花鮮甲精品海鮮花甲粉專門店 (啟德零售館1)

Open Now

Now Closed

叫左一個魚片花甲粉同兩隻招牌焗蠔。花甲粉用錫紙包住放喺砂煲入面上菜，都幾特別，估計係因為咁樣可以keep到夠熱辣辣。$69入面有大概8隻花甲同5-6塊魚片，花甲無沙，魚片係平時食酸菜魚個隻口感。麵底可以選擇粉絲、米線、飯或者菜底。選擇粉絲嘅話最好食左個粉絲先，因為佢「索」湯索得好快，如果食餸先嘅話啲粉絲就會吸哂啲湯。另外焗蠔$49有兩隻，見到都幾多人叫，都係呢度招牌，蠔味都新鮮，上面有啲蒜茸調味，所以唔會腥。