Video
Read full review
2025-05-27
317 views
第一次嚟，見到評分都有三點九分應該幾好食。食完結論都係好食嘅但應該唔會再嚟，如果老細係重視顧客嘅，都可以重視下旗下員工嘅服務態度。落Order嗰陣叫個雙拼餃子（10隻），但個餐牌設計得有啲混亂，呢個係我個人感受。然後我叫完個雙拼餃子話加碗麵，你哋係有上海淨麵呢個option，咁我要咪幫我加囉就係咁簡單。跟住落單呢個阿姐，就話湯餃子麵淨係得六隻，跟住我就話「下咁個餐牌好混亂喎」,阿姐就話：「你混亂啫，個餐牌唔混亂。」講完轉身就走，wth？我都未落完單同埋呢個咩態度？跟住先好笑, 我話：「下？呢個我個人感受，我覺得亂咪亂，你做乜話返個客。同埋我要落單。」跟住佢問我咁要咩，佢就話「雙拼冇得加麵，你要湯餃子麵就得返六隻，同埋冇得雙拼。」我話：「你地有上海淨麵呢個option㗎喎。」佢話：「咁你唔要雙拼咪得囉！要湯餃子麵。」我：「下咁依家係我自己想食雙拼，同埋你哋本身就有加一碗淨面嘅option。」跟住成功落到單之後，佢全程攞嘢食過嚟都係粒聲唔出，我都冇望佢有冇黑面了，但係佢serve其他人嗰淨係有講有笑。跟住我忍唔住問佢係咪老闆娘，咁如果老闆都覺得點樣對客都冇所謂我咪冇聲出，點知佢又話老闆娘唔
見到評分都有三點九分應該幾好食。
食完結論都係好食嘅但應該唔會再嚟，
如果老細係重視顧客嘅，都可以重視下旗下員工嘅服務態度。
落Order嗰陣叫個雙拼餃子（10隻），但個餐牌設計得有啲混亂，呢個係我個人感受。
然後我叫完個雙拼餃子話加碗麵，你哋係有上海淨麵呢個option，咁我要咪幫我加囉就係咁簡單。
跟住落單呢個阿姐，就話湯餃子麵淨係得六隻，跟住我就話「下咁個餐牌好混亂喎」,阿姐就話：「你混亂啫，個餐牌唔混亂。」
講完轉身就走，wth？我都未落完單同埋呢個咩態度？
跟住先好笑, 我話：「下？呢個我個人感受，我覺得亂咪亂，你做乜話返個客。同埋我要落單。」
跟住佢問我咁要咩，佢就話「雙拼冇得加麵，你要湯餃子麵就得返六隻，同埋冇得雙拼。」
我話：「你地有上海淨麵呢個option㗎喎。」
佢話：「咁你唔要雙拼咪得囉！要湯餃子麵。」
我：「下咁依家係我自己想食雙拼，同埋你哋本身就有加一碗淨面嘅option。」
跟住成功落到單之後，佢全程攞嘢食過嚟都係粒聲唔出，我都冇望佢有冇黑面了，但係佢serve其他人嗰淨係有講有笑。
跟住我忍唔住問佢係咪老闆娘，咁如果老闆都覺得點樣對客都冇所謂我咪冇聲出，點知佢又話老闆娘唔喺度，咩事呢。
打開門做生意，雖然多我一個唔多，少我一個唔少，但嗰陣在場其他客聽到阿姐咁嘅態度，都皺曬眉。
平心而論，我真係覺得你地嘅食物質素好好，但係我睇到你哋牆邊嗰個wallpaper寫住
「1. 生客買嘢係禮貌。」
我真係覺得好諷刺，最慘就係有時明明老細想做好自己盤生意，但係呢個員工諗嘅就係東家唔打打西家，當啲客係狗。
10 views
0 likes
0 comments
Post
