36）落單到坽得大約10分鐘倒。個樣係包得幾靚可惜食落真係好麻麻個粢飯一咬落去啲飯係好淋淋到係有啲爛爛地嘅感覺😵‍💫讚嘅係佢真係新鮮包，熱辣辣。肉鬆都有好多，但食落就一般般正常啦。但油炸鬼就好脆嘅。但就乾得滯，冇咩油炸的嘅口感。啲炸菜都好少，唔太食到個飲品就好失望豆味普並通通未去到好香。抹茶果都好輕，好薄弱嘅感覺。而且成杯野都好甜。唔明點解讚得咁勁🙈

豆乳狂人絕對係我愛店😚間唔中就會想去買黎食，佢地無論係主食、小食、甜品、飲品都好高質，特別係甜品類，勁多料一個人食曬係真係會好飽。1⃣️ 牛油果吉列蝦青瓜絲粢飯（$52）粢飯拎上手仲系暖笠笠既，入面有肉鬆、青瓜絲、油炸鬼、牛油果、玉子、吉列蝦，配料好多好豐富🤩調味加上沙律醬日式風味十足👍油炸鬼食落仲系脆既，肉鬆都係好食既，食完成個都好飽肚😋2⃣️咖啡奶蓋豆乳（$42）食粢飯緊係要叫埋個豆乳一齊食～主題係咖啡豆乳，面頭加上一層奶蓋，最特別既係奶蓋面頭仲有啲濃縮咖啡液，係鹹甜奶蓋上加多一層咖啡味☕️入面仲有煙韌珍珠同埋豆乳布丁，大滿足！3️⃣ Soyacino豆花（凍）（$32）呢款好似比較少見人叫，叫黎試下😌面頭係好厚既芝士奶蓋！奶蓋既厚度係多到要挖得好深先搵到啲豆腐花，望落清淡但係其實有一定邪惡度😈冇多餘配料，更加食到豆花本身香濃豆味同埋佢既滑溜。都幾大桶飯甜品黎講食完會飽，但係唔算濟～

同🐨去左荃灣海之戀行街😎 行到攰攰地 就去食番個Tea☺️呢間佈置又靚又大好多位置都好靚好可愛✨而且睇落都有小妹想食嘅野🫶🏻咁舒適又吸引當然try try👍🏻小妹推介✨✨ 牛油果吉列蝦青瓜絲粢飯切開一半就睇到係幾豐富嘅粢飯有青瓜絲 牛油果 玉子 吉列炸蝦 油條 肉鬆同埋 沙律醬✨口感 同 味道配搭方面都幾夾而且食落都幾多層次 夠哂滿足👍🏻多芒小丸子真係好多鮮芒果👍🏻食落鮮甜小丸子咬落煙韌又彈牙加埋芒果汁酸酸甜甜夠開胃仲有埋特調椰奶令食落更香滑成個都幾好食嫁✨鮮芋泥豆乳今次小妹叫左凍飲✨明顯嘅兩大層鮮芋泥 同 豆乳兩樣混合一齊飲飲落口感夠夾之餘芋味夠香又帶點咬口加埋豆乳夠香滑

前排去海之戀商場行街，行到攰攰地想搵個地方飲下野坐下，經過見到Soymart豆乳狂人，裝修幾別緻兼且姑媽係唔飲得奶，好多手搖飲品都唔飲得，呢間標榜以新鮮低脂豆乳製作，夠晒健康。我地叫左兩款甜品加一款小食：超煙韌Oreo奶蓋 $48用料豐富：小丸子、珍珠、三色芋圓、可可豆乳加芝士奶蓋甜品以一個小水桶裝住，好cuteOreo係正中間，再有樽oreo碎碎比你加係滿佢，芝士奶蓋質地醇厚可可豆乳甜度剛好～小丸子、珍珠、三色芋圓質地都係好煙韌，非常有口感芋泥桃膠小丸子$45除左芋泥同桃膠外，仲有特濃椰奶、小丸子&黑糖香濃椰奶、芋泥綿滑，桃膠比得好大方、加埋甜甜既黑糖，成個搭配好滋潤和風七味炸脆雞$32其實係單骨雞翼，非脆肉嫰有肉汁，好入味，幾有驚喜。環境座位舒適，有梳化位、卡位、高枱，甜品＆小食價錢都十分貼地。

