牡蠣小屋

Open Now

Now Closed

朋友知我鍾意食日本嘢，帶我來呢間日本人主理既居酒屋🏮主打日本生蠔🦪刺身🍣壽司🍱，多款特色料理，食材相當新鮮，氣氛非常好👍🏻生蠔六吃來自福岡縣既牡蠣，蚝肉飽滿爽甜，一次過試晒六種口味，層次口感豐富，特別驚喜！包括有泰式蕃茄秋葵，生蠔醬油伴金桔，墨西哥辣椒蕃茄，芥末烤牛肉，櫻花果凍和酸奶油伴三文魚子！特上刺身拼盤有七款刺身，全部都厚切肥美，和歌山大吞拿魚入口即溶，北海道馬糞極鮮甜，煙燻鰆魚香滑無比，九州深海池魚、赤茅丹蝦、鱸魚、帆立貝無一不愛，配搭紫蘇葉食用鮮香味更突出！和牛卡爾帕喬和牛脂肪分布平均，肉質超級鮮嫩，入口油脂滿滿，配搭香甜洋蔥同特制醬汁，酸甜開胃🤤蒜香辣椒牡蠣八爪魚意粉炒過既意粉香辣惹味，質感彈牙好食，加上鮮甜牡蠣同八爪魚粒，非常推薦👍🏻炸豆腐伴魚仔好特別既小食，炸豆腐加白飯魚同蔥花，點上芥末醬風味獨特。