Video
Read full review
2025-04-16
71 views
今日係小妹牛一嘅大日子，細妹好有心咁帶我哋一家人出嚟食啲好嘢慶祝，心情真係既期待又溫暖。先同大家講結論啦：我真心俾呢度超高評價！食物美味，景觀令人心動，服務貼心，絕對係會encore嘅一餐！今次我哋試咗佢嘅weekend brunch menu，係unlimited嘅，於是我哋就豪邁咁每款都叫咗一輪試試，打算食完睇下邊款啱口味再追加。點知試完一輪之後，個肚已經飽到不得了，實在太滿足，連追加嘅力氣都冇啦！.呢個brunch set真係好似專為一家大小而設咁，每個人口味佢都照顧周全，實在唔係每間餐廳都能做到嘅溫馨事。有西式嘅豐富選擇，有日式嘅精緻風味，甚至仲有少少中式元素（餃子係中式定日式我都有啲搞亂，但好好食就真！）。連我屋企嘅長輩都讚不絕口，要知道佢哋嘅標準好高㗎，以「長輩滿意指數」嚟講，呢度絕對係超級出色！一個人$588，食物質素高，真心唔錯。.講到環境，呢度嘅走廊位真係有種魔力。我一邊行一邊影相，剛好捕捉咗我阿爸阿媽美好的一瞬間。成為了今次食飯一個美好嘅回憶。.食物方面，我推介幾款我食到停唔低口嘅菜式，下次再嚟我會直奔呢啲：辣吞拿魚腩碎蔥卷，入口嗰陣辣得啱啱好，鮮味爆發。佢細細粒,
.
呢個brunch set真係好似專為一家大小而設咁，每個人口味佢都照顧周全，實在唔係每間餐廳都能做到嘅溫馨事。有西式嘅豐富選擇，有日式嘅精緻風味，甚至仲有少少中式元素（餃子係中式定日式我都有啲搞亂，但好好食就真！）。連我屋企嘅長輩都讚不絕口，要知道佢哋嘅標準好高㗎，以「長輩滿意指數」嚟講，呢度絕對係超級出色！一個人$588，食物質素高，真心唔錯。
.
講到環境，呢度嘅走廊位真係有種魔力。我一邊行一邊影相，剛好捕捉咗我阿爸阿媽美好的一瞬間。成為了今次食飯一個美好嘅回憶。
.
食物方面，我推介幾款我食到停唔低口嘅菜式，下次再嚟我會直奔呢啲：辣吞拿魚腩碎蔥卷，入口嗰陣辣得啱啱好，鮮味爆發。佢細細粒, 一啖放入口就剛剛好, 加埋人面有粒細細既青瓜, 爽脆又唔會油膩。
.
薄切油甘魚. 和風洋蔥汁：食材新鮮, 最加分係佢個醬汁, 咸咸甜甜, 再加上三文魚籽, 鮮味滿滿。
.
仲有安格斯生牛肉薄切配黑松露. 蛋黃醬同火箭菜沙律：濃郁的牛肉, 配合微微的黑松露味, 加埋火箭菜, 呢個組合簡直係絶配, 火箭菜中和返牛肉既咸味, 入口冇負擔, 每一啖都係味蕾既享受。
.
另外，呢個刺身set真係夠晒吸睛，最搶眼係佢配咗一碌超大冰棍，造型前所未見，充滿驚喜。雖然只係一碌冰，但設計咁有心思，睇到我哋全家哇哇聲驚歎，個氣氛即刻high晒！可惜我攝影技巧麻麻，影出嚟嘅相望落似唔係好大，但實物真係巨型，忍唔住要同呢碌冰打卡留念！我就真係未見過咁嘅擺盤，唔知其他餐廳有冇呢啲創意呢。
.
最後, 附上美景給大家, cheers!
Post