之前一直以為呢間舖頭淨係買豆漿類嘅飲品🥛見佢喺海之戀開咗勁大間鋪先知原來有甜品仲有得堂食(⊙v⊙)我總共叫咗兩個甜品 一枝豆乳 個袋重到起碼有2kg😂😂 (見影片！兩碗甜品去超大碗勁足料🙂‍↕️食完可以唔使食飯▫️ 多芒楊枝甘露 ($48)//鮮芒果+西米+芒果汁+特調椰奶+金柚//芒果大大粒好新鮮(⁎⁍̴̛ᴗ⁍̴̛⁎)柚子一啲都唔酸 ❣️椰奶食得出同坊間嘅有分別 香味好出但無奶羶味朋友唔太好椰奶都食到👍🏼▫️ 滋潤之選 ($45)//芋泥+桃膠+西米+三色芋圓＋特調椰奶+黑糖//芋圓偏大粒好煙韌 三隻色分別都食到芋頭、紫薯、蕃薯味桃膠分量又係驚人😂😂成碗都係料▫️ 鮮芋泥荳乳 ($32)荳乳係行濃稠路線 同一般豆漿/荳奶好唔同芋泥好香綿 但荳乳味太霸道😂要好用心先食到芋泥味┄┅┄┅┄┅┄┅┄┅┄┅┄┅┄┅┄

今次俾我哋買到呢間高質嘅糖水店外賣，返去孝敬下屋企人😆！呢度有好多唔同口味嘅糖水，啱晒即刻大細嘅喜好。而且呢度主打豆製品，無論係豆乳定係豆腐花都好滑，而且豆味夠香濃👍🏻。.🫘十勝紅豆豆乳（凍）($32)甜度適中，紅豆嘅天然甜香味，啱晒豆乳又滑又香嘅味道同口感。紅豆份量都好足料，撈埋一齊飲，啖啖都食到紅豆🤤。.🍲仙草豆花（凍）($28)豆腐花真係超級滑捋捋，而且又夠軟，口感冇得頂！配埋滑捋捋又彈牙嘅仙草凍，味道更加豐富🔥。.🥭多芒楊枝甘露($48)芒果份量果然超級多！而且其他配料嘅份量亦都好足，有粒粒嘅西柚、西米、香濃芒果椰奶糖水底，好好味💕。

難得除夕早放，梗係要去食好西。咁岩要去荃灣買野，就黎左呢間豆乳專門店。叫左和風七味脆皮木棉豆腐and奶蓋豆乳茶。果然名符其實。七味豆腐外脆內嫩，加埋辣辣既七味粉，剛剛好。奶蓋豆乳茶有豆乳同烏龍，面頭加左芝士奶蓋，餡料有豆乳布丁、珍珠、小丸子、西米，滿滿既餡料一支都好飽。豆乳茶叫左無糖，更加會試到豆乳同茶既原味。另外有一串白玉係用來點奶蓋食，奶蓋好creamy，不過略嫌甜，如果唔好甜就點少少好了。店舖環境都好好，夠闊落，簡約清新既裝潢配上小卡通，令人感覺舒服。呢一餐好滿足呀🙂‍↕️新一年一定好好的！

🥭 SOYmart by 豆乳狂人 | 必試多芒小丸子！💓🌟 多芒小丸子新鮮芒果粒香甜多汁，配搭煙韌滑溜嘅糯米丸子，仲有豆乳狂人嘅自家製豆乳底，一口甜美加健康！豆乳清香唔會太甜膩，完美平衡芒果嘅鮮甜，食完令人回味無窮～呢款甜品既好睇又好食，清新又健康，絕對係消暑或下午茶嘅最佳選擇！無論你係芒果控定豆乳愛好者，都一定唔可以錯過！😍📸 打卡TIPS: 將多芒小丸子擺喺自然光下影，成品顏色更顯鮮艷，吸睛度UP！

牛油果吉列蝦青瓜絲粢飯🥑真心覺得好好味😋平時食粢飯多數用油炸鬼，佢地用左吉列蝦更加更加惹味同香口，配埋牛油果同青瓜絲一d都唔油膩，超級推介。豆豆仙草🥣豐富到呢…有豆花、仙草8紅豆、三色芋圓、特調椰奶、黑糖，樣樣都可以試大大滿足😌佢地嘅豆腐花係即刻整的，新鮮嫩滑，芋圓好煙靭彈牙，仙草滑滑的，加左椰奶更加香，黑糖甜甜地好正👍🏻多芒小丸子🥣勁多芒果肉，大大粒口感好好😌西米都算大粒好有咬口，丸子煙煙韌韌好好味，食完甜野個人都開心d😍