Layback Cafe & Bar

Open Now

Now Closed

話說我前排去咗銅鑼灣嘅Layback Cafe & Bar食飯，環境真係幾chill，坐喺17樓望住街景，感覺好relax。今次點咗幾款招牌菜，第一款係「四川黑糖單骨雞翼」。呢款雞翼一上枱就聞到陣陣香味，單骨設計好貼心，食起來方便又唔使甩骨。外皮炸得脆卜卜，黑糖同四川辣椒嘅調味好平衡，甜中帶辣，咬落去肉質嫩滑，唔會乾爭爭。😋之後試咗「生拆蟹粉拌北京拉麵」，呢碟真係有驚喜！拉麵彈牙有嚼劲，上面鋪滿蟹粉同蟹膏，份量多到不得了，蟹味超濃。佢仲有個小杯蟹粉醬汁畀你撈麵，食落每一啖都充滿鮮味。拉麵同蟹粉好夾，口感同味道都好有層次。🦀再嚟係甜品「開心果巴斯克」，一見到已經覺得好靚，面上有開心果碎同少少食用花裝飾。蛋糕質感軟滑，入口有濃濃嘅開心果香，混入芝士味之後唔會太甜。外層微微焦香，內裡creamy，吃得出用料用心。🌰飲品方面試咗「伯爵茶黑朱古力咖啡」，呢杯真係幾特別。伯爵茶嘅香氣同黑朱古力混搭，入口有茶香同朱古力嘅苦甜味。飲落唔算太濃烈，幾順喉，層次感豐富。☕最後試咗「龍蝦扁意粉」，呢碟意粉真係幾足料。扁意粉煮得剛剛好，彈牙又有咬口，配上大大嚿龍蝦肉，鮮甜得來唔腥。醬汁好creamy，應該有c